Lawngtlai i Ngurnunsang English School(NES) ah Legal Literacy Clu (LLC) awn nak an ngei.

The Phongpi Post

 29^th May, 2018 ah khan  Ngurnunsang English School (NES), Lawngtlai i Legal Literacy Club dirh thar mi cu Lawngtlai District Legal Services Authority (DLSA)-i Secretary, le Lawngtlai Chief Judicial Magistrate  si fawn mi Pu BT Lal Sakachep MJS nih awnnak a tuah

Legal Literacy Club hawnnka  caan hi Advocate Pu C. Lalrinfel nih  a hruai i. CJM Pu BT Lal Sakachep nih cun rampi phunglam theihhngalh a herh zia chim in, Phunglam hngalhnak nih cun ralthatnak an kan pek I, sualnak tuah dingmi kongah ah an kan vent awn a ti I. Legal Literacy Club cu  Sianghngakchia hna nih phunglam an theihhngalh khoh nak ding caah lam hmuhsaktu tha ngai a si lai timi chim in,Sianghngakchia hna zong nih phunglam an hngalh chin chin khoh nak hnga an chungle he hna zong I zuam dingin a cah hna.. 

 Hi caan hmannak ah hin Advocate Pu MC Lalbiaklian nih cun Legal Literacy Club konglam le kalpi a si dan ding a chimfiannak a ngei fawn . NES ngeitu le Principal Pi Ngurnunsang zong nih sianghngakchia hna forhfialnak bia a chim ve.  

 

Legal Literacy Club dirh mi hi National Legal Services Authority (NALSA) riantuannak tangah tuah mi si in, Sianghngakchia hna nih Rampi phunglam tam deuh deuh in an hngalh khoh nak ding caah bawmchantu a si ding in timtuah a si.. India ram pumpio ah Club 1040 dirh  a si cang I, chungtel Sianghngakchia hi Sing hnih leng an um cang. NES Legal Literacy Club-ah hin member  dingah Sianghngakchia 20thim an si i, cawnpiaktu  pakhat (nodal teacher)- hruainak tangah um in a herh ning paoh in DLSA tangin vehvat an si lai. 

NES Legal Literacy Club hman  hman dingah hin Lawngtlai DLSA  nih cun computer, cauk chiahnak  (bookshelf), Thutdanh(chair), Cabuai le cauk tamialte an thenh fawn hna. 

Lawngtlai DLSA nih hin NES pinah Lawngtlai District chung I cawnnak Sianginn zeimaw zat ah  Legal Literacy Club dirhnak ding a thim cia cang hna I,  hi LCC dang hna zong hi awnnak tuah zau an si ko lai tiah thawng kan theih