United Nations le Myanmar cozahpi nih cun Bangladesh-i Rohingya Muslim ralzam Myanmar ram I kirpi than an si khoh nak hnga remnak an tuah

The Phongpi Post (ONP)

 

United Nations le  Myanmar cozahpi nih cun Bangladesh-i Rohingya Muslim ralzam Myanmar ram I kirpi than an si khoh nak hnga remnak a tuahpi ,  nain an I remnak belt ling tein phuan a si lo.

Kum 2017 August thla thawk  khan Myanmar Ralkap operation ruangah Rohingya Muslim mi nuai sarih hrawnghrang  cu Bangladesh ramah ralzam dirhmun in an zaam i. Ralkap hna operation ah hin mi tam ngai thah si in , Tlaihhrem zong tam ngai a um, Myanmar-i Rohingya hna umnak khua hna zong duah le khangh piak an si tiah UN le tanpinak riantuantu pawl nih an rak chim.  

Myanmar in  Rohingya ralzam hna hi Bangladesh-I  refugee camp-ah khua an sak cuahmah lio a si I,  tukum  January thla khan Myanmar le Bangladesh cozah nih cun  Rohingya  ralzam hna hi kumhnih chungah an umnak hmunhma thingah hruai than an si nak lai remnak an rak ngei cang nain , Ralzam hruaikir an si lai ning kongah Rampi pahnih hna nih hin ruahnak pahnih an chuahpi caah tu tiangah an I timhnak hi tlamtlin ter kho loin an rak um..

Myanmar cozah nih cun an ramchung  Rakhine state-I Ralkap nih operation an ngeihnak ah minung nuhrin covo buar a si nak kong an chimcaih mi  cu zoh I hlatthlai dingin  independent commission a  dirh lai ti mi a chim. Hi commission hi international expert-hna nih an bomhchan hna lai.