YLA Sub Hqrs Sangau hmalaknakin BSNL Main Office Sangau cu khar a si.

YLA Sub Hqrs Sangau hmalaknakin BSNL Main Office Sangau cu khar a si.

Chiapa ni 18. Kum 2019 ah khan Sangau ah BSNL Main Office cu kumkhat deng signal a um mumal khawh lo caah Young Lai Association Sub-Headquarters Sangau hmalaknakin khar piak an si.

Sangau le a a pawngkam khua hna ah hin BSNL service hmangtu hna nih cun BSNL Mobile network an ngeih mi a chia kho tawn ngai i , Kum 2018 thawk khan thathi in hman khawh a rak si ti lo,  hibantukin BSNL service hmangtu mipi hna nih harsatnak an ton caah hin Young Lai Association Sub-Headquarters' Sangau nih cun Sangau le a pawngkam khua hna harnak ton mi cu theihngalh piak in hmalak a si I,  BSNL lutlai hna sinah complaint tuah in voi zeimawzat an rak chonbiak cang hna,  Sangau Joint Action Committee (SJAC) le Sangau khua chung VCP pali um mi hna zong nih kum hmasa kum 2018 khan Sangau khua le a pawngkam khua hna ai awh in Aizawl i BSNL Head Office ah General Manager zong tonbiaruahnak ngei in harnak an ton mi kongkau hi an rak chimh cang.  

YLA Sub Hqrs Sangau nih cun an hmalaknak pehzul thluahmah in BSNL service ṭha deuh mi thla zeimawzat an hngah than hnu zongah Service thitha a um fawn lo caah Vaupi ni 27 kum 2019 ah khan BSNL lutlai hna sinah  Ultimatum tuah in BSNL service cu service that hi an kal pi khoh lo lengmang ding a si ah cun an office khar piak an si lai nak kong hi an rak chimcia cang hna. 

YLA Sub Hqrs Sangau hruaitu hna nih hin thla 2 leng BSNL signal an ngan than hnu zongah, an hmalaknak le BSNL lei in rian pehzulhnak a um khoh fawn rih lo caah Chiapa ni 18 kum 2019 ah khan Sangau i BSNL Main office cu YLA Sub Hqrs. Sangau nih cun an khar piak hna.  

Sangau BSNL Office nih hin Power hmannak bill tangka nuai 3 leng Power & Electricity Deptt. Mizoram ah ba an ngeih caah an electrict connection cu caan saupi disconnect piak an rak si cang i. BSNL office Sangau ah hin Genrator a ngan mi le power backup battery zeimawzat um ve ko hmanhseh Diesel supply a um that lo caah Sangau a BSNL service hi caan zeimaw zat chung khan  mobile nework service an pe kho tilo 

 

Sangau le a pawngkam khua mipi tam deuh nih cun Kum tam ngai BSNL Service an rak hman cang caah Cozah thil le thildang pawiherh hna ah BSNL Number an rak chiah cang caah harnak an ton ngai tiah kan theih fawn.  Tu dirhmun ah hin BSNL Office Sangau hin rianttuantu an um loh I, an office le tower kilveng tu ah an chaor mi Nin- Tribal 1 nih cun BSNL Office Sangau le thilri hna hi an ven piak lio hna a si.