Myanmar ah Bangladesh-ah a zam mi , Rohingya refugee sing 7 an kir than lai

The Phongpi Post (ONP)

Myanmar  cozah nih cun an ram zamtak in Bangladesh-ah a zam mi , Rohingya refugee  sing 7 hrawng cu an mah nih kir an duh a si ah cun a kir ter ko hna lai tiah National Security Adviser Thaung Tun  nih a chim.

Singapore- hmun I  regional security conference, Shangri-La Dialogue  ngeihnak I bia  chim nak ah Thaung Tun nih hi bia hi a chim. Bangladesh- ralzam sing 7 hrawng cu a chang chang in an kir dingah cun an dihlakin a rak cohlan ko hna lai tiah a chim chap. . Hi pinah hint u dirhmun ah Rakhine State a I kah doh nak a um lo timi zong a chim I, Ralkap nih Rohingya Mphun cimih an timh timi cu bia dik lo a si nak zong a chim chap.

Tukum January thla ah khan Bangladesh le Myanmar Cozah nih hin kumhnih chung ah Rohingya ralzam kir than nak ding kong hi an rak caih ti in hnatlaknak zong an rak ngei cang I, . zarh hmasa Cawnningani ah khan  Myanmar le UN nih cun  Rohingya ralzam hna  Myanmar ramah himdam tein an kir than khoh nak ding kong an rak caih ti in hnatlak nak zong an rak tuah than ve,  Hi pah hin  Rakhine state-i  Ralkap nih Rakhine State I Minung covo buarnak kong zongah cubantukin Minung nuhrin covo buarnak a um le um lo zoh le hlatthlai dinghin independent commission an ser fawn cang.