Spain PM thar nih Pathian um a zum lo, Catolonia State President thar nih Spain ram in Independence hmuhnak ka peh lai a ti"

The Phongpi Post (ONP)

Spain Siangpahrang King Felipe nih cun  Prime Minister  thar Sanchez cu zumhtlak si nak biakam tiam ter in a lakluh cang, Sanchez hi Pathian um a zuum lo tu, atheist a si, biakamnak a tuah lio zongah hin  Bible a hman a si lo, hi bantukin thil a cang mi  Spain ram tuanbia ah a voikhatnak zong a si.  Kha hlan ah khan cun Prime Minister a si ding nih cun Bible kut ah ken bu in Biakamnak an rak tuah tawn.

PM hlun Rajoy cu eihmuarnak tam ngai I a min a chiat hnu ah  Parliament-ah fianh  nak tuah si in hi a dirhmun fianh piak a si nak ah hin a duhlo tu an tam deuh caah. Rajoy hi modern Spain-i Prime minister si lio i no-confidence motion ah thlak hmasa bik zong a si fawn. Parliament-I  vote lak a si nak ah hin  Rajoy hi a vote 11 in a tling kho lo.

Spain PM thar Pedro Sanchez hi kum 46 mi siin, photogenic economist le basketball player hlun zong a si i, Rajoy-nih a term a hman thlu lo mi kum hnih chung  PM dirhmun hi a tlaih lai.. Sanchez nih cun an ram ah eihmuarnak a tlau khoh nak hnga fakpi in riantuan a I timhnak kong a chim cang i, hi pinah hin a ran khoh chungin I thimnak (election ) tuah ai timh nak kong zong a chim cang. . PM thar nih hint u zarh chungah a cabinet member  ding hna thimnak a ngei lai.

Liamcia zarh theng te ah khan  Catalonia reigonal cozah thar zong lakluh a si i. Catalonia Ramthen ah hin cozah dirh khoh a si lo ruangah Thla sarih chung cu Cozah ngei lo in an rak um cang I, hi Thlasarih chung I Spain Central Cozah uk nak tangah an rak um. Catalan President dingah  Quim Torra cu lakluh a si. Torra nih cun Catalan president in hlawnh mi  Carles Puigdemont- hnu zul in , Spain ram in  Catalonia independence ram si nak cu a uapi thluahmah ve lai nak kong zong a chim chung cang.