Lairam Cozah (LADC) Session ah buainak a um

Lairam Cozah (LADC) Session cu peh cuahmah a si, Zanlei Suimilam 4 ah donghter ding a si nain biaelnak le buainak tete a um caah tu zongah donghter khoh a si rih lo, Chairman nih Cozah thluk nak dingin Vote lakter hna a timh caah le High Court nawl chuahm I cohlang duh loin Nominated Member hna Cozah thimnak ah Vote thlak kho lo dingin le Session Hall (Lairam Parliament) chuahtak dingin a ti hna caah Cozah tlaitu MDC pawl nih lungtling loin le Nominated Member hna nih chuah an duh ve lo caah buainak tlawmte  achuak i Chairman hmai Cabuai chung thil hna zong hlonh le tthek an si.

High Court Biachuah nih cun Nominated Member hna nih Vote an thla kho lai lo tiah biachuah a rak um cang mi cu  Stay Order a chuah caah tu dirhmun ah hin Nominated Member hna nih Vote an thlak khawh, Nominated Mmeber hna hi Cozah tlaitu Congress tanhtu an si caah Nominated hna nih Vote an thlak khoh ah cun Cozah thluk khoh a si lai lo, cu cu Chairman hi Cozah thluk duhtu a si caah Nominated Member hna Vote thlak sian loin a chuahter timh hna nak hi a si, Nominated Member hna nih cun “Governor le Nangmah theihpi nak in Biakamnak a tuah mi kan si caah kan chuahtak kho lo” anti ve fawn caah a buaibai ngai ngai Tu ah Suimilam 6 a si cang nain Session hi donghter a si rih lo.

Lairam Cozah ah hin Pu T. Za Kung hruaimi Congress Party nih Cozah an tlaih lio a si I, Kan langhter cia bantukin  Congress MDC pali, MNF MDC pariat le independent MDC pakhat hna nih cun United Legislature Party dirhin Cozah lio thluk tim in hma an lak lio a si LADC-ah hin elected MDC 25 le nominated MDC pathum an um i, tu dirhmun ah  elected ah Congress-nih MDC 12 le ULP-nih MDC 13 an ngei i, nominated MDC pathum cu Congress an si dih fawn.