MIZORAM KAILAWN 2019 kongkang hrilhfiahnak caan ngeih a si.

July ni 11 kum 2019 ah khan  Lawngtlai DC Conference Hall-ah Mizoram Planning & Programme Implementation Department tangah dirh mi, Mizoram Entreprenuership Development & Monitoring Committee (MEDMOC) hma laknak Entreprenuership Development Scheme (EDS) kongkau cawnpiaknak le  Mizoram Kailawn 2019 kalpi lio mi kongkau cawnpiaknak caan (outreach programme) hman a si.

Hi caan  hi Lawngtlai DC Pi Shashanka Ala, IAS nih cun caan hruai in a chuak kho mi hna sinah lawmhnak bia a chim I chawlehnak hramawt kongkau presentation a tuah mi cu hmuhsaknak ngei in siang ngakchia a chuak kho mi hna sinah midang bawmchan kho dingin an khuaruahnak hmang dingin forhfialnak a ngei hna I cu sin in sawmdawnnak lamthar kawl dingin le puitling hna zong hi lei hoih deuh ah an fale forhfialnak ngei tawn dingin a cah hna.  

Hi caan hmannak ah hin MEDMOC Master Trainer Pu Ramnundang nih EDS sullam le a tangah rianttuan dingin chuahpi mi hna chimfiannak a ngei I, Mizoram tthanchohnak ding lamthar tha ngai a si nak kong chim in Chawlehnak lei ah a hlawhtling mi le dirchuak dingin thil pawiherh hna EDS tangah cun khuaruat thiam mi hna caah cun thanchohnak tampi a umnak kong hna chimfiahnak a ngei.  

Indian Institute of Management Calcutta Innovation Park (IIMCIP) partner, Mizoram Consultancy Group ai awh in Pi Esther Khiangte nih cun  EDS tangah Mizoram Kailawn 2019 kalpi lio mi kongkau le telve dingin tuah a hau mi hna chimnak a ngei I Mizoram Kailawn cu Mizoram thanchohnak ding lamthar a hrawn khohnak ding I timhlamnak le eikawlnak ding lamthar a ruat thiam mi hna le lamsial a duh mi hna hrangah an saduhthah a tlin khohnak caan ttha lanhter sian ding mi a si loh a ti.  

Mizoram Kailawn 2019 hi  a voi thumnak si in Eikawlnak ding lam thar timhtuahnak tha a ngei mi hna I zuamnak ding a si I, hi thil ah hin hmalak nak sullam ngei le a ttha ding mi hna cu an I timhtuahnak hna chuahpi in cu cu mi thiamsang hna nih a ttha bik bik tiah an ruah mi an thim than lai I cozah nih cun an hramthawknak ding lawmman a tuahpiak hna lai. Hi Project ah ai tel duh mi hna nih cun www.mizoramkailawn.org-ah internet hamngin ca pek khoh a si lai I  an I timhtuahnak hi  hi July ni 17 thawkin  August ni 9, 2019 tiang pek khoh si in, mithiamsang hna nih an zohfel hnu ah , September ni 6-ah result phuan than a si lai. A tlingte mi hna cawnpiaknak  bootcamp hi September ni 16 hrawngah hin tuah than a si lai. September ni 23 hrawngah Entrepreneurship Summit ngei than dingin timhtuah a si I hi caan ah hin lawmman zong pek colh an si lai.

outreach programme-ah hin Lawngtlai mah le khuaruah thiamnak in ei a kawl mi hna le chawlehnak a tuah cang mi hna pinah sianghleiruun siang ngakchia le Line Department Official hna an chuak kho I biachimnak pinah caihti nak le biahalnak caan zong ngeih a si.