Stephan Lichtsteiner nih cun Juventus chuahtak in Arsenal ah a lut
The Phongpi Post(ONP)
7. Pur. 2018: Lawngtlai
Kum 34 mi Lichtsteiner nih hin Italian club ngan a si mi Juventus hrangah season sarih chung ah match 257 a chuih cang i, a peh in Serie A Hraipi voi sarih an cawi khoh nak ding i player Pawimawh ngai zong a si, Coppa Italia title voi li a la manh fawn.
FIFA World Cup-ah Lichtsteiner hi an ram captain a si lai I, theihhngalh a ngei cang mi hna nih cun Arsenal player hngakchia deuh hna caah an herh ding mi a si anti. Emery nih cun, "Stephan zeipaoh hi a tha hoih in a ruat tawn mi a si, a theihhngalh le hruitu a si nak hi a herh mi a si, CBuantual chung le lengah thlennak a tuah ka zumh," a ti.
Arsenal nih hin defender bochan taktak mi Laurent Koscielny cu hliam a put caah season tir lei ah an hmang kho lai lo. France international a um lio zongah hnutlar hi an pit tuk lo caah manager thar Emery nih cun phih tim in ai timtuah colh.. Lichtsteiner pinah hin Borussia Dortmund defender Sokratis Papastathopoulos zong an naih tuk hringhran cang'
Grasshopper Zurich le Lille hrang zong I a chuih cang mi Lichtsteiner nih hin Certual silei cavorh ah Hector Bellerin he tliknak an I cuh lai i, Spanish player Bellerin caah cawn ding tampi a chiah piak hrim ko lai.
An ram hrang i match 99 chuih cang mi Lichtsteiner nih cun, "Teimanthlu te I tuan buin Clup ngan Champions League zong kan chuih khoh hrim ko lai," tiin season thar i Europa League chuih ding Arsenal cu Emery thithruainak tangah UCL huanga kulhchungah an kir than zumh a um.
Hraipi kong chim chih in, Lichtsteiner nih cun, "Juventus-zongah kan con ti lai lo, Kan saduhthah kan phak lo caan zong a um tawn, kan manager ding Emery Hraipi a cawi tam cangh mio a si I, player Cher thiam ngai zong a si fawn caah, hlawhtlinnak kan hmuh hrim ka zumh ko” tiah a ti.
Comments