Lawngtlai ah Draft NEP 2019 chimcaihttinak ngeih a si.

1.

Chiapa ni 17 kum 2019 ah khan India Cozahpi nih India ramchung fimcawnnak kalpi nak ding phunglam thar  Draft National Education Policy (NEP) 2019 a tuahchung mi kongkau ah caihmaittinak le chimtti nak "Consultation Meeting" cu District Institute of Education and Training (DIET), Lawngtlaiah buatsaih a si.

District Level Consultation Meeting-ah hin Lawngtlai District chhungi fimcawnnak le buapitu department - DEO, RMSA, SSA, LADC Education Department, Lai Students' Association (LSA), Central Young Lai Association (CYLA), Primary School Teachers' Association (PSTA) le Middle English School Teachers' Association (MESTA) ai awh hna pinah, Cozah le private Sianginn aiawh hna chhuak kho in, Draft National Education Policy 2019 kongkau hi cawn hmasaknak ngeih a si.  

Hi caan hi DIET Principal Pi Ngur Hming Lian Chinzah nih cun caan a hruai i, Lawngtlai District-i hi policy kalpi dan ding zohfelnak le ruahnak chuahpi ding mi cu ruatkhiarmar tein hi Draft hi cawng hmasa dingin a chuak kho mi hna cu a cah hna I,. DIET Lecturer-hna nih powerpoint presentation hmangin India cozahpi nih hi  policy kalpi a timh ningcang hna chimfiannak le caihtti nak hna in caan hman a si.

 

Hi policy nih hin Anganwadi in University tiang a huap lai i. ai timh bik mi pakhat cu  kum 2025 hlanah  India ramah cawnnak nih ramthar a kai khohnak ding le Siangngakchia hna nih catial le rel pinah Mathematics an thiam dih khoh nak hnga hmalak nak ding a si. Policy kalpi dan ding  hi district kipah meh le district dirhmun ruahchih pah cio in cawnchungnak ngeih hmasak ding a si i, hlawnh a hau mi maw , chap a hau mi maw a um a si ah cun SCERT, Aizawlah ruahnak chuahpi ding a si.  Cuanbantuin ruahnak chuahpi mi a um a si ah cun  SCERT nih hin Central Committee for Draft National Education Policy sinah a chuahpi ve than lai.

Hi policy hi lim manh a si ah cun tukum  2019 donghnak lei ah India ram pumpi ah hman khoh dingin timhtuahnak zong ngeih a si.