Miphun rawitu an si :Pu C. Ngun Lian Cung

  2 July, 2019 Cawnnihnihni ah khan Lai DCC Office ah Pathian sin I pekchanh nak caan devotion le political session caan hman a si i Pu. J. Ropiang Chinzah President, Lai DCC nih caan hruai in, Pu. C. Thanhrang GS nih zarh caan a hman i. Pu. C. Ngunlianchung MLA le Pu. T. Zakung CEM nih biachimnak an ngei

Pu. T. Zakunga CEM nih cun a biachimnak ah kan nak thilti kho deuh lemnak do kho lo in le CLP Chuahtakin Party dang ttuanpi in MDC panga nih hmalaknak an ngeih mi cu  a pawi ngai ngai, Hi MDC 5 a kan chuahtaktu hna hi kan ttuantti lio zongah kan duhsak in kan upat ngai mi hna an rak si, Hibantukin an hung um khoh ko mi hi cu lungthin fek ngeihlo ruang le pelhle tuk ruangah a si kho men, Kan Miphun lairelnak innpi LADC hi kan duh paoh in nawlngeihnak kan I cuhnak ding hmun a si loh timi zong hi kan theihfian ngai a herh. Tu kan buainak ah hin phunglam ning tein biachah a si khawh nak hnga rianhma kan domh lio a si. Nihin ah kan ton cuahmah lio mi kan ram ah a tlung cuahmah lio mi ah hin thlacamin a kan bawmtu zong tam ngai an um ti ka theih ah ka hna angam tuk, Pathian lawng hngahchan buin hma kan lak thluahmah ko rih lai. Lungkhat in um hna usihlaw teinak zong kan co te ko lai a ti. 

 

Pu. Ngunlianchung nih cun  LADC Cozah ah a tlung cuahmah mi kongkau chimnak ngei in, Ram le miphun caah khuakhan Lairelnak ding Pathian nih a kan pek I  Musical Chair bantuk sawsawhin kalpi tawn a si I Kum 2009 thawk khan fektein kal hram ai thawk ve, nain tu dirhmun ah High Court tiang phan ding dirhmun I kan dir hi cu a pawi tuk mi a si, Mah zawn lawng ai ruat mi a hmin nak lei paoh ah a kal mi le Party thim tlingtu hmanh upat le ttihzah lo hmang mi hi Lai miphun nih nihsawh kan thlanglamh ding Politician ans I, Politics I an I tel ve nolh zong hi kan sian ding a si tilo. Siangngakchia kan si ah, Mino kan si ah, Khrihfabuu kan si ah Lai Miphun ningzah mualpho hi siang hna hlah usih. A ti.