Zeitindah CYO a Thrawn Khawh Lai
Zeitindah CYO a Thrawn Khawh Lai
The Phongpi Post (ONP)
Dated Lawngtlai : Pur. 17. 2018
Catialtu :Salai Ramdinglian Lahnim (Columnist, Phongpi)
CYO kan timi Chin Youth Organization hi Chin State ah hin biatak tein buaipi le thrawnter a hau ngaingai. CYO a thrawn khawhnak ding caah cun tinhmi thra tein an ngeih a herh, member tampi an um a hau, organization administration kha thra tein kalpi a hau fawn.
1. Young Lai Association (YLA) nih hin tinhmi pathum kan ngei: i) Khrihfa ziaza thra upat, ii) Miphun zia le sinak runven le iii) Ram le miphun ca riantruan tri hna hi an si. YLA nih hin khuatlang nih chiat le thrat a ton tikah an kan fimhlawm dih. Mithi an um poh ah thlan an cawh, mithi thlan i an phum hlan le phum hnu tiangin (a dihlak in zan thum chung) YLA nih a kan zohkhenh. Mithi chungkhar bawmhnak caah thing le fang tiangin inn kip ah an kholh. Thlanmual thra tein an zohkhenh i an tawlrel. Kokek rawhralnak le khuatlang ah harnak dangdang a chuah tikah Khuabawi le ram hruaitu le palek pawl he zong a herhning in tawlrel lengmang a si.
2. Hi pinah kan Lai nunphung le sining kenkawi le runvennak zong ah rian tampi a truan. Laiholh thranchonak ca tiah Choir zong dirh in Lai Hla lawngte an sa, miphun lam zuamnak le thil dang zong a phunphun in tuah a si tawn. Mah lawng in rianhma a kal khawh lo caah cozah department he zong a herhning poh in truantri a si. Khrihfabu le NGO dangdang he zong riantruantri a si tawn. Lentecelhnak lei zong ah mino caah biatak tein thazaang chuah a si fawn.
3. CYO zong hi bu uknak ah "centralization" in kalpi a hau, Hakha hi "Head Office" umnak hmun a si a hau. Khua kip le sang kip ah "CYO Branch" dirh dih ding, cu ti dirh khawh ahcun CYO Branch cu Chin State lawng hmanh ah 800 hrawnghrang a um hnga cu mu, Kawlrawn leiah dirh a va si rih hnga kaw, a ngan tak tak lai, cu vialte Branch cu a herhning in Sub-Hqrs 4/5 hrawng ah maw vai then kho seh mu.Hi vialte Branch le Sub-Hqrs pawl hi Central Chin Youth Organization, Halkha tangah an um lai i Central CYO nih thra tein a zohkhenh hna lai. Central CYO-Burma, Central CYO-Australia, Central CYO-North America le Central Young Lai Association cu ICYO International Chin Youth Organization ah funtom khawh caan a phan te lai cu mu. A nuam tuk te lai.
4. Chin State CYO ah hin mino nu he pa he kum 16 in kum 65 kar pohpoh cu member an si dih kho hna seh law, hmual a ngei tuk lai. Hakha le Thantlang "Rual U" pawl khi CYO ah i khumh dih kho hna seh, anmah bantuk nih CYO an dirkamh ahcun CYO cu a thrawng tuk lai.Rual U nih motor zong an ngeih, thlanmual zong an ser cu mu, khi pawl khi CYO nih a truan dih cang lai. Rual u le rual nau kha organization pakhat ah rian an truan tri dih hna lai tinak si cu.
5. Hihi thra tein ruat hnik u law, truanvo a ngeitu pawl nih hma la kho u law Chin miphun nih CYO cu a thrathnempi tak tak lai. Amahbelte cu, voluntary organization a si ti philhlo ding, man ngeiin truantu bu kan si lo ti hngalh peng a hau. Chinmi lungput thlachiatruah le siaherhnak lungput, dawtnak le zawnruahnak lungput tuin hi bu hi kalter peng awk a va si hnga. CYO rian truannak caah cun a duhmi donation cu pek khawh thriamthriam a si lai. CYO riantruannak caah fund zong cu kawl thriamthriam ding a va si hnga. Cun, zeitluk a thrawn zong ah CYO nih hin cozah kan si loh timi hi an theih peng a herh fawn.
The Phongpi Post (ONP)
Dated Lawngtlai : Pur. 17. 2018
Catialtu :Salai Ramdinglian Lahnim (Columnist, Phongpi)
CYO kan timi Chin Youth Organization hi Chin State ah hin biatak tein buaipi le thrawnter a hau ngaingai. CYO a thrawn khawhnak ding caah cun tinhmi thra tein an ngeih a herh, member tampi an um a hau, organization administration kha thra tein kalpi a hau fawn.
1. Young Lai Association (YLA) nih hin tinhmi pathum kan ngei: i) Khrihfa ziaza thra upat, ii) Miphun zia le sinak runven le iii) Ram le miphun ca riantruan tri hna hi an si. YLA nih hin khuatlang nih chiat le thrat a ton tikah an kan fimhlawm dih. Mithi an um poh ah thlan an cawh, mithi thlan i an phum hlan le phum hnu tiangin (a dihlak in zan thum chung) YLA nih a kan zohkhenh. Mithi chungkhar bawmhnak caah thing le fang tiangin inn kip ah an kholh. Thlanmual thra tein an zohkhenh i an tawlrel. Kokek rawhralnak le khuatlang ah harnak dangdang a chuah tikah Khuabawi le ram hruaitu le palek pawl he zong a herhning in tawlrel lengmang a si.
2. Hi pinah kan Lai nunphung le sining kenkawi le runvennak zong ah rian tampi a truan. Laiholh thranchonak ca tiah Choir zong dirh in Lai Hla lawngte an sa, miphun lam zuamnak le thil dang zong a phunphun in tuah a si tawn. Mah lawng in rianhma a kal khawh lo caah cozah department he zong a herhning poh in truantri a si. Khrihfabu le NGO dangdang he zong riantruantri a si tawn. Lentecelhnak lei zong ah mino caah biatak tein thazaang chuah a si fawn.
3. CYO zong hi bu uknak ah "centralization" in kalpi a hau, Hakha hi "Head Office" umnak hmun a si a hau. Khua kip le sang kip ah "CYO Branch" dirh dih ding, cu ti dirh khawh ahcun CYO Branch cu Chin State lawng hmanh ah 800 hrawnghrang a um hnga cu mu, Kawlrawn leiah dirh a va si rih hnga kaw, a ngan tak tak lai, cu vialte Branch cu a herhning in Sub-Hqrs 4/5 hrawng ah maw vai then kho seh mu.Hi vialte Branch le Sub-Hqrs pawl hi Central Chin Youth Organization, Halkha tangah an um lai i Central CYO nih thra tein a zohkhenh hna lai. Central CYO-Burma, Central CYO-Australia, Central CYO-North America le Central Young Lai Association cu ICYO International Chin Youth Organization ah funtom khawh caan a phan te lai cu mu. A nuam tuk te lai.
4. Chin State CYO ah hin mino nu he pa he kum 16 in kum 65 kar pohpoh cu member an si dih kho hna seh law, hmual a ngei tuk lai. Hakha le Thantlang "Rual U" pawl khi CYO ah i khumh dih kho hna seh, anmah bantuk nih CYO an dirkamh ahcun CYO cu a thrawng tuk lai.Rual U nih motor zong an ngeih, thlanmual zong an ser cu mu, khi pawl khi CYO nih a truan dih cang lai. Rual u le rual nau kha organization pakhat ah rian an truan tri dih hna lai tinak si cu.
5. Hihi thra tein ruat hnik u law, truanvo a ngeitu pawl nih hma la kho u law Chin miphun nih CYO cu a thrathnempi tak tak lai. Amahbelte cu, voluntary organization a si ti philhlo ding, man ngeiin truantu bu kan si lo ti hngalh peng a hau. Chinmi lungput thlachiatruah le siaherhnak lungput, dawtnak le zawnruahnak lungput tuin hi bu hi kalter peng awk a va si hnga. CYO rian truannak caah cun a duhmi donation cu pek khawh thriamthriam a si lai. CYO riantruannak caah fund zong cu kawl thriamthriam ding a va si hnga. Cun, zeitluk a thrawn zong ah CYO nih hin cozah kan si loh timi hi an theih peng a herh fawn.
Comments