Shakhtar Donetsk midfielder Fred nih cun tuzarh chung ah hin Manchester United a lut la

The Phongpi Post (ONP)

Dated : Lawngtlai

6. Pur. 2018

 

Shakhtar Donetsk midfielder Fred nih cun tuzarh chung ah hin  Manchester United a lut lai tiah hnabeiseinak a um.  Brazilian midfielder man ding hi pound maktaduai 52 hrawng a si lai I zahan ah khan Medical lei an zohfel thlu zumh a si.

Zarhpini ah khan Brazil-nih FIFA World Cup I timhtuahnak dingah friendly match-ah Croatia cu Anfield-ah 2-0 in an phomh hna i, Fred nih hin minute 81-nakah Liverpool player hlun Philippe Coutinho a chawn.

I celh dih hnu ah  Selecao coach Tite nih cun, "Hrial khoh a si lo ah cun kaltak hi a tha koKan bia an lak duh a si ah cun , national team hrang I an ruahnak vialte an hman hi kan duhpiak hna," tiin Fred nih cun a herh ningin fel tuan sehlaw a duh.

Brazil coach nih cun a biachim peh in, "Kei zong manager cu si usihlaw, lakluh dingah ka duh mi a si ko," tiin a player a fak. Hi lio ah hin  Fred bel nih cun, "Ram caah ka ruahnak vialte hman ka duh i, ka club celhnak ding ka hngal rih lo," tiin zeihmanh fiangte in a chim duh lo.
Ho dah Fred cu a si?

Frederico Rodrigues Santos hi Fred tiin theih deuh mi a si i, Belo Horizonte-ah March 5, 1993 khan a chuak. Feet nga le inches ruk lawng in  sang mi si hmanh she a cawlcangh ning a khul a ran caah le a keh orh thleidang loin Ball a chuih khoh caah a duhtu an tam mi hi khuaruahhar a si lo
Fred hi Internacional in a lang hmasa i kum 2013 khan Shakhtar Donetsk ah a lut, 2015 Copa America-ah khan Luiz Gustavo hliamhma a put nak zarah(thawngin) Brazil squad-ah aoh asi I,. Tu World Cup-i Russia ram I tlawng dingin player 23 lakah ai tel kho ve.

Fred hi centre midfield-ah cun khawiah paoh hman khoh a si i, Michael Carrick- hmun  lawng luah tu ding a si lai.. United-ah hin Brazilian midfielder Kleberson le Anderson an rak hlawhcham cang i, Fred-nih  Mourinho game-ah 'Samba Football' hlawhtlinpi a tim lai.