Lairam ah Congress Party nih Governor sinah Cozah an ser khoh rih ko nak bia an tlunh

1.      Lairam ah  Congress Party nih Governor sinah Cozah an ser khoh rih ko nak bia an tlunh

Lai Autonomous District Council (LADC) I Cozahnak a tlai lio mi Congress MDC- hna nih cun  Governor hmu ding in ni 1 July 2019  khan Gauhati an panh i, Cozahnak tlai dingin chungtel an ngeih rih ko nak le Cozahnak an tlaih khoh rih ko nak bia an va thanh . LADC CEM T Zakung nih cun a hruaimi Congress Cozah nih cun LADC ah cozahnak tlai ding in MDC Chungtel a ngeih tam deuh rihnak kong chim in Governor sin zongah theihternak a tuah lai nak kong hi a rak chim chung cang  I, "LADC Cozah hi Miphun Cozah a si caah fektein dir seh ti hi kei le ka hruai mi cozah nih cun kan duh bik mi a si” a ti I LADC ah Congress Cozahnak a tlu colh ko ding bantukin an chim caan zongah mipi cu thlaphang lo dingin a cah hna.

Congress MDC pali le independent MDC pakhat nih Cozah an thlawpnak zuk hna hmanh seh Cozahnak tlai kho dining chungtel an ngeih khoh rihnak kong chim in  T Zakung nih cun  "Congress-nih  elected MDC 12 a ngeih rih pinah  nominated member pathum he  member 15 an ngeih rih caah  member 28 umnak LADC-ah Congress nih cun Member tam bik a ngei rih a ti.

LADC CEM nih cun nominated member-hna nih Vote an ngei kho lo tiah chim tawn mi cu bia vaivuan a si tiah chim in  "LADC Constitution Conduct of Business Rules-ah nominated member-hna nih vote an ngeih khoh ve le ve lo ding  a chim loh a ti I kum 2013 ah Gauhati High Court nih cun Karbi Anglong Cozah ah Cozah ding thimnak ah Nominated Member hna nih Vote an thlak khoh ve lai a rak ti chung cang tiah a chim.  

 

Kan langhter cia bantukin  Congress MDC pali, MNF MDC pariat le independent MDC pakhat hna nih cun United Legislature Party dirhin Cozah lio thluk tim in hma an lak lio a si LADC-ah hin elected MDC 25 le nominated MDC pathum an um i, tu dirhmun ah  elected ah Congress-nih MDC 12 le ULP-nih MDC 13 an ngei i, nominated MDC pathum cu Congress an si dih fawn.