RAMRI NIH CUN THISEN A THEN KHO TAKTAK LO : Rev. C. Duh Kam
RAMRI NIH CUN THISEN A THEN KHO TAKTAK LO
: Rev. C. Duh Kam
The Phongpi Post
Mirang le Kawl Ralpi 3nk [the 3rd Anglo-Burmese War] kum 1885 ah Burma ram cu Mirang kut chung ah a tla. Burma cu India ram ah a fonh. Kum 1919 in 1937 tiang ram pakhat in a uk hna. Kum 1937 ah Mirang [British] nih India le Burma cu ram hnih ah a then hna. India-Burma ramri nih Lairam [Chinland] cu a lai cer te in a cheu. Thisen le holh aa khatmi Lai/Chinmi cu Bawinu tiva le Tio tiva nih a kan then. Cozah pahnih tang ah kan um. Tu kum 2017 in cun kum 80 a tling.
Minung chan in chan hnih chung cu i thei kho lo in, ramdang mi ah kan i rel phah. Burma ram chung Laimi nih India le Bangladesh ram chung ah kan miphun hawi hna kanmah zat an um ti hi kan thei lo. A bik in, Kawl lak ah a thangmi upa le tu chan Lai mino tampi nih kan hngal lo. India le Bangladesh ah a ummi kan miphun hawi hna nih Buram ram chung Lai/Chinmi cu miphun dang ah a kan rel ve ti ko usih. A tu lawng in hngalh hram kan thok kan ti lai.
LIKBK Sangau-II Zaipawl
LIKBK ti cu "Lairam Isua Krista Baptist Kohhran [Lairam Jesus Christ Baptist Church]" ti a si. Laimi tampi nih a sullam theih kan i harh men lai.
Chinmi nih holh tampi kan ngeihmi lakah holh lian pakhat Mizo holh in tial a si caah a rel kho lo kan tam men lai. Mizo holh hi Laiholh he 60% aa khat an ti tawn. Kan takpum min cu 90% aa khat. Nu pakhat nih a ban te tlinh in a tang nem ah pom pah in kan takpum min hna hi chimhmi a lo ngai. Lai holh le Mizo holh hi kan cawnnak sianginn or university kong ka theih bal lo caah hringtu nu tang nem ah kan cawn ti a si ko lai. Sunghno Nu Sianginn [Mothers’ School] ah kan kai ti hna a si lai. Mizo nih an cawn mi holhpi cu Lai holh [Hakha holh] a si fawn. Thiam taktak in an cawn khawh ahcun kan i chawn kho te ko lai. Mi zei paoh nih holh phun kip thiam hi kan i zuam ding a si ko. Vawlei cung ah uarbikmi miphun Mirang zong nih holh dang an cawn cio ko. Ram fim le thiam minung nih cun holh dangdang cawn hi an duh. Kan duh cio awk a si ve. I nautak ding kan si lo.
Kan holh a dan ruangah miphun dang kan si hna lo. Kan umnak hmun hi kan miphun min an si lo. Miphun khat kan sinak hi thangthar mino nih theih nan herh khun.
Sangau khua hi Hakha in Saisihchuak lampi zulh in kal ah Mizoram ah a va chuakmi khua a si. Kan ngakchiat lio ahcun Thau khua he a tia. Inn 200 hrawng an si ve. Ram tha deuh ah an um caah inn 1000 reng lo an si cang. Lai holh in a holhmi an si. Kum 80 chung kan i then hna caah an awcawi cu anmah awcawi te a si ve. Laimi kan awcawi cu aa dang lulh. Hi nih Laimi duh kan nun deuhnak a langhter. Kan thlumnak a langhter.
A tang Lai hlaremh [LIKBK Sangau-II Zaipawl] hi anmah hla a si ve ko. An cawn chommi a si lo. Zaipawl [hlaremhbu] tiin aa tial ruangah a cawng chom an si lo. Saiha le Lawngtlai in hlaremhbu nih sakmi hna hi anmah hla te an si ve ko. Hlaremh thiam taktak kan ngeih hi Pathian thluachuah a si. Hakha le Thantlang peng ahcun Mizoram in hlaremhbu [Mizo & Lai] nih an lengmang cang hna. Pathian nih thisen khat a simi Lai/Chin miphun cu ramri taktak nih then peng ding a kan siang lo. Kan i hmu kho deuh lengmang lai. Pathian nih kan miphun thluachuah pe ko seh!
( website ah Video kan thil chih khawh lo caah ngaih thiam kan in hal hna.. YouTube ah rak kan zoh piak hram uh..)
: Rev. C. Duh Kam
The Phongpi Post
Mirang le Kawl Ralpi 3nk [the 3rd Anglo-Burmese War] kum 1885 ah Burma ram cu Mirang kut chung ah a tla. Burma cu India ram ah a fonh. Kum 1919 in 1937 tiang ram pakhat in a uk hna. Kum 1937 ah Mirang [British] nih India le Burma cu ram hnih ah a then hna. India-Burma ramri nih Lairam [Chinland] cu a lai cer te in a cheu. Thisen le holh aa khatmi Lai/Chinmi cu Bawinu tiva le Tio tiva nih a kan then. Cozah pahnih tang ah kan um. Tu kum 2017 in cun kum 80 a tling.
Minung chan in chan hnih chung cu i thei kho lo in, ramdang mi ah kan i rel phah. Burma ram chung Laimi nih India le Bangladesh ram chung ah kan miphun hawi hna kanmah zat an um ti hi kan thei lo. A bik in, Kawl lak ah a thangmi upa le tu chan Lai mino tampi nih kan hngal lo. India le Bangladesh ah a ummi kan miphun hawi hna nih Buram ram chung Lai/Chinmi cu miphun dang ah a kan rel ve ti ko usih. A tu lawng in hngalh hram kan thok kan ti lai.
LIKBK Sangau-II Zaipawl
LIKBK ti cu "Lairam Isua Krista Baptist Kohhran [Lairam Jesus Christ Baptist Church]" ti a si. Laimi tampi nih a sullam theih kan i harh men lai.
Chinmi nih holh tampi kan ngeihmi lakah holh lian pakhat Mizo holh in tial a si caah a rel kho lo kan tam men lai. Mizo holh hi Laiholh he 60% aa khat an ti tawn. Kan takpum min cu 90% aa khat. Nu pakhat nih a ban te tlinh in a tang nem ah pom pah in kan takpum min hna hi chimhmi a lo ngai. Lai holh le Mizo holh hi kan cawnnak sianginn or university kong ka theih bal lo caah hringtu nu tang nem ah kan cawn ti a si ko lai. Sunghno Nu Sianginn [Mothers’ School] ah kan kai ti hna a si lai. Mizo nih an cawn mi holhpi cu Lai holh [Hakha holh] a si fawn. Thiam taktak in an cawn khawh ahcun kan i chawn kho te ko lai. Mi zei paoh nih holh phun kip thiam hi kan i zuam ding a si ko. Vawlei cung ah uarbikmi miphun Mirang zong nih holh dang an cawn cio ko. Ram fim le thiam minung nih cun holh dangdang cawn hi an duh. Kan duh cio awk a si ve. I nautak ding kan si lo.
Kan holh a dan ruangah miphun dang kan si hna lo. Kan umnak hmun hi kan miphun min an si lo. Miphun khat kan sinak hi thangthar mino nih theih nan herh khun.
Sangau khua hi Hakha in Saisihchuak lampi zulh in kal ah Mizoram ah a va chuakmi khua a si. Kan ngakchiat lio ahcun Thau khua he a tia. Inn 200 hrawng an si ve. Ram tha deuh ah an um caah inn 1000 reng lo an si cang. Lai holh in a holhmi an si. Kum 80 chung kan i then hna caah an awcawi cu anmah awcawi te a si ve. Laimi kan awcawi cu aa dang lulh. Hi nih Laimi duh kan nun deuhnak a langhter. Kan thlumnak a langhter.
A tang Lai hlaremh [LIKBK Sangau-II Zaipawl] hi anmah hla a si ve ko. An cawn chommi a si lo. Zaipawl [hlaremhbu] tiin aa tial ruangah a cawng chom an si lo. Saiha le Lawngtlai in hlaremhbu nih sakmi hna hi anmah hla te an si ve ko. Hlaremh thiam taktak kan ngeih hi Pathian thluachuah a si. Hakha le Thantlang peng ahcun Mizoram in hlaremhbu [Mizo & Lai] nih an lengmang cang hna. Pathian nih thisen khat a simi Lai/Chin miphun cu ramri taktak nih then peng ding a kan siang lo. Kan i hmu kho deuh lengmang lai. Pathian nih kan miphun thluachuah pe ko seh!
( website ah Video kan thil chih khawh lo caah ngaih thiam kan in hal hna.. YouTube ah rak kan zoh piak hram uh..)
Comments