MANGTHA AN KATI NI ( PART - 2)
Mangtha an kati ( 2)
C. Vanramdinmawi
Zarhkhat a liam cang zarhteni zanleisang ah khin kan Cabin ah cun Sibawipa tlangvalnote hi a vong lut i cabawm nganpi ah exray nak catlap a von i put khi ka hei hmuh " Kapu nangmah lawng in chawnh kan duh ko " tiah a von ti, kan nu dah tilo Midang nih cun a kan chuahtak viar, sibawipa nih cun a aw a von thenh thutnak ah rem tein a thut hnu ah khin biahram a von domh " Kapu, nang cu kan ramhruaitu tha ngai nasi ti hi ka hngalh pumpak zong in ka upat ngai ngai mi nasi, a ngai ngai tiah cun keimah Sibawi ka cawn khawh nak zong hi cozahnak nan lak hnu na Education policy ruang hrim hrim ah a si ko, kha bantuk policy kha rak um hlah sehlaw kan mah bantuk misifak le rethei hna caah cun hibantuk dirhhmun hi kan pha kho naisai lai lo, a hmasa in pumpak in lawmhbia kan chimh, Nihin I na sin I hi bia chimtu ka si hi ka ngaih zong a chia ngai ngai ". A von tiah khin kan nu nih " Sibawipa zeidah mah cu si hong kan chim zawk zawk ko" tiah a bia a von chah ta. Sibawipa nih cun a hrawm a von then than I " Kapu, vei dawkaw aw, na x-ray result kan zoh i kan hlatthlai lengmang tikah hin na zawtnak hi brain tumor zawtnak a si, piang tein chim ah cun na thluak ah hin a bo mi nganpi a um cu cu a ngan tuk cang caah le damh khawh ding phun a si ti lo caah kum khat nak sau damkum na ngei ti lo, tuan ah rak hmu ning law cu damnak chance cu a um kho ko lai Nain " ti vial a chim ah khin kan nu cu a tap a mitthli a luang thluahmah Sibawipa zong cu a mitthli ai hrawl sau um loin a chuak colh ve.. kan nu cu ka kuh i ka pawm ka tangah a tap thluahmah " Pathian khua khan hi theihthiam a har ko Zawng Cinpa, " a ti I biadang a chim kho tilo. Midang zing an hong luh ve colh caah thil um tuning cu an von kan hal kan nu nih cun kapa cu a kuh i thil umtuning cu tah buin a hei chim cu bia a thei mi paoh cu a tap lo an um lo kapa bel cu a mitthli hmanh a ha lo.
Kapa cu a von holh i aw hrang ngai khin a von rak hna " Ziah kafapa cu mitthi tah in nan tah kan sinah a nun ko hi nan hmu lo maw, Ka Fapa hi pasal menmen ah maw nan rel Hi zawtnak vialte a damter kho tu Pathian kan ngei ti hi nan philh manh hawi maw zumhnak tlawm hna ngam uh " a von ti ah khin tah thawng cu a dai nain ik thawng lawng cu a cam. Kapa nih cun thla ka cam lai a ti i thlacam hram cu a von i thawk " Bawipa kan Pathian, Laimi hna thlauchuah a kan pe tu kan in chhungkhar hna I kan Pathian Nihin ni caan i ka Fapa zawtnak kan theih tikah hin minung lei cun kan ngaih a chia ko, nain Kapa a von tiah khin a tahaw a chuak. " Kapa, ka Fapa hi Sibawi hna nih an duh in a ser mi le thih caan an khiah piak khawh mi a si lo, nangmah nih na duh cun Nihin zongah hin la ko, mah long hi Bawipa kan hal Ka Fapa hi na ta si zungzal ko seh Na fapa Jesus min in Amen" tiin . Kapa nih thla a cam khoh cun keimah ah hnangamnak tampi ka ngei Thihnak pakhat hmanh ka ngei lo ka lung hna a ngam hringhran ko.
Ni le thla hna an liam ziahmah Damdawiin in kaan chuahnak zong thlaruk a liam cang nain ka luh a fah tuk ngelcel ah cun Caankar Damdawiin ah kan lut pah lengmang , Nikhua a sau deuh deuh i damlei nakin zual lei ka panh deuh deuh ve cu a si caah damnak hna kan hei hmu sual hnga maw tiah ka thlauk I a bo mi nganpi cu zei dingin ka hna a tla nain thla hnih kan hngah a hau Germany in Sibawi a hong ding a si caah le keimah taksa zong a cak a herh caah thlakhat chung zei khawh a si lai maw tiah ka taksa cu a hlatthlai.
An ka zei lai hrawng cu kan nu zanah a thli in a tah hi ka theih pah tawn kan I zei ding mi cu Thihnak le damnak kar tak tak khi a si thih lo cun dam , dam ah cun a bo mi zong um ve tilo ding khi a si caah hawikawm dawtu vialte an lungre a thei tuk cio thlacamnak hi khrihfabu kip ah ramchung ramlengin an ka ngeih piak lengmang thazaang peknak cakuat zong tampi ka don. Kan miphunpi nih an ka tuapi ti ka theih tikah an ka dawtnak hi Pathian nih a letza in a cham te hna lai tiah thla ka cam.
Nikhat Member of District Council ka hawile pawl kan inn ah an hong leng hna cheukhat sitting room ah cheukhat ihnak khaan ah tiin biasong kan tlawrh kan ram hmailei saduhthah tampi kan chim hna thazaang hna cu an ka pek pah, Cu lio ah cun ka Fapa Hniang Sianginn in a hong ttin innchung a luh le cangka ka khaan chungah a hung tli i " Kapa na thi lai an inti a si maw " tiah a von ka hal.
" Pahniang , ziah mah bia cu ho thla an chim ka thi lai lo, thla ka cam ko" tiah ka leh . " Kapa, kan Sianginn ah na dam khawh nak ding caah thla kan cam " a ti. " Pahbiang, Pathian nih nan thlacamnak an leh ko hnai lai ti na zum maw " tiah ka hal i ka Fapa nih cun " Kapa nangmah nih pei Pathian sin thla nan cam cun an leh ko hna lai nati kha " a ti ah khin. Ka hawile pawl cu Mitthli he an ni dih... cu kan biaruah chung cu an dai kan bia a thei mi paoh cu a ngaihchia lo an um lo.
Zan khat cu Mangchia ka manh I ka von i hlau ka von i hlauh cun ka pawngah hnangamtein a it mi Parku cu ka hei hmuh a thaw chuah ah cun a mang ah hnangam ngai ngai in a leng ti ka hmuh khawh, a Sam nih tlawm tein a hmai a khuh I cu cu ka hei thawn. Puan ka thawnh that i hngilh than kai tim. Nain kai hngilh than kho tilo kai hriauhrak deuh deuh cu a si caah ka tho I meiiin cu ka hei sanh Thutdanh ah ka thu i meiinn ceu nih a enh mi kan nu hnangam ngai in a it mi cu ka zoh aa dawh hringhran ko Kum 40 a tling ve Deng cang nain a Nungak rih ngai ngai Nungak tampi nak cun aa no ngai ngai rih. Kan nu cu ka mit thial kho lo in ka zoh kan Nungak tlangval lio nakin tu ah hin ka duh deuh ngai ngai cang. Nifatin ka duh nak hi a zual chin lengmang.
Sibawipa nih a chim nih ah cun hi vawlei I ka caan cu thla 4 lawng lawng a si cang kan nu ka von zoh thihnak kong ka van ruat ka zaang a fak hringhran Thaizing khi ka caah khuafing cat ve lo sehlaw tuzan hi ka caah zan Hnuhnung bik hei sisehlaw amahtein hi vawlei hi a hmachon cang lai cu va si kaw zeitluk in hme a ka hlam hnga, A ka herh caan harnak an ton tikah zeitin hen keimah loin an um hnga .. ?
Tuzan hi hi vawlei I ka caan Hnuhnung bik sisehlaw Thaizing I ka ruak thlankhur chung an thlak tikah khin zeitin hen a tuar thiam lai i keimah lo nih cun ho nih thla a hnemh khawh lai, a ho tangah thla a tah lai lungsivang thlavai tuk i a um lai ding ka ruah ah cun thih cu ka tih hrim hrim ko.
Ka zawtfah damlo caan hmanhah um awk a Hngal tawn lo cu si kaw , thlanmual ka liam ni lebang ah cun zeitin a tuar khawh lai keimah tello cun a tuar kho bal lai lo, keimah tello I hi vawlei a hmachon ding ka ruah ah khin ka zaang a fak kho tuk.
A fale Palo in a hei zohkhenh hna lai ding Pacan le nucan a hei kemh lai ding a fale Palo i tual an len a hmuh te ding tik ka ruah piak ko ah khin ka celh ve lo I Pathian khi ka mawhchiat tawn.
Liamcia caan hna ah khan amah lawng lawng hi ka thin hnemtu le ka thazaang a si ti mi hi theilo in a um sual hnga maw, Vawi zeizat lengluang hen a lung ka fah ter tawn i a lung ka tlin lo hnga , Liamcia caan hna ah khan amah lawng lawng hi ka dawt bik mi a si ti hi a theithiam thlu dih hnga maw.. Thaizing fingreicat ka hmuh manh lo sual ah ka dawt timi chim manh loin ka liam sual lai ti ka phang hringhran.
Kan nu cu zandai tangah dai zirziar tein ai hngilh ka zoh i ka zaang a zuun ka naih i a cal ah dintein ka hnamh a von i hlau ziahmah i a von ka zoh amah zoh Peng buin a pawngah ka rak thut cu a khuaruah a har biahalbak tampi a ngei nain zei hmanh a chim lo, ka naih deuh i a biang ka muai a kut ka tlaih I piang tein ka zoh " Parku, Kan dawt tuk " ka ti i a hmur ah dintein ka hnamh, Nifatin na ka chimh ko hen cun it cang a ti i ka biangah a ka hnamh i fekthup in kan I kup I kan karah thli hmanh a lut kho lai lo ti ding khin.
Cu zan cu ka dawt pawngah hnangam tein Thaizing nih zeidah a chuahpi lai ti lungrethei lo tein ka it I kai hngilh ....
C. Vanramdinmawi
Zarhkhat a liam cang zarhteni zanleisang ah khin kan Cabin ah cun Sibawipa tlangvalnote hi a vong lut i cabawm nganpi ah exray nak catlap a von i put khi ka hei hmuh " Kapu nangmah lawng in chawnh kan duh ko " tiah a von ti, kan nu dah tilo Midang nih cun a kan chuahtak viar, sibawipa nih cun a aw a von thenh thutnak ah rem tein a thut hnu ah khin biahram a von domh " Kapu, nang cu kan ramhruaitu tha ngai nasi ti hi ka hngalh pumpak zong in ka upat ngai ngai mi nasi, a ngai ngai tiah cun keimah Sibawi ka cawn khawh nak zong hi cozahnak nan lak hnu na Education policy ruang hrim hrim ah a si ko, kha bantuk policy kha rak um hlah sehlaw kan mah bantuk misifak le rethei hna caah cun hibantuk dirhhmun hi kan pha kho naisai lai lo, a hmasa in pumpak in lawmhbia kan chimh, Nihin I na sin I hi bia chimtu ka si hi ka ngaih zong a chia ngai ngai ". A von tiah khin kan nu nih " Sibawipa zeidah mah cu si hong kan chim zawk zawk ko" tiah a bia a von chah ta. Sibawipa nih cun a hrawm a von then than I " Kapu, vei dawkaw aw, na x-ray result kan zoh i kan hlatthlai lengmang tikah hin na zawtnak hi brain tumor zawtnak a si, piang tein chim ah cun na thluak ah hin a bo mi nganpi a um cu cu a ngan tuk cang caah le damh khawh ding phun a si ti lo caah kum khat nak sau damkum na ngei ti lo, tuan ah rak hmu ning law cu damnak chance cu a um kho ko lai Nain " ti vial a chim ah khin kan nu cu a tap a mitthli a luang thluahmah Sibawipa zong cu a mitthli ai hrawl sau um loin a chuak colh ve.. kan nu cu ka kuh i ka pawm ka tangah a tap thluahmah " Pathian khua khan hi theihthiam a har ko Zawng Cinpa, " a ti I biadang a chim kho tilo. Midang zing an hong luh ve colh caah thil um tuning cu an von kan hal kan nu nih cun kapa cu a kuh i thil umtuning cu tah buin a hei chim cu bia a thei mi paoh cu a tap lo an um lo kapa bel cu a mitthli hmanh a ha lo.
Kapa cu a von holh i aw hrang ngai khin a von rak hna " Ziah kafapa cu mitthi tah in nan tah kan sinah a nun ko hi nan hmu lo maw, Ka Fapa hi pasal menmen ah maw nan rel Hi zawtnak vialte a damter kho tu Pathian kan ngei ti hi nan philh manh hawi maw zumhnak tlawm hna ngam uh " a von ti ah khin tah thawng cu a dai nain ik thawng lawng cu a cam. Kapa nih cun thla ka cam lai a ti i thlacam hram cu a von i thawk " Bawipa kan Pathian, Laimi hna thlauchuah a kan pe tu kan in chhungkhar hna I kan Pathian Nihin ni caan i ka Fapa zawtnak kan theih tikah hin minung lei cun kan ngaih a chia ko, nain Kapa a von tiah khin a tahaw a chuak. " Kapa, ka Fapa hi Sibawi hna nih an duh in a ser mi le thih caan an khiah piak khawh mi a si lo, nangmah nih na duh cun Nihin zongah hin la ko, mah long hi Bawipa kan hal Ka Fapa hi na ta si zungzal ko seh Na fapa Jesus min in Amen" tiin . Kapa nih thla a cam khoh cun keimah ah hnangamnak tampi ka ngei Thihnak pakhat hmanh ka ngei lo ka lung hna a ngam hringhran ko.
Ni le thla hna an liam ziahmah Damdawiin in kaan chuahnak zong thlaruk a liam cang nain ka luh a fah tuk ngelcel ah cun Caankar Damdawiin ah kan lut pah lengmang , Nikhua a sau deuh deuh i damlei nakin zual lei ka panh deuh deuh ve cu a si caah damnak hna kan hei hmu sual hnga maw tiah ka thlauk I a bo mi nganpi cu zei dingin ka hna a tla nain thla hnih kan hngah a hau Germany in Sibawi a hong ding a si caah le keimah taksa zong a cak a herh caah thlakhat chung zei khawh a si lai maw tiah ka taksa cu a hlatthlai.
An ka zei lai hrawng cu kan nu zanah a thli in a tah hi ka theih pah tawn kan I zei ding mi cu Thihnak le damnak kar tak tak khi a si thih lo cun dam , dam ah cun a bo mi zong um ve tilo ding khi a si caah hawikawm dawtu vialte an lungre a thei tuk cio thlacamnak hi khrihfabu kip ah ramchung ramlengin an ka ngeih piak lengmang thazaang peknak cakuat zong tampi ka don. Kan miphunpi nih an ka tuapi ti ka theih tikah an ka dawtnak hi Pathian nih a letza in a cham te hna lai tiah thla ka cam.
Nikhat Member of District Council ka hawile pawl kan inn ah an hong leng hna cheukhat sitting room ah cheukhat ihnak khaan ah tiin biasong kan tlawrh kan ram hmailei saduhthah tampi kan chim hna thazaang hna cu an ka pek pah, Cu lio ah cun ka Fapa Hniang Sianginn in a hong ttin innchung a luh le cangka ka khaan chungah a hung tli i " Kapa na thi lai an inti a si maw " tiah a von ka hal.
" Pahniang , ziah mah bia cu ho thla an chim ka thi lai lo, thla ka cam ko" tiah ka leh . " Kapa, kan Sianginn ah na dam khawh nak ding caah thla kan cam " a ti. " Pahbiang, Pathian nih nan thlacamnak an leh ko hnai lai ti na zum maw " tiah ka hal i ka Fapa nih cun " Kapa nangmah nih pei Pathian sin thla nan cam cun an leh ko hna lai nati kha " a ti ah khin. Ka hawile pawl cu Mitthli he an ni dih... cu kan biaruah chung cu an dai kan bia a thei mi paoh cu a ngaihchia lo an um lo.
Zan khat cu Mangchia ka manh I ka von i hlau ka von i hlauh cun ka pawngah hnangamtein a it mi Parku cu ka hei hmuh a thaw chuah ah cun a mang ah hnangam ngai ngai in a leng ti ka hmuh khawh, a Sam nih tlawm tein a hmai a khuh I cu cu ka hei thawn. Puan ka thawnh that i hngilh than kai tim. Nain kai hngilh than kho tilo kai hriauhrak deuh deuh cu a si caah ka tho I meiiin cu ka hei sanh Thutdanh ah ka thu i meiinn ceu nih a enh mi kan nu hnangam ngai in a it mi cu ka zoh aa dawh hringhran ko Kum 40 a tling ve Deng cang nain a Nungak rih ngai ngai Nungak tampi nak cun aa no ngai ngai rih. Kan nu cu ka mit thial kho lo in ka zoh kan Nungak tlangval lio nakin tu ah hin ka duh deuh ngai ngai cang. Nifatin ka duh nak hi a zual chin lengmang.
Sibawipa nih a chim nih ah cun hi vawlei I ka caan cu thla 4 lawng lawng a si cang kan nu ka von zoh thihnak kong ka van ruat ka zaang a fak hringhran Thaizing khi ka caah khuafing cat ve lo sehlaw tuzan hi ka caah zan Hnuhnung bik hei sisehlaw amahtein hi vawlei hi a hmachon cang lai cu va si kaw zeitluk in hme a ka hlam hnga, A ka herh caan harnak an ton tikah zeitin hen keimah loin an um hnga .. ?
Tuzan hi hi vawlei I ka caan Hnuhnung bik sisehlaw Thaizing I ka ruak thlankhur chung an thlak tikah khin zeitin hen a tuar thiam lai i keimah lo nih cun ho nih thla a hnemh khawh lai, a ho tangah thla a tah lai lungsivang thlavai tuk i a um lai ding ka ruah ah cun thih cu ka tih hrim hrim ko.
Ka zawtfah damlo caan hmanhah um awk a Hngal tawn lo cu si kaw , thlanmual ka liam ni lebang ah cun zeitin a tuar khawh lai keimah tello cun a tuar kho bal lai lo, keimah tello I hi vawlei a hmachon ding ka ruah ah khin ka zaang a fak kho tuk.
A fale Palo in a hei zohkhenh hna lai ding Pacan le nucan a hei kemh lai ding a fale Palo i tual an len a hmuh te ding tik ka ruah piak ko ah khin ka celh ve lo I Pathian khi ka mawhchiat tawn.
Liamcia caan hna ah khan amah lawng lawng hi ka thin hnemtu le ka thazaang a si ti mi hi theilo in a um sual hnga maw, Vawi zeizat lengluang hen a lung ka fah ter tawn i a lung ka tlin lo hnga , Liamcia caan hna ah khan amah lawng lawng hi ka dawt bik mi a si ti hi a theithiam thlu dih hnga maw.. Thaizing fingreicat ka hmuh manh lo sual ah ka dawt timi chim manh loin ka liam sual lai ti ka phang hringhran.
Kan nu cu zandai tangah dai zirziar tein ai hngilh ka zoh i ka zaang a zuun ka naih i a cal ah dintein ka hnamh a von i hlau ziahmah i a von ka zoh amah zoh Peng buin a pawngah ka rak thut cu a khuaruah a har biahalbak tampi a ngei nain zei hmanh a chim lo, ka naih deuh i a biang ka muai a kut ka tlaih I piang tein ka zoh " Parku, Kan dawt tuk " ka ti i a hmur ah dintein ka hnamh, Nifatin na ka chimh ko hen cun it cang a ti i ka biangah a ka hnamh i fekthup in kan I kup I kan karah thli hmanh a lut kho lai lo ti ding khin.
Cu zan cu ka dawt pawngah hnangam tein Thaizing nih zeidah a chuahpi lai ti lungrethei lo tein ka it I kai hngilh ....
Comments