EVAN VAPUAL DAL-3 NAAK

Vapual Thawng

Evan deu ....dal.3 nak.
Mahle nupi thangchiat zong cu ka lo kho men ...na in thil sining chim taktak ahcun aherhning tiang le mitheih awk i zohchia tuk asi lo mi hi cu telh lo awk cu attha lo cumu...nu cu ...an sining deuh arak sii caah ta asi lai ...pa hmursau ti nakcun ..nu hmursau..ti cu aa rem deuh bak cuh...cucu um rih seh...ramdang kal timi aa hruhchih hnucun .. a hmur hi amanhte aa manh lo..ka hnakhaw nihle tlongh an i tiim...abia chim ngaih lo le...vei .. cu si...ngaihpeng cawk le asi kho lo...thlalang ka bik ve chel hmanah ka hnakhaw aphin le phin lo hoihna ka zoh hmasa rua tiawk in...hiti rumro hin cun anun chung ..vialte alei hii aazaa te hngama tite hna ka ruat.....midang zong akal lo mi an tampi ko ee ...tii leen zongah..um koh...Pastor pipi hmanh an um sawhsawh ti lo khih Biakinn saknak..hall saknak...ti bantuk ca i tlawm asu dingah acuh in an i cuh..an buai leen cang sii ..zeihmanh na hngal lo mihruut...Biaknak ah NAN NAN ZI ( နိင္ ငံ ေရး) aa tel lo an ti kha lih asi cuh...Miraang holh athiammi le thiam lo mi tile..bia chim tthawng deuhmi tiphun in an buai khih...Dr laak fawi le cawnhar titiang hmanh in an i do lai lo ti chim khawh asi lo si...ka chim mi hi ngai ko...kan bia na ngaih lo ruangah dahkaw hi diarhmun te ah hin kan diar peng hih...Ngakttah cawmnak tuah ve law kaan ti lio ah khan ka bia cu rak ngai law cumu...khika khika ah kan tthu ve canglai sii....kan cawm kho hna lai lo e na hei ka tii..miraal chia pa...kan cawm khawh hna lo hmanhah anmah anmah tal nih an kan cawmte lai ee kaan ti kha....na hrut tuk eh kan Laiphungthluk i " Nu chimh ngai lo zubui lam thlang ril " timi khi a chim an i palh mi asi cuh.." Nupi chimh ngai lo.." titu asi eh...pa pawl nih nupi...zawnte khi hloh an duh bia asi eh...mihruut a hun ka tii chapbai...aze..
.ahani nih anungchung anguh te hnga maw ti khua hoi ka ruatmanh acutluk bia chim khawh cu....Lai phungthluk hmanh aduhning i aremh ngam mi nupi pei ka rak iton sual ko hi ....maw ka vaan chiat ti in hla va phuah awk nih le attha ttung lo...maw ka sivangh ....lungre lawng hmanh asi ti lo...thinre...cuapre..kalre le pawpire tiang in athei...uhmmm.... pasal ramlakah ti in thihhlaan lo tuar ding cu....vomkhuai hmanhnih acelh hnga dik maw?....
Kan kaa athaw kan tii ah buh le meh thawt piinah ngandam le rawlttaam ruang zongah asi dih kho ko..anih cu ramdang kong acaih cang ahcun a "KA" hrim hrim khi dahkaw zeihmanh tello in athawt cia cuh...ramdang kal hi rak um hlah sehlaw aa manh tuk lai ning...zei khi dik ahei chim ve hnga? Ramdang le dawla...locun anun atlei ti lo...Pathian bochan in..Pathian nawl.. tiah ka lawngin mi hmai ah hei chim..ramdang kalnak dingtu cu hehtian kua hei virh...Evan deu ttuan maw ahar deuh hnga Evan deu nupi deu.....dik....hawi duh duh ve...hawi hngalh hngalh ve ...hawi theih theih ve ttungi haakkaumi sii ve ttung ahcun zei Pastor le Evan nupi hmanh va si hna seh um sawhsawh cu thil fawi cu asi lai lo...hmuhmi phaisa le duhmi thilman aa khah lo ahcun khatlei tal tthumh asii lo le ....khatlei tal saan ter ahau ...mi tampi nihcun semreel i duhmi tthumh nakin hmuhmi phaisa asikho na lo i kaiter kan duh tawn...cubantuk nupi angei mi tamdeuh cu an va le sual khur ah an luhpi hna...adik lo in phaisa an kawl ter hna...nupi le attihmi kan nih Evan raalchia pawl ca hoi hna ahcun afawi lo...mi inn i va kal hnawh i thlacam piak man te hna kaih ve deuh ahau....crusade le camping sawmman zong thilman akai ning in kai ter ve ahau hnga....zoh dawhlo si hlah sehlaw minung pakhat pianthar ter man tiang ( Vaanram kai ter man ) kai ter dih ahau hnga....vok thintuh nikhua i thla va cam le an chungkhar mihmai i va fak man le ramdang in atlungmi pawl $ ruahchannak he va thangtthat man zong tlawm pal cu kaiter ahau ve hnga...
Aaaaaa....Krihfa lungput asi lo...eihmuar asi...Evan ,vandeu hmanh va si ko ninglaw minung sining hrimhrim in azohchia...piantharter man hei ti...camping man heiti tehna cuuuu....asii asi lo...Bawi Zisuh nih khamhnak tlaamtling atuah ciami cungi kei nih aman rah i hauh hoihna cu...ka caah ttih anung tuk...tii hngalh ko hmanh ah...nupi le nih hawi duh an duh ve le...an haak te akauh ve cang ahcun ....an chim nih tam...an zai nih ngaih cawk lo cu si kaw....thil dik lo va tuah ko cu mitchinh kamseh in i hneek ahau...sualnak a um hnu ah pei ngaihthiamnak cu a um cu...nupi le bia ngaih i...eihmuar ve ko...rum pah hnu ah i ngaihchih i ngaihthiam hal tthan...cucu thilkalning asi hei ti phun khin...thiam i co ter ahau hnga....ka hngalh bal lo mi phungthluk thar ti ka hun hngalh tthan phah..." Maw nupi le attih i an bia angai mi hna vaanchia nan va si dah...zeitin tiah nan vaan achia khe hen cu " tii kha....
Kanmah lawng palh zong asi lo...mipi nih ramdang kal le kal lo cu...tu le meheh bang cun an kan tthen fam cu...akal ciami nih le bia an chimnak pohah asi kho na lo in ramdang an kalnak kong hehtiah an kan chim hnawh fawn...nizaan tihni te i ava kal mi zongnih aluancia kum 20 kong an chim duh hmanhah ..kan nu he kan i um hlaan....U.S ka kal hlaan kha asi ko rua ka tii kan vok aphol mi kha ....mahhna vok cu ka rak raihter ..hei ti phun...Indiana ummi Laimi cu ka zoh ka zoh hna ah an rak tthangcho tuk ...lamkam i zun ahmang mi an um bak lo...thlalangawng in midum chung ah nau ek fun hlonh ahmang mi zong dah an um ti bak lo e...khuaruahhat bak ansi....heiti phun khi tam hna kaw...kan nupi le nihcun an uartuk fawn hna cuh...an nih pawl nih thil tthattha an phorh lio hna ah ..khuate lei cun anthorcar kaawk 2/1. .hei ti le chi paawng 5/6.. ti khi si kaw kan nule hmaihngal nakding cu aum lo cuh...an hawi le vial cu...zarhpini ah zeideuh dah kaa hruk ah attha lai tiah NANNAN CHIA thil cu thim cawk lo an ngei cuh...thlakhat ah zarhpi voi 7 hmanh um seh law athin ahung lo ding phun cu si hna kaw...an ithlau tuk hen cu.....
**** aaaa nupile kong chimnak ah US lei zong alang manh rih hoi lo hi ta....hmai zarh lei cun visa tal ka buaipi ve ahau...ka rauhtuk ahcun tthutdan sau i ih kaa huah sual lai....
Vapual.