A TAWI NGAMSAM ZANKHAT CU
A TAWI NGAMSAM ZANKHAT CU
Biakthanzual Kompa
31. May. 2017 : Phongpi ( ONP)
FB mgs ka hmuhlo nak le kua tu ka tonlo naak caan hi thla 4 leng a si cang. Atu ni cu Lawngtlai Future Group chung i ca ka rel i ka LIKE khawh bakin 'Ka tta, na whatsap mgs rak zauh ta hme' tiah FB in mgs cu a rak tlung. Ka fawn hi whatsap support lo mi NOKIA X2 a si caah whatsap application te kha awn lo cun mgs a tlung kholoh, cucu a ka kuatu Velpi i a theih cia mi siko. Cuca cun FB leiin a rak ka theihter nak hi si.
'Atu ni cu ka lung rawk tuk, na kawipa Pa Iap hi a sual bak ko, an mah khua mi ngaknu Suite nih a lung a rak lak ngai ti ka theih. Zankhat zong an 2 te hmaan an thlak tti mi kha PP ah minute 3 hrawng a rak chiah ti si. Ka lung a ka tongh tuk, ka zaw tuk, ka lungthin lawng hmanh silo in ka pumsa zong a tlerh dihin ka theih. Zu a ding lo i kuakzial hmanh a zu lo, a ha thiang fawn, atungtlang ttha fawn, Bu-ah siseh an khua cun an chorchem ngai mi si' ti si tikah bia a rak sah zongah ka rak leh nghap naak kha si. Ka nu le pa nih siseh kan in leng a lamh bakin an muai i an hnamhlo lawng khi si , thingpi le a meh thaw thaw he, MDC tling thar te, a chungkhat nghal ballo mi i an conglomh phun khin an rak lomh. Cutluk kan hlorh i, a duh ning poah kan tuah piak ko bu cun atu hi kan phan cu si. . A ka tei tuk, Minung hi zu a dinglo i sa a eilo ruangah miding bak a si rak i ti awk silo. Zu din le sa ei nak hmanh i fak deuh mi dawkaw a ding eilo mi pa nih a ka tthenh hih. A ding ei mipa siselaw, ttang dang ka pom tak hlah seh ti kha atu ka duh deuh mi si. A bia i a dir tak tak mi, nu kan vanchiat ning a theitu le a kan dawtu hi nu kan ca cun a sung bik mi an rak siko. Nang cu ka tra chuahpi bantuk te i kan zauh mi na si khah mu. Ka kawinu Hlawnku nih a ka tlun taak lio te si i, nangmahlo cu bia hrawmh ngam mi ka ngeilo'.
Aizawl ah ca cawngin mi inn hlang i kan um lio a si. Velpi hi private Hostel um a si tikah i hmuh a fawilo i, zarhkhat chungah vawikhat kan i ton caan hi a tamlo ngai. Cupinah daling hna an rak ngei ve fawn i, i ton kha a men lo.
Ka nau le cu caminpuai an dih i an i dinh lio si caah khua leiah an tlung viar, kei bel ti awk a umpah rih caah keimah lawngte ka um lio a si i kiptuh khin tlung ve ding ka si. Velpi cu ka lungthinah zeitindah a um lai ti ka ruah peng i, ka umsia a remlo tikah 'zanriah cu kan inah rak ei' tiah rawl ei ka kawh. Anih ve zong cu hostel khaan pakhat te i mitthli he umko naak cun tiin a rak i thawh ve. Cun" ka vun ra colh lai i na rak ka don te lai mu "tiah a ka ti. Zanlei 3:00Pm a si cang, rawl ka chumh khawh cang. Anih zong cu a rak phan deng lai tiah don cu ka thawh ve. Lampi i sau ka tthut hlanah a rak phan, a mui ka zauhah nidang kan i ton cu a lo bakloh,a hmai panh sirsiar te, nih a tiim lengmang ko a lo mite cu a tlau, bia thiam deuh nih ka hnihkhat in chawn hna selaw a mitthli a khamh kho lailoh ti a fiang ko. Kei ve zong cu zuun ngaih tuarr ve bang chim awk hrim ka nghalloh, "ttum colh ko usih" ti lawng lawng ka chim.
Inn kan phak cun a vun kal lam hna a sauh deuh ruangah a thlan hna chuak pah, a kawrcung cu a phoih i aa din. Keinih sa ka cawk mi le meh hang te hna ka rak tuah ve. Sau dinlo cun a rak tho tthan i 'pa meh hang khin ter cu a dawhcahloh' a ti si men lai, "keimah nih ka rak tuah lai" a ti, nain ka duh ve bakloh, kan 2 cun kan tuah tti. Meh kan tuah pah i dai ziar kan tthut lio cun a mithli tla deng tawn ti khi ka hmuh..
" Velpi vei aw, Pa Iap hi a lung a tam rih men khi si, caan tlawmpal nghak law a rak kir tthan ka zumh ko. Minung kan ti cu hruh caan te khi kan nei tawn cuh. Na lung hrim fahter hlah, a rak kir tthan ko lai ti hi kaa fiang ko, nangmah hi daling a ngeih lakah an duh cem mi na si, a hruh a puang rih siko hih, hlan nan piat zongah a rak kir tthan ko kha mu" tiah ka hei hnemh. Zei a chimlo, a maian hlih cu a peh lengmang, a chel ah maian ko khat te cu minute 3 hrawng a hlih. " A rak kir tthan cu zum koh, ka kawi cu ka theih tuk, sau a rau hrim hrim lailoh" tiah ka chap tthan. Cu cangka cun "U Cung, a kir cu ka zum tilo, atu cun a daling nu he an i tlaih naak hi a rak sau pah cang i, a fek ngai cang tiah ka ruah. PP(profile picture) ah minute 3 hrawng an 2 hmanthlak te a chiah kha mu, kha nih khan an i tlaih hri a fek ngai ti a fianter tuk ah ka ruah. Ruat ve hmanh, mikip hmai i an 2 hmanthlak thlah ko cuh! Ka hawi le hna nih an hmuh dih, ka lau tuk, ka ningzak fawn. Cuca cun a kir tthan ka zumlo. Cun keizong i lungsak ka zuam ve lai, Pa Iap min zong chim si ti hlah seh".
Chim awk ka thei tilo. Cupinah kan mehhang hna a hmin pah cang i, rawl ei a cu pah cang. Ka 'beer' chiah mi te, a cane pakhat cu ka va lak i, ihnaak khaan leiah ka va lemh ta. Cukarah a nih nih rawl ei cu a rak tuah ve. Rawl ei kan i thawh i, ei pah cun "tampi in ei mu" ti hlei chim awk ka theilo. Anih ve fawn cu "na meh tuah mi thaw bak" ti lawng khi chim awk a hmuh mi si.
Rawl eikhawh cun kheng ttawl zong cu kan zuam ve ve loh. Kan chiah ta i ihnaak khaan ah kan lut. Ihkhun 2 a um i, pakhat ah anih tthu, kei khatleiah ka tthu ve. Chim awk hlei khi kan thei tilo siko. Fawn ka tawng pah, anih zawng a charge pahin a tawng ve. Dai ziar cun kan tthu, culio ah "fawn tongh zong hi ka zuamloh" tiah a vun ti. Ka hei zauh colh nghap. "Na beer ka tthen ve" , ka khuaruah har bak.
Velpi hi cu hlan cun beer ti pawl zong hi a din ka thei balloh. Bu(kohhran) i a tel lengmang mi,a dam ko cun a pum lengmang mi a si. Cutikah ka khuruah a har ngai. Hmanhselaw a tuar mi hi a fak tuk le, a mawhloh hih ti cu ka lungchungah a hung lang tthan, ," Na duh tak tak ko lai maw.? "tiah ka hal tthan rih." aw duh ko, ka tthen ve koh".
Beer cu kan 2 cun din kan i zal, Velpi cu a vawikhat din nak a si ruangah a tanttim lawng ka pek. Ihkhun pakhat ve ve cun kan tthu i, zei kan chim tiloh. Uico saruh teuh awk hmu ve ve mi ko khi kan lo, kan hna a ngam bak. Fawn ka tawng pah lengmang, Velpi cu ka ruat theng tiloh, a zauh hmanh ka zauh loh. Sau ial kan tthut hnu cun "U Cung"...." Hawi"tiah ka leh nghap. A mitthli he a rak i biah len cu si cang, "Velpi zei dah si?" tiah ka hei vehvat, "U Cung, Pa Iap cu nangmah nih hei chawn tuah, a aw hrim ka theih cun ka hna ngam ko lai. Ka um ve hi chim hlah mu",...
Zeidah cang ne! Velpi beer ka tthenh cu ka palh ko cang hi tah, loh bak si lai hih tiah ka ruah." Veipi, ih mu.... Chonh hi ka zuamlo zong silo, kan chonh lai i, na lungah a thar chin lengmang lai. Philh na duh siloh ma? Philh na timh hrimah cun a aw hmanh hi na ngaih awk silo, amah he pehtlaihnaak vialte cu na hlonh dih a hau"... Aaa ruat tthan rih." Si cun aw, beer pakhat cu ka tthen tthan rih". Azeee! Ka palh tuk lai maw? ti ka ruat. A rak ka hal peng ve, zeiti awk ttha, pakhat hi tthen rih ko ning, cun a mawlh pah lai i, aa nghilh ko lai tiah ka ruah i, pakhat cu ka tthenh tthan.
Zan suilam 9:00Pm a si cang, philh mi kan ngei, Velpi lawi a cuu tuk cang. 8:00Pm khan Hostel inkaa an hrenh cang. Kan lau tuk i kan rit hna fim viar in ka theih. Hostel Monitress chonh kan timh i kan chawn kho tilo. A riah cu a hau cang ne. Ti awk ttha tilo i, riah cu aa tim. Culio ah an Monitress nih a rak call tthan, an i chawn i, "Riak ko law, thaizing suimilam 11:00 hlanah Hostel na rak phan lai" tiah a ti, kan hna a ngam.
Beer din cu kan peh tthan, a din chungte cu a daiziar in a um. Sau ial kan tthu, tthut ka zuam tilo i, ka zau, anih zong a din khawh cun a zau ve. Sau kan tthu lo,a rak ttap tthan, zeiti ti awk ka nghal tilo. A pawng cun ka va tthu, Pa Iap he an hmantlak te pawl a rak zauh cu si. "Velpi, philh na duh siloh maw? Ziah ti hin na um?" ka vun ti, a ttap chin lengmang. "U Cung, a har ve tuk e, ka timh ko, ttah zong ka ttap pah ko lai, ttah bu zongin ka philh ko lai"
Hmunkhat te cun kan tthu, ka ttangah a hmai a vun chiah, ka kut cu a keng cungah ka chiah ve, a chelah ka muai pah. Chim awk set cu kan theilo." It cang usih mu"tiah ka ti, a duhlo. "Ka pawngah it ve ko, nang tham cu ka tta pei na si cu" a ka ti. Ka duh velo, nu le pa hmukhat ih tti cu ttha lo ka ti, cuhnu zongah it ve ko a ti peng. A si cun it ne ka ti i, kan it i, amah lawng cun puan ka aih ter. "A kik tuk hi, ka kup" a ti. Puan cung cun ka hei kuh, "puan va la chap" a ti ka va lak chap i ka vurh, puan cung cun ka kuh tthan. Holhlo cun kan it peng, a nghilh rua ka ti hin a rak i nghilh hlei lo.
Velpi hi a hlan cun a thei bal mi kan silo, Aizawl ca kan cawn hnu lawng i aa thei mi kan si. Lainu te a si i Lawngtlai district ttang a ra ve mi a si. Kan i theih hnu cun kan i kawm ngai,bia seherh zong kan i ruah lengmang tawn. Mui ttha tuk a silo nain zauh a dawh i a tungtlang a ttha. Pathian i a sersiam ning hi duh a nung,a hmai a panh i, chonh biak hrimna nuam tuk. Cun a nih hrimah hin zauh a dawh bak, muidawh tampi naak muidawh i ka ruat mi a si. Cuti kan i chonh lengmang tikah cun chikhatte cu kan rak i uar pah, kan i daw i, ka kipah kan i zul dawi, sihmanh selaw kan karah pehtlaih tak tak khi a um rihloh. Ka daling a si kha zumh peng, anih zong nih a zumh ve ko lai ka ti. Hmanhselaw 'a liam cia mi daling nih a chonh lengmang ko' tiah bia a rak theih tikah chonh le hmuh zong a duh tilo i, kan i thlah. Cuhnu cun ka kawipa Pa Iap nih hin a rak helh, Pa Iap cu zu ding sa ei a silo tikah a nu le pa lung zong a rak tling ngai i atu an phak nak hi si. Kei zong cu Pa Iap he an i daling hnu lawngah hawi bantukin pehtlaihnak kan ngei tthan i,a lungfah le retheih le Pa Iap he an lung i tonlo caanah thazang ka rak pek lengmang i, atu tiang i 'ka tra chuahpi na si' a ka ti naak hi a si.
Kuh peng a duh caah ka kuh peng, ka ke zong cu puan cung cun ka hei khiin, cuhnu zong cun kik a ti tthiam ko. Puan ka lakchap rih, ka vurh hoi tthan. December a kih lio te a si caah keizong cu a kik ka ti pah cang, WHISKY tlawmpal ka chiah mi cu ka va lemh ta, cuhnu cun ka kuh tthan. "Puan cu i vurh ve ko" a ti, ka duhlo. A nghilh kholoh, nghilhlo le i chawnlo cun ka kuh peng. Ka duh cia le ka uar cia rak siko hmanhselaw lungthin chia ngeih cu ka duh bak lo. Zan 12:00Am a si cang, a kik tuk ka celh ve bak tilo, " Ka ihkhun ah ka it ve lai cang awh" ka ti, a duh bak lo, rak i vurh ve ko ti cu si peng. A kik tuk cang,ka celh bak ve tilo i phuhrung ngai in puanbu tangah ka lut ve.
Puan kaa vurh ve cangka cun a rak ka kuh nghap, " Rak ka kup ve" ti cu si, a bia el lo cun ka kuh ve. Sau kan i kuh hlanah ka hei zauh, anih a rak ka zauh peng si, kan mit ai tong, kan i zauh sau ngamlo, kan i her tthan, kan i zauh tthan. Kan lung a hmu ti cu kan i fiang ve ve ko. Cuticun a hnamh hmasa zong umlo in kan i hnamh ve ve, kan i kup i kan i rek len colh, bia chim kan tim tiloh, kan lungchung um cu kan nghalh. Vawkpi rawl ttam mi vawk rawl chut cio kan siko. Cuticun dawtnaak tii i theh in zan khua kan dei.
A thaizing khua a dei cun, thawh i rawl chuan kan zuamloh,bia kan i ruah i a hlan kan umtuning hna cu kan caih tthan.Kan rak i uar ve ve k ee ti cu chim haulo si cang. Pa Iap min hrim kan chim tilo. Zing 9:00Am a si, Velpi lawi a cu cang. Kan tho i rawl ei cu kan i tim. Hmanhselaw kan inn umnaak hi a hliap tuk i, chunah lawng Ni kan hmuh, 9:00Am hrawng cun a kik tuk rih. A kih tuk ruangah kan sa tthing hna cu a rak kho viar, Gas ah kan khin tthan rih, cu zongah rawl a kik tuk, sa hang a sa mi kan toih zongah a lengphaw lawng a lum, a chung a lum tak tak kholoh. Kan ei kho bakloh.
Rawl hmanh ei tthatthi lo cun Velpi cu an Hostel ah Taxi in ka va chiah. An hostel kan phak cun a hmai panh sirsiar te kha ka hmuh tthan, a luh lai cun a kut cun a vun ka bye bye. Nu nghakchia kal thiam ka, fim ngai mi,pumsa ttha i duhnung ngai mi ko khi a lo. Film(tragedy) dongh lai ko hna a lo ka ti. Ka ngaih a chia i ka lung a chia, caam i umhnawh peng ka duh. Ka nunchung ka ruahnaak, ka tuah mi, ka hrawn mi a ka hrawmpi dingah ka duh bik mi a siko.
A thaizing i khua lei tlung ding ka si cang ruangah Bazar leiah duh herh mi hna caw ding cun ka chuak ve, mitku chimlo in chunnitlak Bazar ah ka um.Ka lawi pahin Velpi cu a cau tuk lai tiah ei supsap le ENERGY DRINK hna an monitress sinah ka vun tthenh pah. Zan a si i ka thilri hna kaa tuah hnu ah Velpi cu cikhatte lawng ka chonh, "ka cau pah ngai i kan ih taak laii, thaizing khua lei ka tlung ding ka si khah" tiah ka ti i ka ih taak.
Khualei tlung ding cun Sumo kan cuang, ka mitthlamah Velpi lawngte cu a um. Khua Masi hman zong cu ka zenh pah cang e . Motor a tli cuahmah, Velpi he kan i hlat thluahmah. Signal tthat caan poahah Velpi mgs a tlung lengmang. 'Kan ngai tuk e'hei ti,' kan i tong tthan lai mu'heiti pawl hna cu kan i kua ve ko. Hmanhselaw Aizawl ah tuah awk ka ngei tilo, Pangkhua um hau cang, anih Aizawl um cu kan i chawn peng kho lailoh i kan i piat hrim ko lai ti cu kaa fiang ko. Cupinah Pangkhua um bu cun Aizawl MZU lut mi nungak cu ka tlai kho peng lailoh ti kha, ka minah 'Salai' um ve loh ti kaa fian tluk i kaa fian mi si fawn.
Velpi pawng um cu ka cimlo i, um peng kha duh,caam hnawh cu ka duh peng mi siko. Hmanhselaw tluang dang kan si, i tthen cu a hau ttung. Duh cukmak i dawtnak he vuleicung kan nunchung cu ka ruat, 'zankhat' te cu sikaw. Ka cimlo zong hi ka rak mawh hrimlo hi tah,a tawi ngamsam hme cu zankhat cuu.
Biakthanzual Kompa
31. May. 2017 : Phongpi ( ONP)
FB mgs ka hmuhlo nak le kua tu ka tonlo naak caan hi thla 4 leng a si cang. Atu ni cu Lawngtlai Future Group chung i ca ka rel i ka LIKE khawh bakin 'Ka tta, na whatsap mgs rak zauh ta hme' tiah FB in mgs cu a rak tlung. Ka fawn hi whatsap support lo mi NOKIA X2 a si caah whatsap application te kha awn lo cun mgs a tlung kholoh, cucu a ka kuatu Velpi i a theih cia mi siko. Cuca cun FB leiin a rak ka theihter nak hi si.
'Atu ni cu ka lung rawk tuk, na kawipa Pa Iap hi a sual bak ko, an mah khua mi ngaknu Suite nih a lung a rak lak ngai ti ka theih. Zankhat zong an 2 te hmaan an thlak tti mi kha PP ah minute 3 hrawng a rak chiah ti si. Ka lung a ka tongh tuk, ka zaw tuk, ka lungthin lawng hmanh silo in ka pumsa zong a tlerh dihin ka theih. Zu a ding lo i kuakzial hmanh a zu lo, a ha thiang fawn, atungtlang ttha fawn, Bu-ah siseh an khua cun an chorchem ngai mi si' ti si tikah bia a rak sah zongah ka rak leh nghap naak kha si. Ka nu le pa nih siseh kan in leng a lamh bakin an muai i an hnamhlo lawng khi si , thingpi le a meh thaw thaw he, MDC tling thar te, a chungkhat nghal ballo mi i an conglomh phun khin an rak lomh. Cutluk kan hlorh i, a duh ning poah kan tuah piak ko bu cun atu hi kan phan cu si. . A ka tei tuk, Minung hi zu a dinglo i sa a eilo ruangah miding bak a si rak i ti awk silo. Zu din le sa ei nak hmanh i fak deuh mi dawkaw a ding eilo mi pa nih a ka tthenh hih. A ding ei mipa siselaw, ttang dang ka pom tak hlah seh ti kha atu ka duh deuh mi si. A bia i a dir tak tak mi, nu kan vanchiat ning a theitu le a kan dawtu hi nu kan ca cun a sung bik mi an rak siko. Nang cu ka tra chuahpi bantuk te i kan zauh mi na si khah mu. Ka kawinu Hlawnku nih a ka tlun taak lio te si i, nangmahlo cu bia hrawmh ngam mi ka ngeilo'.
Aizawl ah ca cawngin mi inn hlang i kan um lio a si. Velpi hi private Hostel um a si tikah i hmuh a fawilo i, zarhkhat chungah vawikhat kan i ton caan hi a tamlo ngai. Cupinah daling hna an rak ngei ve fawn i, i ton kha a men lo.
Ka nau le cu caminpuai an dih i an i dinh lio si caah khua leiah an tlung viar, kei bel ti awk a umpah rih caah keimah lawngte ka um lio a si i kiptuh khin tlung ve ding ka si. Velpi cu ka lungthinah zeitindah a um lai ti ka ruah peng i, ka umsia a remlo tikah 'zanriah cu kan inah rak ei' tiah rawl ei ka kawh. Anih ve zong cu hostel khaan pakhat te i mitthli he umko naak cun tiin a rak i thawh ve. Cun" ka vun ra colh lai i na rak ka don te lai mu "tiah a ka ti. Zanlei 3:00Pm a si cang, rawl ka chumh khawh cang. Anih zong cu a rak phan deng lai tiah don cu ka thawh ve. Lampi i sau ka tthut hlanah a rak phan, a mui ka zauhah nidang kan i ton cu a lo bakloh,a hmai panh sirsiar te, nih a tiim lengmang ko a lo mite cu a tlau, bia thiam deuh nih ka hnihkhat in chawn hna selaw a mitthli a khamh kho lailoh ti a fiang ko. Kei ve zong cu zuun ngaih tuarr ve bang chim awk hrim ka nghalloh, "ttum colh ko usih" ti lawng lawng ka chim.
Inn kan phak cun a vun kal lam hna a sauh deuh ruangah a thlan hna chuak pah, a kawrcung cu a phoih i aa din. Keinih sa ka cawk mi le meh hang te hna ka rak tuah ve. Sau dinlo cun a rak tho tthan i 'pa meh hang khin ter cu a dawhcahloh' a ti si men lai, "keimah nih ka rak tuah lai" a ti, nain ka duh ve bakloh, kan 2 cun kan tuah tti. Meh kan tuah pah i dai ziar kan tthut lio cun a mithli tla deng tawn ti khi ka hmuh..
" Velpi vei aw, Pa Iap hi a lung a tam rih men khi si, caan tlawmpal nghak law a rak kir tthan ka zumh ko. Minung kan ti cu hruh caan te khi kan nei tawn cuh. Na lung hrim fahter hlah, a rak kir tthan ko lai ti hi kaa fiang ko, nangmah hi daling a ngeih lakah an duh cem mi na si, a hruh a puang rih siko hih, hlan nan piat zongah a rak kir tthan ko kha mu" tiah ka hei hnemh. Zei a chimlo, a maian hlih cu a peh lengmang, a chel ah maian ko khat te cu minute 3 hrawng a hlih. " A rak kir tthan cu zum koh, ka kawi cu ka theih tuk, sau a rau hrim hrim lailoh" tiah ka chap tthan. Cu cangka cun "U Cung, a kir cu ka zum tilo, atu cun a daling nu he an i tlaih naak hi a rak sau pah cang i, a fek ngai cang tiah ka ruah. PP(profile picture) ah minute 3 hrawng an 2 hmanthlak te a chiah kha mu, kha nih khan an i tlaih hri a fek ngai ti a fianter tuk ah ka ruah. Ruat ve hmanh, mikip hmai i an 2 hmanthlak thlah ko cuh! Ka hawi le hna nih an hmuh dih, ka lau tuk, ka ningzak fawn. Cuca cun a kir tthan ka zumlo. Cun keizong i lungsak ka zuam ve lai, Pa Iap min zong chim si ti hlah seh".
Chim awk ka thei tilo. Cupinah kan mehhang hna a hmin pah cang i, rawl ei a cu pah cang. Ka 'beer' chiah mi te, a cane pakhat cu ka va lak i, ihnaak khaan leiah ka va lemh ta. Cukarah a nih nih rawl ei cu a rak tuah ve. Rawl ei kan i thawh i, ei pah cun "tampi in ei mu" ti hlei chim awk ka theilo. Anih ve fawn cu "na meh tuah mi thaw bak" ti lawng khi chim awk a hmuh mi si.
Rawl eikhawh cun kheng ttawl zong cu kan zuam ve ve loh. Kan chiah ta i ihnaak khaan ah kan lut. Ihkhun 2 a um i, pakhat ah anih tthu, kei khatleiah ka tthu ve. Chim awk hlei khi kan thei tilo siko. Fawn ka tawng pah, anih zawng a charge pahin a tawng ve. Dai ziar cun kan tthu, culio ah "fawn tongh zong hi ka zuamloh" tiah a vun ti. Ka hei zauh colh nghap. "Na beer ka tthen ve" , ka khuaruah har bak.
Velpi hi cu hlan cun beer ti pawl zong hi a din ka thei balloh. Bu(kohhran) i a tel lengmang mi,a dam ko cun a pum lengmang mi a si. Cutikah ka khuruah a har ngai. Hmanhselaw a tuar mi hi a fak tuk le, a mawhloh hih ti cu ka lungchungah a hung lang tthan, ," Na duh tak tak ko lai maw.? "tiah ka hal tthan rih." aw duh ko, ka tthen ve koh".
Beer cu kan 2 cun din kan i zal, Velpi cu a vawikhat din nak a si ruangah a tanttim lawng ka pek. Ihkhun pakhat ve ve cun kan tthu i, zei kan chim tiloh. Uico saruh teuh awk hmu ve ve mi ko khi kan lo, kan hna a ngam bak. Fawn ka tawng pah lengmang, Velpi cu ka ruat theng tiloh, a zauh hmanh ka zauh loh. Sau ial kan tthut hnu cun "U Cung"...." Hawi"tiah ka leh nghap. A mitthli he a rak i biah len cu si cang, "Velpi zei dah si?" tiah ka hei vehvat, "U Cung, Pa Iap cu nangmah nih hei chawn tuah, a aw hrim ka theih cun ka hna ngam ko lai. Ka um ve hi chim hlah mu",...
Zeidah cang ne! Velpi beer ka tthenh cu ka palh ko cang hi tah, loh bak si lai hih tiah ka ruah." Veipi, ih mu.... Chonh hi ka zuamlo zong silo, kan chonh lai i, na lungah a thar chin lengmang lai. Philh na duh siloh ma? Philh na timh hrimah cun a aw hmanh hi na ngaih awk silo, amah he pehtlaihnaak vialte cu na hlonh dih a hau"... Aaa ruat tthan rih." Si cun aw, beer pakhat cu ka tthen tthan rih". Azeee! Ka palh tuk lai maw? ti ka ruat. A rak ka hal peng ve, zeiti awk ttha, pakhat hi tthen rih ko ning, cun a mawlh pah lai i, aa nghilh ko lai tiah ka ruah i, pakhat cu ka tthenh tthan.
Zan suilam 9:00Pm a si cang, philh mi kan ngei, Velpi lawi a cuu tuk cang. 8:00Pm khan Hostel inkaa an hrenh cang. Kan lau tuk i kan rit hna fim viar in ka theih. Hostel Monitress chonh kan timh i kan chawn kho tilo. A riah cu a hau cang ne. Ti awk ttha tilo i, riah cu aa tim. Culio ah an Monitress nih a rak call tthan, an i chawn i, "Riak ko law, thaizing suimilam 11:00 hlanah Hostel na rak phan lai" tiah a ti, kan hna a ngam.
Beer din cu kan peh tthan, a din chungte cu a daiziar in a um. Sau ial kan tthu, tthut ka zuam tilo i, ka zau, anih zong a din khawh cun a zau ve. Sau kan tthu lo,a rak ttap tthan, zeiti ti awk ka nghal tilo. A pawng cun ka va tthu, Pa Iap he an hmantlak te pawl a rak zauh cu si. "Velpi, philh na duh siloh maw? Ziah ti hin na um?" ka vun ti, a ttap chin lengmang. "U Cung, a har ve tuk e, ka timh ko, ttah zong ka ttap pah ko lai, ttah bu zongin ka philh ko lai"
Hmunkhat te cun kan tthu, ka ttangah a hmai a vun chiah, ka kut cu a keng cungah ka chiah ve, a chelah ka muai pah. Chim awk set cu kan theilo." It cang usih mu"tiah ka ti, a duhlo. "Ka pawngah it ve ko, nang tham cu ka tta pei na si cu" a ka ti. Ka duh velo, nu le pa hmukhat ih tti cu ttha lo ka ti, cuhnu zongah it ve ko a ti peng. A si cun it ne ka ti i, kan it i, amah lawng cun puan ka aih ter. "A kik tuk hi, ka kup" a ti. Puan cung cun ka hei kuh, "puan va la chap" a ti ka va lak chap i ka vurh, puan cung cun ka kuh tthan. Holhlo cun kan it peng, a nghilh rua ka ti hin a rak i nghilh hlei lo.
Velpi hi a hlan cun a thei bal mi kan silo, Aizawl ca kan cawn hnu lawng i aa thei mi kan si. Lainu te a si i Lawngtlai district ttang a ra ve mi a si. Kan i theih hnu cun kan i kawm ngai,bia seherh zong kan i ruah lengmang tawn. Mui ttha tuk a silo nain zauh a dawh i a tungtlang a ttha. Pathian i a sersiam ning hi duh a nung,a hmai a panh i, chonh biak hrimna nuam tuk. Cun a nih hrimah hin zauh a dawh bak, muidawh tampi naak muidawh i ka ruat mi a si. Cuti kan i chonh lengmang tikah cun chikhatte cu kan rak i uar pah, kan i daw i, ka kipah kan i zul dawi, sihmanh selaw kan karah pehtlaih tak tak khi a um rihloh. Ka daling a si kha zumh peng, anih zong nih a zumh ve ko lai ka ti. Hmanhselaw 'a liam cia mi daling nih a chonh lengmang ko' tiah bia a rak theih tikah chonh le hmuh zong a duh tilo i, kan i thlah. Cuhnu cun ka kawipa Pa Iap nih hin a rak helh, Pa Iap cu zu ding sa ei a silo tikah a nu le pa lung zong a rak tling ngai i atu an phak nak hi si. Kei zong cu Pa Iap he an i daling hnu lawngah hawi bantukin pehtlaihnak kan ngei tthan i,a lungfah le retheih le Pa Iap he an lung i tonlo caanah thazang ka rak pek lengmang i, atu tiang i 'ka tra chuahpi na si' a ka ti naak hi a si.
Kuh peng a duh caah ka kuh peng, ka ke zong cu puan cung cun ka hei khiin, cuhnu zong cun kik a ti tthiam ko. Puan ka lakchap rih, ka vurh hoi tthan. December a kih lio te a si caah keizong cu a kik ka ti pah cang, WHISKY tlawmpal ka chiah mi cu ka va lemh ta, cuhnu cun ka kuh tthan. "Puan cu i vurh ve ko" a ti, ka duhlo. A nghilh kholoh, nghilhlo le i chawnlo cun ka kuh peng. Ka duh cia le ka uar cia rak siko hmanhselaw lungthin chia ngeih cu ka duh bak lo. Zan 12:00Am a si cang, a kik tuk ka celh ve bak tilo, " Ka ihkhun ah ka it ve lai cang awh" ka ti, a duh bak lo, rak i vurh ve ko ti cu si peng. A kik tuk cang,ka celh bak ve tilo i phuhrung ngai in puanbu tangah ka lut ve.
Puan kaa vurh ve cangka cun a rak ka kuh nghap, " Rak ka kup ve" ti cu si, a bia el lo cun ka kuh ve. Sau kan i kuh hlanah ka hei zauh, anih a rak ka zauh peng si, kan mit ai tong, kan i zauh sau ngamlo, kan i her tthan, kan i zauh tthan. Kan lung a hmu ti cu kan i fiang ve ve ko. Cuticun a hnamh hmasa zong umlo in kan i hnamh ve ve, kan i kup i kan i rek len colh, bia chim kan tim tiloh, kan lungchung um cu kan nghalh. Vawkpi rawl ttam mi vawk rawl chut cio kan siko. Cuticun dawtnaak tii i theh in zan khua kan dei.
A thaizing khua a dei cun, thawh i rawl chuan kan zuamloh,bia kan i ruah i a hlan kan umtuning hna cu kan caih tthan.Kan rak i uar ve ve k ee ti cu chim haulo si cang. Pa Iap min hrim kan chim tilo. Zing 9:00Am a si, Velpi lawi a cu cang. Kan tho i rawl ei cu kan i tim. Hmanhselaw kan inn umnaak hi a hliap tuk i, chunah lawng Ni kan hmuh, 9:00Am hrawng cun a kik tuk rih. A kih tuk ruangah kan sa tthing hna cu a rak kho viar, Gas ah kan khin tthan rih, cu zongah rawl a kik tuk, sa hang a sa mi kan toih zongah a lengphaw lawng a lum, a chung a lum tak tak kholoh. Kan ei kho bakloh.
Rawl hmanh ei tthatthi lo cun Velpi cu an Hostel ah Taxi in ka va chiah. An hostel kan phak cun a hmai panh sirsiar te kha ka hmuh tthan, a luh lai cun a kut cun a vun ka bye bye. Nu nghakchia kal thiam ka, fim ngai mi,pumsa ttha i duhnung ngai mi ko khi a lo. Film(tragedy) dongh lai ko hna a lo ka ti. Ka ngaih a chia i ka lung a chia, caam i umhnawh peng ka duh. Ka nunchung ka ruahnaak, ka tuah mi, ka hrawn mi a ka hrawmpi dingah ka duh bik mi a siko.
A thaizing i khua lei tlung ding ka si cang ruangah Bazar leiah duh herh mi hna caw ding cun ka chuak ve, mitku chimlo in chunnitlak Bazar ah ka um.Ka lawi pahin Velpi cu a cau tuk lai tiah ei supsap le ENERGY DRINK hna an monitress sinah ka vun tthenh pah. Zan a si i ka thilri hna kaa tuah hnu ah Velpi cu cikhatte lawng ka chonh, "ka cau pah ngai i kan ih taak laii, thaizing khua lei ka tlung ding ka si khah" tiah ka ti i ka ih taak.
Khualei tlung ding cun Sumo kan cuang, ka mitthlamah Velpi lawngte cu a um. Khua Masi hman zong cu ka zenh pah cang e . Motor a tli cuahmah, Velpi he kan i hlat thluahmah. Signal tthat caan poahah Velpi mgs a tlung lengmang. 'Kan ngai tuk e'hei ti,' kan i tong tthan lai mu'heiti pawl hna cu kan i kua ve ko. Hmanhselaw Aizawl ah tuah awk ka ngei tilo, Pangkhua um hau cang, anih Aizawl um cu kan i chawn peng kho lailoh i kan i piat hrim ko lai ti cu kaa fiang ko. Cupinah Pangkhua um bu cun Aizawl MZU lut mi nungak cu ka tlai kho peng lailoh ti kha, ka minah 'Salai' um ve loh ti kaa fian tluk i kaa fian mi si fawn.
Velpi pawng um cu ka cimlo i, um peng kha duh,caam hnawh cu ka duh peng mi siko. Hmanhselaw tluang dang kan si, i tthen cu a hau ttung. Duh cukmak i dawtnak he vuleicung kan nunchung cu ka ruat, 'zankhat' te cu sikaw. Ka cimlo zong hi ka rak mawh hrimlo hi tah,a tawi ngamsam hme cu zankhat cuu.
Comments