Lawngtlai DC nih Lawngtlai khuapi chung ANGANWADI CENTRE cheukhat dirhmun zohfelnak a ngei.

Lawngtlai DC nih Lawngtlai khuapi chung  ANGANWADI CENTRE cheukhat dirhmun zohfelnak a ngei.

July ni 9 ah khan  Lawngtlai DC Pi Shashanka Ala, IAS nih cun “Upgradation of Anganwadi Centre” scheme tangah thlawp that mi  Lawngtlai ICDS Project chung anganwadi centre cheukhat hna cu vehvatin an dirhmun zohfelnak a ngei.

 

Lawngtlai DC hi Lawngtlai CDPO Pi Hlawnchi le Lawngtlai DIPRO Pu C. Lalhruaitluang te hna nih an telpi i. Lawngtlai ICDS Project chungah hi  scheme in thlawpthat mi anganwadi centre 15 lakah cheukhat  – Chawnhu, Bazar-II, Vengpi-C, Lawngtlai-III-A, AOC Veng-II le Thingkah-II centre hna zoh in, work supervisor-hna nih an remh than ning hna, anganwadi worker le helper hna nih  anganwadi an zohkhenh ning le kalpi ning hna zohfelnak a ngei i . Anganwadi centre cu ngakchia, naupawi le nausem pawm lio hna  nih rawltha an hmuh khawh nak ding a si nak kong chim in riantuantu hna cu nifatin awng dingin le caan rikhiah felfai te tuahin ei ding sem lengmang dingin a cah hna I, Centre pawng hmunhma a lawng mi ah thlaihnah zong cih dingin a cah fawn hna.

 

Upgradation of Anganwadi Centre scheme tanagh anganwadi centre remhthat dingin thimmi hna hi Tangka nuai hnih cio pek an si i. Remhthannak rian hi work supervisor dingi thim mi hna kutah chiah si in, centre-nih a herh ningin a cung, a vam, a ttuang, tappi , thilri chiahnak zunram thiarnak le Nutrition chiahnak thingrem hna remh le tuah ans i. 

\