Lawngtlai ah ROTAVIRUS VACCINE Kongkau chimphuannak Workshorp ngeih a si.

1.      Lawngtlai ah ROTAVIRUS VACCINE Kongkau chimphuannak Workshorp ngeih a si.

Ngakchia chungtlik tlunter kho tu Rotavirus hrik lak i I kilvennak (rotavirus vaccine) Mizoram I kalpi dan ding kongkau ah July ni 1 khan Lawngtlai Press Club ah Thawnglatu le thawngzamhtu hna hrangah “Media Workshop “ tuah a si. 

Hi caan awngtu Lawngtlai DIPRO Pu C. Lalhruaitluang nih cun Cozah rianttuannak phawtzamh kongkau ah Thawnglatu hna cu a tthahnem bik an si nak kong chim in tu ah Hrik dannak thar  (rotavirus vaccine) zong  hi Lawngtlai District-ah hlawhtling te in kalpi a si khohnak hnga Lawngtlai thawnglatu hna cu mipi cawnpiak kongah a tam khoh chung phawtzamh dingin a nawl fawn hna.  

Hi Media Workshop hi hri dannak thar kalpi nak ding Thawnglatu hna nih an theihfian hmasak  khohnak hnga ding le hmalatu hna nih mipi cawnpiaknak kongah an rak ttuanpi ve khohnak hnga timhtuah a si I Hi caanah hin Lawngtlai District MJA President Pu ZD Dengngur zong nih Media biapit nak hngal in Health Department hna zong nih an hmalaknak ding ah Media Workshop an tuah mi cu lawmhawk tlak ngai a si nak kong le an buatsaihnak cu a hlawhtlin a beisei nak kong a chim chap. 

Hi workshop-ah hin Lawngtlai District Immunisation Officer (DIO) rian tlaitu, Sr Medical Officer Dr S. Thaizi nih cun rotavirus kongkau le rotavirus vaccine pawimawhnak tlangpi chimnak a ngei i. Rotavirus nih cun hngakchia chungthlet a tlunter khoh I thihnak tam pi a tlunh khoh I, ram tthangcho le hnufual deuh zong a thleidang hlei lo caah  ‘democratic virus’ an ti phahnak kong hna chim in a dannak ding sii umchun cu  vaccine lak hi a a si timi bia a chim. Rotavirus vaccine (RVV) cu Mizorama kalpi a voikhatnak ding a si caah hlawhtling ngai in kalpi a si khohnak hnga rianttuantu hna le mipi hna tuanttinak zong a hau ve a ti.

 

Nihin tonpumhnak ah hin Lawngtlai District-ah hlawhtling tein RVV kalpi a si khawhnak hnga hmalaknak ding hna ruahchung a si I . July ni 1 hin RVV kongkau  media workshop ngeih dingin timhtuah a si I, July zarhhnihnak chungah  Health Worker le Anganwadi Worker-hna training pek manh ding zongin timhtuahnak ngeih a si., Block Level Task Force hna nih mah le  block huap chung cio ah ttan lak sisehlaw ti a si I,. RVV hi Mizoram pumah a hruang tein tuah si kho sehlaw ti a si. , State cozah in theihternak an hmuh le cangka zeipaoh ah timhcia in um dingin timhtuahnak ngeih a si District level-ah a awnnak caan hmang dingin  Lawngtlai Electric Veng Anganwadi Centre cu thim colh a si.

Rotavirus (RV) ruang I chungthlet (diarrhoea) hi vawlei pumpi ah hrivai a leng mi a si i.  Ram tam pi ah cun  Rotavirus Vaccine (RVV) hi kalpiin an hlawhtlinpi cang I, chungthlet sawswh le RV ruang I chungtghlet hi theihhngalh har a si caah le sii dang zong a um fawn rih lo caah  RV vaccine lak hi I vennak lam um chun a si rih fawn caah Vawlei ngandamnak ruatkhangtu hna , “World Health Organisation (WHO)” zong nih Rotavirus Vaccine (RVV) hi vawlei ram kip ah  kalpi tdingin kum 2013 khan theihternak a rak tuah cang.

India ram bikah cun  hngakchia damdawiin zohkhenh mi  40% cu RV chungthlet ruangah si in, kum 2011-2013 chung ah  khan kum chiar in ngakchia  kum 5 tang lei 78,000 hrawng nih an thih pi si in hngalh a si I  . Kum 2016 thawk khan  RVV hi state cheukhat ah kalpi cang si in Mizoram ah hin kan kalpi ve nolh khoh a si ah cun State 12 ah kalpi a si cang la.