Burma ram Zakhine Miphun Mizoram ah Ralzaam hna cu an ramah kuat tthan an si.

1.      Burma ram Zakhine Miphun Mizoram ah Ralzaam hna cu an ramah kuat tthan an si.

July ni 2 kum 2019 ah khan Kum 2017 November thla i Myanmar ralkap le Arakan Ralkap hna kahdohnak ruangah himnak kawl I India ramchung Lawngtlai District chung ramri kiangkap khua hna Hmawngbuchuah le a kiangkap khua hna i ai dup mi Myanmar ramah a kir than tilo in umthai lan ai tim mi hna cu India rampi Central Cozah Home Ministry nawlpeknak bantukin July ni 2 kum 2019 ah khan Lawngtlai District Deputy Commissioner, Lawngtlai Police le Assam Rifles hna rianttuannak thawngin boruak daite le buaibainak um lo te in an ram lei ah hlawhtling tein kuat tthan an si. 

 

Kum 2017 ram a buainak ruangah hin Myanmar ram I Rakhine miphun 1200 hrawng chu ramri pelh in Lawngtlai District chung khaw pali ah an rak zaam I, Cozah nih caan sau ngai te District Administration tang I a zohkhenh hna hnu ah a tam deuh cu an khua ah kahdohnak a um tilo ruang le ral a daih cang caaah an rak kir cang hna nain, kir a duh ve lo mi chungkhar 54 an um I an dihlakin milu 219 an si I, India ram Central Cozah Home Ministry nih cun hi hna hi kir ter dih cang dingin nawl a chuah caah Hitibantukin kir ter an si nak hi a si. 

Hi ralzaam kir ter tthan ding hin June ni 30 kum 2019 ah khan District Administration, District Police le Assam Rifles hna nih cun Myanmar Ralkap hna he Indo-Myanmar Flag Meeting rak tuah a si cang I Myanmar Army hna nih cun ralzaam hna hi an ram lei ah kir dingin an hna a tlaknak kong le Myanmar ram an phak tik zongah an mah le an khua te ah an chiah tthan hna lai nak kong biakamnak an ngeih pinah tipi tannak ding le thilri thiar nak ding Lawng zong an mah Myanmar Army lei in an tawlrel lainak ding kong an chim chap. 

July ni 1 Cawnnikhatni ah khan Ralzaam hna kirter tthan dingin an herh mi a phun phun timhtuahnak ngeih a si i, Cawnnihnihnih zingka thawkin Lawngtlai DC Pi Shashanka Ala, IAS, Superintendent of Police Pu Amit Goel, IPS le Assam Rifles Brigadier hna tthithruainak tangah Ralzaam kirter tthan nak hi thawk a si i Lawng in kir dingin timhtuah a si nain Myanmar Army lei nih Lawng an hun fial tthan ttung lo tikah Gypsy a um mi paoh hmangin Laitlang khua tiang thiar an si i Ralkap kilvennak tangah ke in Border Pillar (BP) 8 tiang kalpi an si hnu ah ramri lawnhter an si I, Ramri an lawnh hnu ah an rak kir tthan nak hnga lo Ramri cu Ralkap kilven ter colh an si fawn. 

Ralzaam hna hi an thilri ken khawh tawk cio an ken hnu ah an ken khawh ti lo mi cu Lawng in thiar piak an si I, Zarhhnih chung an ei ding mi rawl zong chiahpiak an si an umnak khua cio ah va chiahpiak an si, an ram  i kuat an si hnu ah hin Hmawngbuchhuah VC le Young Lai Association bawmhnak in ralzamnak umnak in 54 cu luah tthan khawh tilo dingin hrawh an si. 

 

Arakan Army pawl hi, hi ralzam umnak hrawngah hin an um pah len si in hngalh a si i, pehtlaihnak zong an ngei tiah zumh a si Rakhine miphun caa lawngah silo in Peletwa, le Lawngtlai District thlanglei hrawng i  mipi caah hnahnawk ngai in an um tawn tiah theihhngalh a si i India ram nih Ploicy ngan ngai ai tlaih mi Look East Policy caah hmalaknak pakhat KMMTP Road cawh lio mi zongah hlei donh mi cu an mah nih an rak hrawh bal cang tiah kan theih.