THLANRO CUNG MITTHLI ( Zuungaih caan hna a tuar rih ko lai maw..)
THLANRO CUNG MITTHLI
( Zuungaih caan hna a tuar rih ko lai maw..)
The Phongpi Post
Salai Teng Lam
Dipa thla khuasik ni zanlei ninem chialmalte ah cun tlangpar a sang deuh pawl cu ni nih sen deuh nawn te khin a von kah hna. vanlei zoh ah khin a thiang hringhran lenglei a hei cuanh tawn i cung a zuang mi vate te a hei hmuh ko ah khin a lunglen hrim a celh lo zuunthing hna a thar in an von i hliphlau, kehlei deuh ah a mit a hei thial than i ni nih hrap khawt lawng a cerh cang mi Phongpi le a tlang a hmuh ah a mitthlam ah a dawt a far a von cuang thliahmah duhsahin a mithli a luang.. dan khawh a si tilo a rauh hlanah a biang an ciar.
Cu zanlei khuamawt lio thengte cu a riangvai hringhran khua fak tuk in a ruah nak ah khua a muih manh hmanh a rak nghal lo. ninu cu hmuh khawh a si ti lo, muihnak nih a khuh cang tlawmpal ah khin arfi hna cu pakhat hnu pakhat an von chuak thluahmah, thlangleikam A enn mi fidi pahnih artlang tein a um mi nih a mit a von lak khun a zoh i a nolh than lengmang theu, " aw a hlan ah khan cun arfi bang kan rak enn ti nain " ti khin fakpi in a thaw a van dawp. thlapa te cu duhsah huamsam in a rak kai lio ah khin a hawi le cu inn lei an panh cuahmah lio a si, fum nawn in a dirnak cu a von i remh i " Tucun thlapa kawp ngeilo te bang keimah lawng na ka rauhtak hi .." tiin din nawn khin a holh.
Dawhkan cu zungno cu a von lak i a von i cauh a thaw lo tak mi khi a lo a hnai a von i chhiat, ka lungfah le lunglen a ka hnem kho deuh lai ti i a ruah mi zu nih tu a lung a donghter tuk cang, zu cu a zoh i zuthawl a zatceu zu a um rih keklak in cheh a duh nain vawikhat cu a von i cauh than. a nun hi kum zeizat rengruang hen mitthli in a tah cang i caan zeizat rengruang hen zuunngaihin a um rih nak hi a si e.
Fumnawn khin a kawrcung a von i lak a Motor cabi he lenglei a panh a hnulei aa bei mi zalrang a office a chuahtak cun king dimdiam tein nifatin phul sum i an riantuannak cu zandai tangah a rak king. in a phanh cun zan a rak tlai pah ngai cang.
Nain a. nu le pa cu an rak it rih lo an fapa dawt. zan a lawi hlan chung cu mikuh le ngut pah thluahmahin TV hmai ah an rak nghah Nupa hna nih Pathian sinah a hmet tein an pek chanh mi le thlacamnak le Pathian bia in an thanter mi hiti ngai in an lungre a theihter hna lai hi an ruat bal lo, An fapa mui an hmuh ah cun zaangfahnak, Ngaihchiatnak leh thinfual lungsau tein an dawn, a nu thinlungah cun " Aw ka Fapa hawisin ka bihzun mi kai uangthlar tuk ve mi hiti ngai a mirh lio hmanh kan hmuh khawh ti lo, Kan chhungkhar a kan nnuamter cem tu a si tawn nain " ti khin ngaihchia ngai in khua a ruat pah khin " E kafa in na rak tin cang maw, rawl hna na van ei ma... rawl ei kan siam piak lai mu na ba tuk lai khah i din ta rih naa tawl nak ding kan von ser piak la " tiah a ngaihchiatnak cu a thuh i hmaipanh te in a rak dawn.
A pa mi holh tlawm a si chinchap cubantuk boruak ah vun zeitin biahram von domh awk a thei lo, " Palung, Nihin na rian cu zeidah a lawh ?" tiah a von hal, rau lo te ah a lungchhung te cun ziah hme cubia hna cu ka hal hawi biadang deuh von hal ding ka si nain tiah a lungchung te cun a mawhchiat. A thawpi a von chuah fakpi in thaw a von lak " Kanu , Kapa sau tuk pei nan rak ka nnghah hi, kan ti rethei tuk hna e rak ka nghak ti hlah uh kan ti hna pei, Kanu rawlei zawng tuah a hau lo ka ei lai lo, ih colh ka duh tiah A nu le Pa nih bia chim timh i ka a von i an manh nain a khaanchungah a lut manh diam. A nu le a Pa. cu ihkhun cungah i nghilh kho loin an it A nih bel cu a zutdin nih hnar thluahmah in a nghilh ter. Nghilh zai rel loin sau ngai a zau cang mi Athang nu lepa cu biaruah hram an von i thawk. An nu cu a lei ah a von i mer i " Kan Pa, Kan Fapa kong ka ruah ah hin ka lung re a thei ko, ka zaang a fak tuk hringhran keimah rak palh zawng a si, kai ngaihchih hringhran Kan lungfim a rak tlai tuk i si " tiin mitthli cu a von thilh pah len. An pa nih zaangfahnak he a von kuh i fak deuh in a von reh " Athang nu, Pathian nih khua a khan ning hi cu minung nih kan theithiam tawn lo, Kan Fapa a kan petu hi Pathian a si i, kan sin in a la khotu zawng Pathian a si ko, amah ta a si i a duh paoh in a tuah ding a si ko a duh ah cun kan sin zawngah a kirh than te ko lai" tiah a von hnemh.
Athang cu Mangchia a manh than hawi hi thlan hripi he thinphang thlalau in a von i thang a pawng a von dah Dawtmi Thaku a um ti lo a von theih a mitthli kur kur in a von tla ihkhun tlang cu fak nawn in a on cumh Patling lileng hrum thawng cu tuk a sum i ngaih a chiat ter hringhran ko a thawng a thei mi paoh nih an rak tahpi ve...
Zan mui tangah king riangmang tein, thimfa hmanh tla sehlaw a thang tuk lai, Vampang Suimilam chawh thawng lawng a thang cang. In cawngtu uifim hna zawng an i hngilh I motor chhawklet zawng an um tilo, Cu lio ah Aathang hngilh kho loin fingreicat a hngak.
Boruak cu a dai hringhran I Van cu a Thiang ngamsam thep dildel te te in Arfi hna Deirel Arfi hna lakah Firuk rual A dawtmi he an rak cuanh tawn mi kha tu zawng a zoh ko rih.
( Zuungaih caan hna a tuar rih ko lai maw..)
The Phongpi Post
Salai Teng Lam
Dipa thla khuasik ni zanlei ninem chialmalte ah cun tlangpar a sang deuh pawl cu ni nih sen deuh nawn te khin a von kah hna. vanlei zoh ah khin a thiang hringhran lenglei a hei cuanh tawn i cung a zuang mi vate te a hei hmuh ko ah khin a lunglen hrim a celh lo zuunthing hna a thar in an von i hliphlau, kehlei deuh ah a mit a hei thial than i ni nih hrap khawt lawng a cerh cang mi Phongpi le a tlang a hmuh ah a mitthlam ah a dawt a far a von cuang thliahmah duhsahin a mithli a luang.. dan khawh a si tilo a rauh hlanah a biang an ciar.
Cu zanlei khuamawt lio thengte cu a riangvai hringhran khua fak tuk in a ruah nak ah khua a muih manh hmanh a rak nghal lo. ninu cu hmuh khawh a si ti lo, muihnak nih a khuh cang tlawmpal ah khin arfi hna cu pakhat hnu pakhat an von chuak thluahmah, thlangleikam A enn mi fidi pahnih artlang tein a um mi nih a mit a von lak khun a zoh i a nolh than lengmang theu, " aw a hlan ah khan cun arfi bang kan rak enn ti nain " ti khin fakpi in a thaw a van dawp. thlapa te cu duhsah huamsam in a rak kai lio ah khin a hawi le cu inn lei an panh cuahmah lio a si, fum nawn in a dirnak cu a von i remh i " Tucun thlapa kawp ngeilo te bang keimah lawng na ka rauhtak hi .." tiin din nawn khin a holh.
Dawhkan cu zungno cu a von lak i a von i cauh a thaw lo tak mi khi a lo a hnai a von i chhiat, ka lungfah le lunglen a ka hnem kho deuh lai ti i a ruah mi zu nih tu a lung a donghter tuk cang, zu cu a zoh i zuthawl a zatceu zu a um rih keklak in cheh a duh nain vawikhat cu a von i cauh than. a nun hi kum zeizat rengruang hen mitthli in a tah cang i caan zeizat rengruang hen zuunngaihin a um rih nak hi a si e.
Fumnawn khin a kawrcung a von i lak a Motor cabi he lenglei a panh a hnulei aa bei mi zalrang a office a chuahtak cun king dimdiam tein nifatin phul sum i an riantuannak cu zandai tangah a rak king. in a phanh cun zan a rak tlai pah ngai cang.
Nain a. nu le pa cu an rak it rih lo an fapa dawt. zan a lawi hlan chung cu mikuh le ngut pah thluahmahin TV hmai ah an rak nghah Nupa hna nih Pathian sinah a hmet tein an pek chanh mi le thlacamnak le Pathian bia in an thanter mi hiti ngai in an lungre a theihter hna lai hi an ruat bal lo, An fapa mui an hmuh ah cun zaangfahnak, Ngaihchiatnak leh thinfual lungsau tein an dawn, a nu thinlungah cun " Aw ka Fapa hawisin ka bihzun mi kai uangthlar tuk ve mi hiti ngai a mirh lio hmanh kan hmuh khawh ti lo, Kan chhungkhar a kan nnuamter cem tu a si tawn nain " ti khin ngaihchia ngai in khua a ruat pah khin " E kafa in na rak tin cang maw, rawl hna na van ei ma... rawl ei kan siam piak lai mu na ba tuk lai khah i din ta rih naa tawl nak ding kan von ser piak la " tiah a ngaihchiatnak cu a thuh i hmaipanh te in a rak dawn.
A pa mi holh tlawm a si chinchap cubantuk boruak ah vun zeitin biahram von domh awk a thei lo, " Palung, Nihin na rian cu zeidah a lawh ?" tiah a von hal, rau lo te ah a lungchhung te cun ziah hme cubia hna cu ka hal hawi biadang deuh von hal ding ka si nain tiah a lungchung te cun a mawhchiat. A thawpi a von chuah fakpi in thaw a von lak " Kanu , Kapa sau tuk pei nan rak ka nnghah hi, kan ti rethei tuk hna e rak ka nghak ti hlah uh kan ti hna pei, Kanu rawlei zawng tuah a hau lo ka ei lai lo, ih colh ka duh tiah A nu le Pa nih bia chim timh i ka a von i an manh nain a khaanchungah a lut manh diam. A nu le a Pa. cu ihkhun cungah i nghilh kho loin an it A nih bel cu a zutdin nih hnar thluahmah in a nghilh ter. Nghilh zai rel loin sau ngai a zau cang mi Athang nu lepa cu biaruah hram an von i thawk. An nu cu a lei ah a von i mer i " Kan Pa, Kan Fapa kong ka ruah ah hin ka lung re a thei ko, ka zaang a fak tuk hringhran keimah rak palh zawng a si, kai ngaihchih hringhran Kan lungfim a rak tlai tuk i si " tiin mitthli cu a von thilh pah len. An pa nih zaangfahnak he a von kuh i fak deuh in a von reh " Athang nu, Pathian nih khua a khan ning hi cu minung nih kan theithiam tawn lo, Kan Fapa a kan petu hi Pathian a si i, kan sin in a la khotu zawng Pathian a si ko, amah ta a si i a duh paoh in a tuah ding a si ko a duh ah cun kan sin zawngah a kirh than te ko lai" tiah a von hnemh.
Athang cu Mangchia a manh than hawi hi thlan hripi he thinphang thlalau in a von i thang a pawng a von dah Dawtmi Thaku a um ti lo a von theih a mitthli kur kur in a von tla ihkhun tlang cu fak nawn in a on cumh Patling lileng hrum thawng cu tuk a sum i ngaih a chiat ter hringhran ko a thawng a thei mi paoh nih an rak tahpi ve...
Zan mui tangah king riangmang tein, thimfa hmanh tla sehlaw a thang tuk lai, Vampang Suimilam chawh thawng lawng a thang cang. In cawngtu uifim hna zawng an i hngilh I motor chhawklet zawng an um tilo, Cu lio ah Aathang hngilh kho loin fingreicat a hngak.
Boruak cu a dai hringhran I Van cu a Thiang ngamsam thep dildel te te in Arfi hna Deirel Arfi hna lakah Firuk rual A dawtmi he an rak cuanh tawn mi kha tu zawng a zoh ko rih.
Comments