SLSA MEMBER SECRETARY-nih LAWNGTLAI A hong tlawng

The Phonghpi Post 0NP)

Lawngtlai

 Pur ni 8 cawnningani ah khan, Mizoram State Legal Services Authority (SLSA) Member Secretary Pu Vanlalenmawi MJS cun Lawngtlai a hong tlawng i. Lawngtlai District Court building-ah District Legal Services Authority (DLSA) hna he tonbiaruahnak ngei in, District Jail Lawngtlai a va zoh fawn.

 

District Jail a vehvat nak ah hin SLSA Member Secretary hi Lawngtlai DLSA Member Secretary, CJM Pu BT Lal Sakachep MJS, Legal Aid Counsel Pu ST Ramhmachhuanmawi, Advocate Pu MC Lalbiaklian le DIPRO Pu C. Lalhruaitluang MIS hna nih an zulh. Jailer Pu Lalbiakdik hovin District Jail riantuantu hna nih an rak don.

 

Pu Vanlalenmaw nih cun District Jail dirhmun zohfelnak a ngeih pinah, Thawngtla hna he tonbiaruahnak zong a ngei kho i. Case a ngei lio mi mah tangka in Ukil hlan nak a ngei lo mi hna cu, DLSA-nih a hlanpiak tawn hna nak le, Cozah duhsaknak cu nun thinhnak ah hmang dingin a cah hna. Thawnginn cu I hremnak hmiun silo in, Nun thar  hmuhnak ding hmun a si tiin, Dantatnak an co mi cu an ral palh sual mi hna thinh in, an chuah hnu ah khualiti tha si kho dingin nun thleng tu si kho sehlaw a duhnak kong zong a chim.

 

District Jail Lawngtlaiah hin tu dirhmun ah Thawng tla 23 an um lio i, cu hna lakah 16 cu an kong caih lio mi  (under trial prisoner) siin, 7 cu simple imprisonment-I  convict cang mi an si.