Lawngtlai East Bialtu MLA nih Govt. Lawngtlai College Freshers Social a hmanpi

1.      Lawngtlai East Bialtu MLA nih Govt. Lawngtlai College Freshers Social a hmanpi

Chiapa ni 17 kum 2019 ah khan  Government Lawngtlai College (GLTC) nih cun Lawngtlai-III-  i Central YLA Hall-ah Siangngakchia thar lawmhnak le a chuak ding mi hna lawmhpinak caan  "Freshers' Social cum Felicitation" an hmang i, Lawngtlai East bialtu MLA Pu H. Biakzau nih cun khuallian si in a hmanpi.  

Khuallian Pu H. Biakzau hi LADC tangah Lawngtlai-III bialtu MDC Pu T. Lalengmuan le Bualpi W bialtu MDC Pu V. Zathang hna nih an telpi I, Minung thanchohnak ding caah thilri a herh ngai mi pakhat cu cawnnak asi timi kong chim in, Pu H. Biakzau nih cun India ram phunglam pi ah Fimcawnnak cu a laihlum luahtu a si a ti I,  . Lawngtlaiah College pakhat kan ngei ve i, Cawnpiaktu a um chun hna zong an that ngai k olio ah cawnpiaktu le thilri I daih lo deuh tuk ruangah College hi kan saduhthah tluk cun a tling kho rih lo a ti I, , science le commerce cawnnak hna zong um kho ve cang sehlaw ti cu a pumpak saduhthah a si nak kong a chim chap. Cubantuk phan kho dingin cun College ah siangngakchia a cawng ding um kho dingin catang niam lei ah hramthawk hmasak a hau deuh rih in a hngalh nak kong chim in, Lawngtlai College ah a ttuan ding tualchung mi duhzat an um khoh nak hnga siangngakchia hna cu tan la dingin a cah fawn hna.  

Pu H. Biakzau nih cun social media nih hin tthatnak tampi ngei hmanseh, siangngakchia hna caah pah dingmi harnak nganpi a si timi kong chim in, Sianghleiruun siangngakchia hna cu mipi nih an zoh cho mi le an rawn an zumh mi caah social media zong hmang thiam ding le ,  caan thlau nak ah hmang lo in mipi nih lungthin le khuaruah tha an ngeih khoh nak hnga hmang deuh dingin le a tthatnak lei hoih I hmang dingin a cah hna pinah Ram le miphun hmailei caah nghahchan tlak tak tak ding an si caah mah le mah I theifiangin le ngahchantlak si zungzal dingin a cah fawn hna.

 

GLTC Freshers' Social 2019-ah hin Political Science Head of Department, Pu LH Mawi nih caanserh hmangin Principal, Pu T. Thangthuam nih Sianghleiruun siangngakchia hna forhfialnak bia that ha a chimh hna I. College Annual Magazine 2018-19 cu Mizo cawnpiak Pu K. Lailianthang nih zoh hmasak nak ngei in, Khuallian nih phawtzamhnak a ngei. Cawnpiaktu hna le Siangngakchia hruaitu hna sin in biachimnak ngeih a si. Siangakchia hna sin in hlasak nak caan le lam hmuhsaknak hna ngeih a si. Siangngakchia thar hna biakamnak ngeih ter si in Siangngakchia hlawhtlinnak cangin a chuak ding mi hna lawmhpinak roca pek an si fawn.  

 

Govt Lawngtlai College hi kum 1980-ah rak dirh si in, tu dirhmun ah hin  Arts stream-ah department 9 a um lio a si i. Kumin 2019-20 session-ah hin siangngakchia 300 an um I, Tu result chuak hnuhnung bikah ah khan hlawhtlinnaka  cang mi 27 an um.