Lairam Cozah (LADC) Session ah Cozah Tlaitu MDC hna nih Chairman thutnak an kaihnawh than cang thilri hrawh a si.

Lairam Cozah (LADC) Session ah Cozah Tlaitu MDC hna nih Chairman thutnak an kaihnawh than cang thilri hrawh a si.

Lairam Cozah ah Cozah hlonh a duh tu le Duhlo tu Member of District Council hna karlak ah elhnialnak fakpi a chuah pinah le Chairman nih Nominated Member hna Vote thlak a sianh hna lo ruangah Cozah tlaitu MDC hna nih cun Vote thlak an siang loh I, cu caah Cozah tlaitu Congress MDC hna nih cun Cahirman thutnak an kaihnawh I thilri hna an hrawh than cang. Hihi a ruang cu Chairman nih High Court Biakhiahnak zul duh loin le Nominated MDC hna Vote thlak siang loin Cozah thlak nak ding Vote thlak ter hna ai timh caah a si.

Chairman sinah hin Cozah tlaitu MDC hna nih Vote thlaknak tuah lo dingin le Vote thlak a si zongah Nominated MDC hna zong Vote thlak ter ve dingin le High Court biakhiahnak zul dingin le Lairam le miphun zahumnak kilveng dingin an nawl bu ah Congress in a chuak I Mizo National Front a bawmtu Chairman nih hin Vote thlak ter than a timh hna caah a si.

High Court Biachuah nih cun Nominated Member hna nih Vote an thla kho lai lo tiah biachuah a rak um cang mi cu  Stay Order a chuah caah tu dirhmun ah hin Nominated Member hna nih Vote an thlak khawh, Nominated Mmeber hna hi Cozah tlaitu Congress tanhtu an si caah Nominated hna nih Vote an thlak khoh ah cun Cozah thluk khoh a si lai lo, cu cu Chairman hi Cozah thluk duhtu a si caah Nominated Member hna Vote thlak sian loin a chuahter timh hna nak hi a si, Nominated Member hna nih cun “Governor le Nangmah theihpi nak in Biakamnak a tuah mi kan si caah kan chuahtak kho lo” anti ve fawn caah a buaibai ngai ngai Tu ah Suimilam 6 a si cang nain Session hi donghter a si rih lo.

Lairam Cozah ah hin Pu T. Za Kung hruaimi Congress Party nih Cozah an tlaih lio a si I, Kan langhter cia bantukin  Congress MDC pali, MNF MDC pariat le independent MDC pakhat hna nih cun United Legislature Party dirhin Cozah lio thluk tim in hma an lak lio a si LADC-ah hin elected MDC 25 le nominated MDC pathum an um i, tu dirhmun ah  elected ah Congress-nih MDC 12 le ULP-nih MDC 13 an ngei i, nominated MDC pathum cu Congress an si dih fawn.