FIFA World Cup le a Tuanbia : Zeitindah hramthawk a si ? "The Greatest Show on Earth"
FIFA World Cup le a Tuanbia : Zeitindah hramthawk a si ? "The Greatest Show on Earth"
The Phongpi Post (ONP)
Lawngtlai : 11. Pur. 2018 (Cawnnikhat)
Senior Sports Editor : Biakthanzual Kompa
Vuleicung mipi nih caan sunglawi le event sunglawi cem i kan ruah mi "The Greatest Show on Earth" tiah a min an rak bunh mi, "FIFA WORLD CUP" cu a voi 21st naak dingah Pur ni 14th hin Russia ah tuah a si țhan cang lai. Cutluk i mipi nih kan sunhsak mi, pumpululh a celh ballo mi le club i zuamnak League tampi zong a zoh ballo mi hna zong nih pumpululh i kan lungthin a tei lio caan a kan petu WORLD CUP cu zeidah a si? Zeitindah hram a rak awt? Zeitindah i tel ve khawh a si? ti hna zauh kan i zuam hna lai.
World cup kan timi cu vawleicung ram kip i pumpululh chuih thiam bik ram thimnak kan ti ko lai cu a tawinak in. Olympic tlamtling ngaiin tuahkhawh a si bantukin FIFA president Jules Remit lungthin ah football i ram le ram i zuamnak tuah cu a duh bikmi pakhat a hung si ve. Cupinah 1932 Olympic Los Angeles khawpi i tuah dingah football cu hlonh siseh tiah bia an khiah i,cu nih World Cup tuah duhnak lungthin fakpiin a neihter fawn. Cuticun May ni 28,1928 khan Armsterdam ah World championship tuah siseh tiah biakhiahnak an rak ngei. Cun Uruguay cu Olympic 1924 le 1928 i champion mi an rak si, 1930 khin an ram centenary independence lawm ding an si fawn i, world cup tournament tlung ding cun thim an rak si.
Ramkip National Association hna cu an ram Football team cu a tel dingin sawmnak ca an kuat hna. Culio ah European lei a lung a silo ngai. Uruguay kal ding cun Europe lei caah Atlantic Oceon hna pahchih a hau i,tangka dih a fak tuk ding a si. Cupinah rian a tlai mi hna an si i,puai i an i tel cun an rian kha an peh țhan kho lailoh ti cu an phan ngai mi a si fawn. Puai tuahnak ding i thla 2 lawng a um cang tiah European ram pawl nih cun 'kan i tel kho lai' tiah biakam zeihmanh an nei kho rihlo.Cu a si tikah Uruguay cozah nih a tel kho ding cu a bomh hna lai tiah bia a thanh i,cuhnu lawng cun Rimet zong nih ram pali, France, Belgium ,Romania,Yugoslavia hna cu a sawm khawh hna. Hi puai ah hin voithum Olympic champion si cang mi England,Spain,Holland,Italy le Germany hna cu a tello langsar bik an si.
Hi world cup i a tel kho ding hin FIFA tang i ummi ram 211 lakah ram 32 thim an si. A tel kho ding ram cu karhter lengmang a si.A hmasa cemah ram 13,cuhnu cun ram 16,kum 1982-1994 ah ram 24,1998 thokin ram 32 an i tel kho cang). FIFA tang i ummi ram kip hna cu anmah le Continent cio-ah i zuamnak (Quqlifying match) tuah a si i cuka țang i a qualified mi hna cu world cup i a tel kho ding i thim a si tawn. Qualifying match hi a hlan cun tuah a silo nain ram tel a duh mi hna an tam cang ruangah kum 1970 țang lawng khan rak tuah a si. Continent kip nih covo an ngeih cio hna i,an covo ngeih zat bel a lo hna loh. Tukum a tel kho ding țang hin zauh hna usihlaw,Football i power house an rak ti bal mi "Europe" nih covo an ngei tam cem i,ram 13 an i tel kho cuhnu cun a dongtu ding Russia. Cun Asian in 4,Africa in 5,S.America in 4; N.America in 3. Hihnu hin OFC(Oceana)țang le CONCACAF,CONMEBOL,AFC țang hna i world cup ticket direct i a hmu kholo deuh,a 4-nak le a 5-nak pawl hna i um mi hna nih play off wolrd cup a tel kho ding i spot 2 um mi an i cuh țhan.
Kum 1930 i World Cup hmasa bik(Jules Remit trophy an rak ti) tuah a si hnu khan peh lengmang a si i 1934 le 1938 zongah tuah a si. Culioah kum 1942 le 1946 chung cu Ralpi pahnihnak a chuah ruangah an i din i,1950 lawngah an peh țhan khawh. Cun hnu cun donglo tein kumli danah tuah lengmang a si cang.
FIFA world cup i a champion bal mi hna le an champion zat:
1.Brazil - 5
2. Italy - 4
3. Germany (with W.Germany) - 4
4. Uruguay - 2
5. Argentina - 2
6. England - 1
7. France - 1
8. Spain - 1
Hngalhpeng awktlak a simi:
Kum 1958 ah Brazil cu World Cup champion an si. Cuka cun tradition pakhat an tuah ta.Brazil captain Hilderaldo Bellini cu hmanthlak thlatu pawl nih a trophy langhter deuh dingin an nawl i,Cutin van leiah mizapi hmuh khawh dingin a thlir. Cu ni thok cun a tu tiangin a champion mi paoh nih an trophy cu van leiah an thlir lengmang.
Vuleicung Cozah zong nih Wolrd Cup cu a sunhsak ngai. 1970 khan qualifying i celhnakah central America lei mi Honduras le El Salvador cu Home le Away ah an i tluk ve ve. Cun neutral ground Mexico ah a celh ding ti an si. Cu i celhnakah cun El Salvador fans lei cu certualah lut in buainak an tuah. Cunghap cun Cozah lei zong nih i dohnak an tuah ve colh i,thla 3 chung Honduras le El Salvador cu an rak i doh.
Brazil cozah zong nih khin an ram an i celh paohah i dinhnak thawng a thanh lengmang. Kum 1978 i Argentina i World Cup zong khan Brazil MP hna cu world cup zauh an duh ruangah sesson an tuah kho loh.
Kum 1998 i France ram i World Cup an tuah zong khan S.Korea MP pawl nih an sesson caan an țhial.
Kum 1982 ah Kuwait cu World cup a tel kho ding an si ruangah an players mi 24 hna cu an ram Bawi Sheik Saad Abdullad Al Sabad nih Car mansung bakmi Cadillac;ram kau nawn;in țha tak mi,Speed boat le Sui tampi a rak pek hna.
Kum 1998 World Cup khan Cameroon cu referee ruang caklo ah an i ruat i,mipi thinhung nih Yaoudi street ah mipi an pum hna i,Europe lei tuah mi Car an hmuh mi poah poah cu an den i an hrawh dih.
Kum 1994 World Cup ah khan Andreas Escober nih anmah lei i a goal ter. Cuhnu i an ram Colombia a phak hnu ah thah a si.
Kum 1960 khan England ramah Economic crisis a um ruangah mi tampi hna cu ram dangah an pem hna. Culio ah 1966 khan England cu World Cup ah an champion. Mipi tampibpem a tim mi hna nih cun "Kan ramah hnabeisei ding a um rih ko e" an ti i an țhulh țhan.
World Cup goal thun hmasa bik cu France mi Lucien Laurent nih minute 19' i Mexico lei i a thun mi a si. Cun US goalkeeper Jimmy Douglas cu 'clean sheet' nei hmasa bik a si fawn.
Peru players Placido Galindo cu Wolrd cup i red card hmu hmasa bik a si i Uruguay player Sergio Batista cu red card hmu rang bik a si fawn. Argentine Petro Monzon cu World cup final i red card hmu hmasa bik a si ve. Goalkeeper lakah red card hmu hmasa bik cu Italy mi Gianluca Pagliuca a si i bench țang i red card hmu hmasa bik cu Argentine Claudio Canigga a si.
World Cup i goal score khulrang bik cu Hakan Sukur a si i,kum 2002 khan S. Korea lakah second 10.89 ah a thun.
The Phongpi Post (ONP)
Lawngtlai : 11. Pur. 2018 (Cawnnikhat)
Vuleicung mipi nih caan sunglawi le event sunglawi cem i kan ruah mi "The Greatest Show on Earth" tiah a min an rak bunh mi, "FIFA WORLD CUP" cu a voi 21st naak dingah Pur ni 14th hin Russia ah tuah a si țhan cang lai. Cutluk i mipi nih kan sunhsak mi, pumpululh a celh ballo mi le club i zuamnak League tampi zong a zoh ballo mi hna zong nih pumpululh i kan lungthin a tei lio caan a kan petu WORLD CUP cu zeidah a si? Zeitindah hram a rak awt? Zeitindah i tel ve khawh a si? ti hna zauh kan i zuam hna lai.
World cup kan timi cu vawleicung ram kip i pumpululh chuih thiam bik ram thimnak kan ti ko lai cu a tawinak in. Olympic tlamtling ngaiin tuahkhawh a si bantukin FIFA president Jules Remit lungthin ah football i ram le ram i zuamnak tuah cu a duh bikmi pakhat a hung si ve. Cupinah 1932 Olympic Los Angeles khawpi i tuah dingah football cu hlonh siseh tiah bia an khiah i,cu nih World Cup tuah duhnak lungthin fakpiin a neihter fawn. Cuticun May ni 28,1928 khan Armsterdam ah World championship tuah siseh tiah biakhiahnak an rak ngei. Cun Uruguay cu Olympic 1924 le 1928 i champion mi an rak si, 1930 khin an ram centenary independence lawm ding an si fawn i, world cup tournament tlung ding cun thim an rak si.
Ramkip National Association hna cu an ram Football team cu a tel dingin sawmnak ca an kuat hna. Culio ah European lei a lung a silo ngai. Uruguay kal ding cun Europe lei caah Atlantic Oceon hna pahchih a hau i,tangka dih a fak tuk ding a si. Cupinah rian a tlai mi hna an si i,puai i an i tel cun an rian kha an peh țhan kho lailoh ti cu an phan ngai mi a si fawn. Puai tuahnak ding i thla 2 lawng a um cang tiah European ram pawl nih cun 'kan i tel kho lai' tiah biakam zeihmanh an nei kho rihlo.Cu a si tikah Uruguay cozah nih a tel kho ding cu a bomh hna lai tiah bia a thanh i,cuhnu lawng cun Rimet zong nih ram pali, France, Belgium ,Romania,Yugoslavia hna cu a sawm khawh hna. Hi puai ah hin voithum Olympic champion si cang mi England,Spain,Holland,Italy le Germany hna cu a tello langsar bik an si.
Hi world cup i a tel kho ding hin FIFA tang i ummi ram 211 lakah ram 32 thim an si. A tel kho ding ram cu karhter lengmang a si.A hmasa cemah ram 13,cuhnu cun ram 16,kum 1982-1994 ah ram 24,1998 thokin ram 32 an i tel kho cang). FIFA tang i ummi ram kip hna cu anmah le Continent cio-ah i zuamnak (Quqlifying match) tuah a si i cuka țang i a qualified mi hna cu world cup i a tel kho ding i thim a si tawn. Qualifying match hi a hlan cun tuah a silo nain ram tel a duh mi hna an tam cang ruangah kum 1970 țang lawng khan rak tuah a si. Continent kip nih covo an ngeih cio hna i,an covo ngeih zat bel a lo hna loh. Tukum a tel kho ding țang hin zauh hna usihlaw,Football i power house an rak ti bal mi "Europe" nih covo an ngei tam cem i,ram 13 an i tel kho cuhnu cun a dongtu ding Russia. Cun Asian in 4,Africa in 5,S.America in 4; N.America in 3. Hihnu hin OFC(Oceana)țang le CONCACAF,CONMEBOL,AFC țang hna i world cup ticket direct i a hmu kholo deuh,a 4-nak le a 5-nak pawl hna i um mi hna nih play off wolrd cup a tel kho ding i spot 2 um mi an i cuh țhan.
Kum 1930 i World Cup hmasa bik(Jules Remit trophy an rak ti) tuah a si hnu khan peh lengmang a si i 1934 le 1938 zongah tuah a si. Culioah kum 1942 le 1946 chung cu Ralpi pahnihnak a chuah ruangah an i din i,1950 lawngah an peh țhan khawh. Cun hnu cun donglo tein kumli danah tuah lengmang a si cang.
FIFA world cup i a champion bal mi hna le an champion zat:
1.Brazil - 5
2. Italy - 4
3. Germany (with W.Germany) - 4
4. Uruguay - 2
5. Argentina - 2
6. England - 1
7. France - 1
8. Spain - 1
Hngalhpeng awktlak a simi:
Kum 1958 ah Brazil cu World Cup champion an si. Cuka cun tradition pakhat an tuah ta.Brazil captain Hilderaldo Bellini cu hmanthlak thlatu pawl nih a trophy langhter deuh dingin an nawl i,Cutin van leiah mizapi hmuh khawh dingin a thlir. Cu ni thok cun a tu tiangin a champion mi paoh nih an trophy cu van leiah an thlir lengmang.
Vuleicung Cozah zong nih Wolrd Cup cu a sunhsak ngai. 1970 khan qualifying i celhnakah central America lei mi Honduras le El Salvador cu Home le Away ah an i tluk ve ve. Cun neutral ground Mexico ah a celh ding ti an si. Cu i celhnakah cun El Salvador fans lei cu certualah lut in buainak an tuah. Cunghap cun Cozah lei zong nih i dohnak an tuah ve colh i,thla 3 chung Honduras le El Salvador cu an rak i doh.
Brazil cozah zong nih khin an ram an i celh paohah i dinhnak thawng a thanh lengmang. Kum 1978 i Argentina i World Cup zong khan Brazil MP hna cu world cup zauh an duh ruangah sesson an tuah kho loh.
Kum 1998 i France ram i World Cup an tuah zong khan S.Korea MP pawl nih an sesson caan an țhial.
Kum 1982 ah Kuwait cu World cup a tel kho ding an si ruangah an players mi 24 hna cu an ram Bawi Sheik Saad Abdullad Al Sabad nih Car mansung bakmi Cadillac;ram kau nawn;in țha tak mi,Speed boat le Sui tampi a rak pek hna.
Kum 1998 World Cup khan Cameroon cu referee ruang caklo ah an i ruat i,mipi thinhung nih Yaoudi street ah mipi an pum hna i,Europe lei tuah mi Car an hmuh mi poah poah cu an den i an hrawh dih.
Kum 1994 World Cup ah khan Andreas Escober nih anmah lei i a goal ter. Cuhnu i an ram Colombia a phak hnu ah thah a si.
Kum 1960 khan England ramah Economic crisis a um ruangah mi tampi hna cu ram dangah an pem hna. Culio ah 1966 khan England cu World Cup ah an champion. Mipi tampibpem a tim mi hna nih cun "Kan ramah hnabeisei ding a um rih ko e" an ti i an țhulh țhan.
World Cup goal thun hmasa bik cu France mi Lucien Laurent nih minute 19' i Mexico lei i a thun mi a si. Cun US goalkeeper Jimmy Douglas cu 'clean sheet' nei hmasa bik a si fawn.
Peru players Placido Galindo cu Wolrd cup i red card hmu hmasa bik a si i Uruguay player Sergio Batista cu red card hmu rang bik a si fawn. Argentine Petro Monzon cu World cup final i red card hmu hmasa bik a si ve. Goalkeeper lakah red card hmu hmasa bik cu Italy mi Gianluca Pagliuca a si i bench țang i red card hmu hmasa bik cu Argentine Claudio Canigga a si.
World Cup i goal score khulrang bik cu Hakan Sukur a si i,kum 2002 khan S. Korea lakah second 10.89 ah a thun.
Comments