LAI TLANG SARAM PAWL BIAZAI

Dear all,
Ttha ten rak reel piak tuah hna uh.
Vapual.


Kan tlon leen nak, rawl kawl nak
Thing hmaawng ttha ttha, an tthiam hna
Tlang lo an vaat, thing an saat
...An hei duah rih , an tthiam dih
Vah cap mei in , luat ding khin
Kan tli kan zaam , kan i thaam
Kan luat kan tii, kan au i
Luat nem maam cu, cu re ru
Pa sal ka si, aa t ii
Khri fa ka si, aa ti mi
Ei mit lawng au, mi thluak tlau
Pawl hna nih khin , thli te in
Fei he naam he, mei thal he
An kan bawh cu, maw ka nu
Zaang fah nak le, dawt nak he
An kan bomh lai, kan luat lai
Ti na lak ah, zei cu dah
I relh hlaan ah, kan cal ah
An kan kah diam, an dii riam
Khua an tuak lo, an lung lo

An nih cu tah, zei hlei dah
An si hlei e, ruat ve hme
Mi raang sal in, luat ding in
An nun an peek, an i hneek
An hei doh hna, luat nak ca
Kan luat cang e, an tii le
An au an khuang, zuu an taawng
Cu lio ah cun, Lai mi phun
A thli te i , a bawh mi
Kawl an um kha, an philh ta
Kan luat cang ee, an ti le
Kawl pawl sal ah, taang hoi khah

Kan i khat ko , zei hlei lo
Vah cap mei i , a luat mi
Lai pa kut i, thi tthan m i
Mi raang sal i, a luat mi
Kawl pawl sal i, taang tthan mi
Zei he an si ,hlei ka ti

***** tuak ciammaam uh, an bia cuh***

( Lai tlang saram pawl Biazai )