Lai miphun puai pakhat Hlukhla cu sungsai ngai in Cawnhu Certual Lawngtlai ah hman a si.

 Lai miphun puai pakhat Hlukhla cu sungsai ngai in Cawnhu Certual Lawngtlai ah hman a si.

Lai Autonomous District Council  Art & Culture le Central Young Lai Association hruainakin Lai miphun nih kumkhat ah puai pathum kan ngeih mi hna lak i pakhat Hlukha cu sungsai ngai in Cawnhu Certual ah Nohawng ni 27-28 tiang nihnih chung  tuah a si. Hi Hlukhla ah hin Kut dongtu cu Pu L. Lawmkim EM Art & Culture a si i, Kutpa ah Pu T. Zakung CEM LADC a si fawn.

Kutpa Pu T. Zakung CEM LADC nih cun biachimnak ngei in “Laimi i pumkhatnak lam hi kan zulh a ttul tyuk mi a si, Lai Miphun hi vawleicungah  tampi kan um k sihmanhsehlaw Political Boundary ruangah  ram hrang hrangah um in India ramah mi tlawmpal kan um i a tam deuh cu Burma ram ah an um fawn i cheukhat zong Bangladesh ah kan um rih  cu lawng si lo in vawleicung ram kipah kan um rih  mah cu Lai miphun pakhat cu nihin ni ah hin ipumkhat kan ngeih mi kha kan tthawnnak ding asi timi hi hngal cio hna usih a ti.

 

Hlukhla ah hin Bangladesh in Bawm Cultural Troups minung 12 le Young Bawm Association President  Pu Ramngaih Bawm hna an hong kho i Lam hmuhsaknak an ngeih pinah YBA Prsident Ramngaih Bawm sin nih biachimnak a ngei kho i, Hi pinah hin Myanmar ram in Halkha khua um Immanuel Baptist Church Mino minung 30 hrawng nih Hlukhla an hon telpi khoh hna i Myanmar ram aiawh in IBC Pastor lei nih biachimnak caan zong an ngei ve kho.

 

Hi Hlukhla hmannak hi Cawnhu Certual ah Nihnih chung hman a si i, Mipi tam ngai an chuak kho i Lawngtlai khua laili in Cawnhu Certual tiang hi a lak in cuan khoh mi Bus tlik ter peng an si fawn. Hi nihnih chungah hin Lai nunphung le lam a phun phun hna hmuhsaknak ngeih a si i, Lai hritlai chungin PANG Cultural Troups, Bawm Cultural Troups le Halkha Cultural Troups pinah LADC Ramchung khua hna le Lawngtlai khawchhung sang hna in lai lam hmuhsaknak an ngei kho i, Pawngkam miphun hawi hna sin in Bru le Chakma Cultural Troup zong nih an miphun lam hmuhsaknak an ngei ve Hlan lio lentecelh nak ah an rak hman tawn mi Thingpar kai le Hrizuan hna zong ah i zuamnak ngeih a si i, a nihnihnak ah hn Lai lam ah izuamnak ngeih a si fawn. Lai nunphung lam zuamnak ah Lai Cultural Club, Council Veng cu pakhatna an si i, Pahnihnak-ah YLA College Veng Branch siin Thingkah Cultural Troupe cu chu Pathumnak an si.

 

Kumdangah an rak tuah tawn bantukin Hlukhla Miss Thimnak zong ngeih a si i, Tukum ah an telh thar mi Little Miss le Little Mister hna zong thim an si i, Hngakchia ai tel mi hna lakah Laithil ai hruk mi hna lakin thim an si.  Hlukhla hmannak ah hin Aizawl in Mizo Hlasakthiam pahnih pinah Halkha in Lai hlasak thiam minthang Tawk Men sawm a si i, LADC Ramchhungin Lai hlsa, Mercy Remsangmuan, FC Lalramhna le  Lalruatmawi pinah Gordon ZRS hna zong hla an sa kho.