LAIMI Vs MIRANG- part 2
LAIMI Vs MIRANG- part 2
(Tluanglianthang)
LAI UK le ZEIM
Voikhat cu tthitumnak puai a um. Hi bantuk caanah hin zaanah paih Bual hawn a si i. Khual he Lai he tlangval pawh an i pai tawn. Mah zan zong hi tlangval pawl phung pheng an i pai. Mirangpa nih cun mitthep loin a zoh hna i aa nuam tak tak. Paih cu chim lo a hmuh hmanh A hmu bel rih rua lo. Tlangval pakhat a hohmanh nih an tei khawh lo mi a um. A min cu Lai Uk a si. A nih hi mi chuapchap deuh, taksa tut nawn a si. Fawrh ai ziak khawh ning chim cawk a si lo.
A ho hmanh Bual chung lut ding an um ti lo caah Lai Uk cu champian ding a si cang. Cu lio ah a kil khat tein Duh Ceopa Lai Uk fawrh a hmang tak2 mi nih" Pa Uk mirangpa khi cu na ngamh setsai lo tih"."Ngamh lo rialmal cu". A si cun na kut dong khan hei sawh law, 'Kham hiar' vun ti ngat. Kan singkhaw( challenge) tinak a cuh." Lai Uk theo kan ti cu a kut dong cun mirangpa cu a sawh tak tak, "khamh hiar".
Mirangpa a lau tuk!! Khual tha kan ngeih ah cun pupa chan in paih ah kan I sawm tawn. Kan ti dan phung a si zia cu mirangpa ka chimh. Rak duh lo i el phunphai cu thil dawh lo tak tak a si zia zong ka chimh chih. Paih phung le lam cu fiangfai tein ka chimh hnuah mirangpa cu paih Bual ah cun a lut. A viu bakin mipi cu an viu. An hawhawt a that ning...
Mirangpa hi khan sang nawn, der leipang a si. Thazaang ngei phun dawh cun ka hmu lo. Lai Uk bel mirangpa liang cen lawng si hmanh seh law a taksa a tha, a tthawng, paih zong a thiam fawn. An i niam san ngai ko. Ka chuah kaa in mirang lai paih ka hmu bel rih lo, ka hmuh lai hmenh ka ruat bel lo. Mah lakah ka ruah lo piin ka kawipa Zeim cu Kan khua Lai Uk ce ngel he paih Bual chungah..
An tang tak tak. Kan khua mipi cu Pa Uk tanhtu(fans) lawng te an si. Keimah zong ka si ve ko..
" Khah, Khah, Pa Uk na tei tuk ko Khah, teng cang. Cawi cang, cawi cang, na tengh ko lai Khah". "Phu thlurh" a Thawng pang a tha tuk. Mirangpa cu ai teng ko. Aa tengh ning hmenh a fiang tuk. Zaangpa thal bakin.... Umm cei pah ko seh mirang ram ka phanh kaa kha ka philh kho lo.
Mirangpa ai lungsak ve lo. An tho than, an i tlai than cang. Zeim cu be tak tein a ttang ve cang, an i teng kho ve ve bak lo. An caah paih Bual a bi tuk. An i thlah duh bak lo. Mipi au thawng nih a tha chinchin. A donghnakah Pa Uk nih mirangpa cu pheithuan bakin aa cawi i lei car cemnakak,"phawrh" a tengh hawi. Mipi kan nih chuah tukah kan ni le kan dang tiang a lang dih. Zeim bel a nih a chuak lo.... Umm cei rih ko seh company ka tuan ka ah khan a rian fial a pang tuk ai..
(Laimi 3-0 Mirang)
(Tluanglianthang)
LAI UK le ZEIM
Voikhat cu tthitumnak puai a um. Hi bantuk caanah hin zaanah paih Bual hawn a si i. Khual he Lai he tlangval pawh an i pai tawn. Mah zan zong hi tlangval pawl phung pheng an i pai. Mirangpa nih cun mitthep loin a zoh hna i aa nuam tak tak. Paih cu chim lo a hmuh hmanh A hmu bel rih rua lo. Tlangval pakhat a hohmanh nih an tei khawh lo mi a um. A min cu Lai Uk a si. A nih hi mi chuapchap deuh, taksa tut nawn a si. Fawrh ai ziak khawh ning chim cawk a si lo.
A ho hmanh Bual chung lut ding an um ti lo caah Lai Uk cu champian ding a si cang. Cu lio ah a kil khat tein Duh Ceopa Lai Uk fawrh a hmang tak2 mi nih" Pa Uk mirangpa khi cu na ngamh setsai lo tih"."Ngamh lo rialmal cu". A si cun na kut dong khan hei sawh law, 'Kham hiar' vun ti ngat. Kan singkhaw( challenge) tinak a cuh." Lai Uk theo kan ti cu a kut dong cun mirangpa cu a sawh tak tak, "khamh hiar".
Mirangpa a lau tuk!! Khual tha kan ngeih ah cun pupa chan in paih ah kan I sawm tawn. Kan ti dan phung a si zia cu mirangpa ka chimh. Rak duh lo i el phunphai cu thil dawh lo tak tak a si zia zong ka chimh chih. Paih phung le lam cu fiangfai tein ka chimh hnuah mirangpa cu paih Bual ah cun a lut. A viu bakin mipi cu an viu. An hawhawt a that ning...
Mirangpa hi khan sang nawn, der leipang a si. Thazaang ngei phun dawh cun ka hmu lo. Lai Uk bel mirangpa liang cen lawng si hmanh seh law a taksa a tha, a tthawng, paih zong a thiam fawn. An i niam san ngai ko. Ka chuah kaa in mirang lai paih ka hmu bel rih lo, ka hmuh lai hmenh ka ruat bel lo. Mah lakah ka ruah lo piin ka kawipa Zeim cu Kan khua Lai Uk ce ngel he paih Bual chungah..
An tang tak tak. Kan khua mipi cu Pa Uk tanhtu(fans) lawng te an si. Keimah zong ka si ve ko..
" Khah, Khah, Pa Uk na tei tuk ko Khah, teng cang. Cawi cang, cawi cang, na tengh ko lai Khah". "Phu thlurh" a Thawng pang a tha tuk. Mirangpa cu ai teng ko. Aa tengh ning hmenh a fiang tuk. Zaangpa thal bakin.... Umm cei pah ko seh mirang ram ka phanh kaa kha ka philh kho lo.
Mirangpa ai lungsak ve lo. An tho than, an i tlai than cang. Zeim cu be tak tein a ttang ve cang, an i teng kho ve ve bak lo. An caah paih Bual a bi tuk. An i thlah duh bak lo. Mipi au thawng nih a tha chinchin. A donghnakah Pa Uk nih mirangpa cu pheithuan bakin aa cawi i lei car cemnakak,"phawrh" a tengh hawi. Mipi kan nih chuah tukah kan ni le kan dang tiang a lang dih. Zeim bel a nih a chuak lo.... Umm cei rih ko seh company ka tuan ka ah khan a rian fial a pang tuk ai..
(Laimi 3-0 Mirang)
Comments