World Cup celh kho lo ding tiangin hrem a rak si hnu ah Peru captain Paolo Guerrero hremna

 The Phongpi Post (ONP)

World Cup celh kho lo ding tiangin hrem a rak si hnu ah Peru captain Paolo Guerrero hremnak cu Swiss Court nih cun caan khat chung a donghter rih, World Cup celh kho lo dingin an ruah cang hnu ah a ram caah ai langh kho ve than lai.

Kum 34 mi striker hi  Sii pakhat hman sian lo mi hman I puh a si ruangah thla 14 chung hrang dingah dantat a si nain Swiss Court nih cun chikhat caah hremnak hi a donghter chung rih . Bayern Munich striker hlun hi World Cup qualifier-i Argentina  he an rak I celh hnu ah Damdawi (sii) hman sian lo mi a hman timi cu hmuh a rak si.

Guerrero nih cun a thingpi(lakphak) din mi ah hi Sii hi an rak telh si in a chim i, FIFA nih cun Thla 12 a hremnak a pek hnu ah thla 6 ah arak thumh piak . nain , World Anti-Doping Agency (WADA) nih cun  Court of Arbitration for Sport (CAS)-ah an hek than i, CAS nih hin Thla 14 hrangah a sauh ter than.
 
Peru captain hi Group C-I an umpi ding  Australia, Denmark le France captain cio hna nih  FIFA sinah  World Cup celh sian piak dingin an rak halpiak cang i, tu ah cun Court nih siannak a pek cang lai.

Swiss Court nih cun  Guerrero hremnak CAS-nih a rak sauh piak mi cu a dik deuh lo si in a chim I,  a ram caah match 86  I ai celh mi ah goal 32luh ter tu  striker hi 1982 hnuah World Cup-i an ram  I langh hmasa bikah celh ve a sian piak.