LAWNGTLAI AH ASHA REFRESHER TRAINING NGEIH A SI.

The Phongpi Post (ONP)

Lawngtlai 

 Pur ni  6  2018 ah khan  Lawngtlai District-i Accredited Social Health Activist (ASHA)-hna hrang ah  refresher training buatsaih  mi cu National Health Mission (Mizoram) Mission Director Dr Lalrozam IAS nih Lawngtlai CMO Conference Hall-ah a onnak a ngei.

Dr Lalrozam nih cun ASHA-hna forhfialnak bia chim in, training cu an riantuannak ah tampi in bawmchantu a si khawh ding ruangah lungtak tein cawnding a um mi hna cu cawng dingin a cah hna. ASHA-pawl cu Mipi hna he naihniam tein rian a tuan tu taktak an si i, khawtlang  hriselnak ding caah mawhphurhnak ngan ngai a ngeitu nan si, cu caah daithlang kho nan si lo a ti..

 

Hi caan hman nak ah hin  hi Lawngtlai Chief Medical Officer Dr Lalthlamuan nih caan a tlaih I, NHM Mizorama state nodal officer (community process) Dr Lalchhuanawm le  state programme officer (reproductive and child health) Dr Hmingthanmawi te hna zong nih biachimnak an ngei kho. 

 

ASHA refresher training nih hin Pur  ni 6-20 tiang a nguh lai I,  State trainer Lalthanzam le district trainer Lalkhawngaihdawng  Cinzah te hna cu resource person siin, ASHA nih an riantuan ding mi le hma an lak nak thar ding hna chimfiannak le cawnpiaknak an ngei lai.