Premier League club Everton boss thar Marco Silva

The Phongpi Post (ONP)

Premier League club Everton nih cun  Marco Silva cu an coach  si ding in an lakluh cang nak a phuan,  Portuguese coach nih hin  Goodison Park-ah hin kum thum chung caam dingin contact a tial cang.

Silva nih cun , "Fan- pawl nih an duh mi cu ka hngalh, result that lawng silo in a pinlei ah duhmi zong an ngei, Certual chung kan luh paoh ah an kan tanh tu pawl nih hin hmaihngal ngai in kan I celh lio hi zoh hna sehlaw ka duh ve” tiah a chim.

Kum 40 mi manager  nih hin English manager lar Sam Allardyce cu a chan I , Big Sam  hruainak tangah Everton nih hin result chia ngai cu ngei lo hmanhseh Allardyce- nih hin mipi tlaihchan a tong lo I, Thlaruk hnu ah ban a si..

Silva  nih hin kum hngakchiate si ko bu in Estoril, Sporting Lisbon, Olympiakos, Hull City le Watford a rak zohkhenh cang hna I, , English cub pahnih ti dah lo ah cun Champion a lak dih.
Everton nih hin  November 2017 khan lakluh  tim in rak chon ko cang hmanseh Watford nih chuahter an rak siang ve lo, . Mahse, Merseyside club  he an I chonh nak a tlolh hnu ah hin Watford-I  an result nih a duhnung lo chin lengmang caah January ah khan an rak ban cang