Thingkah khua nih an khaw kum 100 tlinnak Centenary an lawm.

Thingkah khua nih an khaw kum 100 tlinnak Centenary an lawm.

Tuzarh Cawnningani ah khan Lawngtlai district i Bawi ttutnak khaw hlun bik hna lak i Pakhat Thingkah khua nih cun an kum 100 tlin lawmhnak an ngei. Rev. Dr. K. Thanzau nih khuallian si in a hmanpi hna i Thingkah Bawi fapa Pu Tc. Khawtinkhum cu Centenary Pa a si.

Centenary lawmhnak pual hin Nili zaan ah khan LIKBK, Moria tualchung Biakinah Buu ti bik um lovin pumhnak tuah a si i, Cawnningani zing suimilam 9:45 khan Centenary Lungphun cu Khuallian, Rev Dr. K. Thanzau nih a awn I, hi hnu hin Centenary lawmhnak hi Thingkah field-ah ngeih colh a si.

Centenary lawmhnak caan hmanpitu, Lawngtlani West bialtu, Pu C. Ngunlianchung Chinzah zong nih Biachimnak a ngei kho i MLA nih cun Thingkah khua i kum upa, kum 80 ri cunglei viakte hna sinah phaisa zanga cio in a pek fawn ..

Thingkah Centenary lawmhnak caan hi Bialtu MDC le Dy Chairman a si fawn mi Pu LR Dinglian te nupa zong nih an hmanpi khoh fawn hna.

Pu MZ Lawmthang Sathing in Pathian sinah Centenary lawmhnak pekchanhnak a ngei i, Pu A. Zaithang nih Thingkah khaw konglam a chim hnu ah Pu S. Lalramsang, VCP nih biachimnak a ngei ve fawn.

Centenary Celeberation Committee Secretary, Pu K. Vanlalzuat nih report tlangpi a pek i, Centenary lawmhnak dingah hin tangka thawh mi cu a diklak in Cheng Nuai 11 le Sing a si. , Pu S. Lalhmingthang nih lunglomhnak bia a chim hnu ah Centenary ruai an ttheh colh.

Centenary lawmhnak -ah hin Mizoram hmun hrang hrang in Thingkah khawchhuak an tel tha ngai I, hi caan ah hin Mizo hlasakthiam Marina V Varte le Pu Vanlalhlan hna zong sawm an si i, YLA Thingkah branch hna nih khuatlang hrangah mi chuanawm hna sinah conglawmhnak an pek fawn hna.