FORMER MOTO GP CHAMPION HAYDEN A THI

Nicky Hayden ti i a min an auh mi, US Moto GP rider cu Italy ah car nih a suk hnu ni 5-ah a thi.

Kum 2006 i MotoGP champion rak si cang mi,  kum 35 nak hmang lio mi Nicky Hayden hi Italy i Rimini tikam ah cycle a khalh lio cu car pakhat nih a rak suk. Zei nghallo-in a um colh i cuhnu cun Bufalini sizungah kalpi a si. Sizung hi phanhpi siko hmanh selaw ai khawn fak deuh ruangah May ni 22 khan a thi.

Hayden hi vuleicung Motor sport a duh mi nih cun an uar tak tak mi a rak si ve. Kum 2003 khan Moto GP ah a rak i tel bal. Cuhnu kum 3 a liam cun vuleicung Moto GP i record a nei ttha bik mi Valentino Rossi kutcungin world champion si nak a lak.