Lairam Cozah (LADC) thluk tim in i el hnial cuahmah lio a si

Lairam Cozah (LADC) Congress Cozah cu thluk timhin Opposition (MNF) nih nihin Zanlei suimilam 2:00 pm thawk khan LADC Monsoon Session 2019 ngeih lio mi ah Motion chuahpi lio a si. Tu ah Lairam Cozah Session cu Cozah thlu timtu hna le Cozah dirkamhtu hna an I el cuahmah lio a si. Lawngtlai khuachung le Lairam Pumpi Mipi hna nih cun zeitin dah thil a can hnga tiin LIVE Telecast le Social Media hmangin an hngah thup lio a si.

MNF le a tuanpi CLP hna nih cun Lairam ah Congress Cozah cu Cozah lairel ning diklo tuk le tangka hman ning diklo tuk si in an puh hna lio ah Congress lei ve zong nih MNF le a tuanpi CLP hna nih cun tehte ngeilo in Cozah lih in an pu si in an chim ve, tu ah hin an I el cuahmah lio a si I thawngpang kan I thanh than te hna lai.

Lairam Cozah ah hin Pu T. Za Kung hruaimi Congress Party nih Cozah an tlaih lio a si I, Kan langhter cia bantukin  Congress MDC pali, MNF MDC pariat le independent MDC pakhat hna nih cun United Legislature Party dirhin Cozah lio thluk tim in hma an lak lio a si LADC-ah hin elected MDC 25 le nominated MDC pathum an um i, tu dirhmun ah  elected ah Congress-nih MDC 12 le ULP-nih MDC 13 an ngei i, nominated MDC pathum cu Congress an si dih fawn.