Lairam Cozah (LADC) Session cu Police nih an luhhnawh cang hna

Lairam Cozah (LADC) Session cu Police nih an luhhnawh cang hna

Lairam Cozah ah Cozah hlonh a duh tu le Duhlo tu Member of District Council hna karlak ah elhnialnak fakpi a chuah pinah le Chairman nih Nominated Member hna Vote thlak a sianh hna lo ruangah Cozah tlaitu MDC hna nih cun Vote thlak an siang loh I, cu caah Secretary cabuai an kal hnawh cu lio ah Police hna rung lut in Secretary Cabuai hi kilven a si, Chairman nih cun Secretary cabuai a tibaui mi paoh cu tlaih colh dingin Police pawl cu nawl a pek hna, I buainak  a tuah mi paoh cu Police nih tlai colh dingin Chairman nih nawl a pek hna.

Hiti a sib u hin Chairman nih cun Vote thlak dingin MDC pawl cu Vote thlak nak ding Catlap a phawt chin hawi hna caah buainak hi a zualhma chin lengmang tiah kan theih. Zan Suimilam 6:18 a si cang nain Session hi lim a si rih lo pinah Chairman nih Suimilam 5:30 tiang lawng a ti buin Chairman nih hin Suimilam 6 pinlei tiang a kal ter than rih.

High Court Biachuah nih cun Nominated Member hna nih Vote an thla kho lai lo tiah biachuah a rak um cang mi cu  Stay Order a chuah caah tu dirhmun ah hin Nominated Member hna nih Vote an thlak khawh, Nominated Mmeber hna hi Cozah tlaitu Congress tanhtu an si caah Nominated hna nih Vote an thlak khoh ah cun Cozah thluk khoh a si lai lo, cu cu Chairman hi Cozah thluk duhtu a si caah Nominated Member hna Vote thlak sian loin a chuahter timh hna nak hi a si, Nominated Member hna nih cun “Governor le Nangmah theihpi nak in Biakamnak a tuah mi kan si caah kan chuahtak kho lo” anti ve fawn caah a buaibai ngai ngai Tu ah Suimilam 6 a si cang nain Session hi donghter a si rih lo.

Lairam Cozah ah hin Pu T. Za Kung hruaimi Congress Party nih Cozah an tlaih lio a si I, Kan langhter cia bantukin  Congress MDC pali, MNF MDC pariat le independent MDC pakhat hna nih cun United Legislature Party dirhin Cozah lio thluk tim in hma an lak lio a si LADC-ah hin elected MDC 25 le nominated MDC pathum an um i, tu dirhmun ah  elected ah Congress-nih MDC 12 le ULP-nih MDC 13 an ngei i, nominated MDC pathum cu Congress an si dih fawn.