Barcelona centre-back Samuel Umtiti

The Phongpi Post (ONP)

Dated : Lawngtlai

6. Pur. 2018

Barcelona centre-back Samuel Umtiti nih cun Nou Camp-ah caam rih dingin kum nga hrangah contract a a peh than i, kum 2023 tiangh Catalan club-ah hin a caam lai. A release clause zong euro maktaduai 60 a si tawn mi cu euro maktaduai 500-ah sanh a si cang tiah chim a si., Barca-nih chuahter an duh a si lo ah cun a chuak kho rih lai lo.



Kum 24 mi Umtiti nih hin kum 2016 ah  khan Lyon in Barcelona ah hin a liut i, voi 88 celh cang in Goal hnih a luh cang. French defender nih hin La Liga le Copa del Rey Hrai pahnih ve ve a a lak pi cang hna.



La Liga ah hin Umtiti um hnu ah  French defender hi ai langh ah cun Catalan club hi voi 40 an cak i, voi sarih an I tluk i voikhat lawng a cak lo deuh ah an um, , an tei hna nak  percentage hi 83% tiang a phan. Ai celh lo tan ah bel cun voi 16 an tei hna I Voi riat an I tluk i, Voi li tiang an sung I an  percentage hi 57% lawng a phaan , Umititi an herh rih nak a lang ngai.



France international hi World Cup celh din mi ah a min a lang I, Cawnninga ni ah khan Les Bleus-nih  Italy 3-1 in an tei hna nak ah Goal hmasa bik a luhter . Didier Deschamps-nih defender pawimawh Laurent Koscielny cu ai hliam caah ai celh khoh lo ding ruangah Russia-ah Umtiti mawhphurnak a sang chin ko.