PATHIAN THIL SER A PEHNAK

Pathian thilser...apeh..

Pawngkam zohkhenhnak lei i ka thinlung aamer hnu in  tv i a chuak tawnmi Discovery..Animal planet..tbt ka zohning aa dang ngai..azohzia ka thiam deuh cuh...cakei nih sakhi hna adawi hna i aseh hna ka hmuh ahkhin sakhi pawl khi ka zaang an faak..cakei hna ka hei huat...video athlatu nih ziah sakhi khi an chanh hnga lo...tiah ka rak phunzai tawn cuh...seh le ei atongmi poh ka zaang an faak...asehtu poh ka rak huat hna...cucu saram zawn aruat ngaimi Khrihfa ttha ngai ah ka rak i ruah cuh...Pathian thilser minung nih kan hngalhfian lo tuk ning hi mu...ziah  cakei tuangngei ( Lion ) , pawpi,pawlai, pawte...cenghngia..hngartlai..sahngar..tbt sa ei phun hi a rak ser hna hnga?..


Ziah thinghnah le hramh ttam dingin an rak ser ve ko hna hnga lo tii ka ruat i la hrut deeng....Pathian thilser ah caih ve le thluak cheuh a tiimmi ka lo i...ka ning a zahning...zeizong vialte aser hna,..azoh i a ttha ati dih hna cuh...azei he la va i thlaak hnik? Ka tii i...ka hruh a lang...sa ei lo lawngte rak serin sa ei phun um hna hlah sehlaw.....sa ei lophun an karh ciammaam hnga i...minung kan buai lai ning...kan duum le hau chung i cinthlaakmi cu chim lo kan pangpar tiangin an ngaan hna hnga lo ta....anmah le an an sining cio..a kaazawnte...aherhnak zawn i san an tlaihnak hmun tete ah an i herhtonh cio ning in ser mi an si cu mu....kan nih kan vaa i caihnak ding hi a um lo eh....cakei nih seh timhi adawimi sakhi kha va khamhning law...Sertu cu aa lawm naisai lai lo...ziah cakei rawl kheeng a bengh piak tiah a thin a hung hnga i rawl lo in dah chiah ve a hei ka timh hnga...ka lung afiimnak ah mu...



Kan lo chung thlai aei tawntu ngal tehna aeitu dingah cakei..cenghngia..tehna an um ahau cuh..zu le va eitu ah mupi .kaite rul hna zong serchih an si ve...tite hmanh ka ruah phaak khawh lomi kha...hruuuh tuk bia tu arak si...sa ei lo pawl nawng dih hna usih law  kanram i a um mi sa ei pawl nih zei cu dah an ei ve hnga..kan zuat sattil an ei lo ah ..rawlttaam in maw thih an i tiimh hnga...ei le ih lawng a thiammi nih minung tiang hmanh an kan ei duh lai sii...
Cun...sau deuhdeuh tv chuakmi ka hun zoh...ka lung apem chin thluahmah..rawl kawl le ih lawng dahra an thiam sawh sawh ti nalakah rawl kawl an thiamning..an thluak an hmanning hi minung nih kan tluk lo hnaning ka hmuh i alau in ka lau ..amak in amak..khuaruahhar piinlei khi asi...

Zaankhat cu kaa hngelh kho lo i tv hmai tthutdan sau ah tv zoh pahin ka zau...zeidang chanel zoh lo in discovery ttheo cu ka zoh...ka hmuhmi thil nih aka hriau ter chin chin....cucu hihi asi...tupi chungril taktak i khaubok pawl rawl an kawlning ko ta...amak in amak ka tii...khaubok nih anmah le an holh in ta an va i chimh ko hnga....kan va hngalhpi hna lo..minung nih cun...khaubok 5 an rak zuangtti hna i tupichah taktak i adiarmi thingkung mangtara ah an lu tonhin an i fuu hna..cun an thla cio an hun samh.an thla chahmi tang i anthla pante arong seh le eng ...an hun langhter cio bak ahcun..cutluk tupi chah..ni ceunak hmanh nih a hlanh khawh lomi ah cun pangpar ceu dawh tak tak ban tuk in a lang...cawl lo te in an um cio...a rau bak lo..vawlei cungi va laki afa bik ..hnu lei chit zongi azuang thiammi humming bird nih pangpar maw ti in a hun fuh colh...hmakhat te ahcun a naih colh hna lo...azoh azoh hna i ahun naih ha bak in an hun zuanhnawh hna i an tlaih tthup i vawlei ah an tlaakpi...a rauh hlaanah va hmul tete cu hnah ro ngan pipi kar lai cun an hung lang..khaubok le an eimi cu alang ti lo naa in kaa fiang....zei dah acang ti cu...
Cucu pawngkam zohkhenh nak lei kan bu ASEP i ka ttuanpi mi pa cu zingah arak ka leeng celngel...khu le phal cun ka chimh ka ti cu...a ka zuum kho bak lo....ka thintu a hung...vantthat ah zinglei ah an rak chuah tthan lio kan i ton i..a zoh ve...mak atii tuk ah......

Tisartlam rawl kawlning khua ruahhar ka peh tthan te lai...

Vapual Thawng.

Comments