Lawngtlai ah International Womn Day hman a si.

Lawngtlai ah International Womn Day hman a si.

Vaute ni 8 hi Vawlei pumpi ah Minu hna Ni (International Women's Day ai i, Lawngtlai ah cun UD&PA Deptt, Lawngtlai le District Election Officer (DEO)  hohhatnak in Central YLA Hall ah hman a si i, Lam le hlasak zuamnak tuah a si. Hi caan ah hin khual lian ah Lawngtlai DC Pi Sashanka Ala IAS hman a si i, khuallian nih cun Minu hna Ni upatpeknak ngei in Nu sinak cu harnak lak i thuhpi ding silo in uangthlar in lawmhpi deuh ding a si a ti i, pa pawl nih an tuah khoh mi cun kan tuah ve khoh ko timi hngal bu in raltha in hmailei panh dingin a chuak khomi cu a cah hna i, Ram hruaitu thimnak kong zongah Nu vote ngeih mi le pa vote ngeih mi a hlunghlai nak ai khat ve ko i, duhthimnak kan tuah mi ning in ram hruaitu tha kan ngei le ngeih lo ai hngat , cucaah kan vote nih thlennak a chuahpi khoh timi hngal in Vote thlak kan timh cio ding zong a si a ti.


Hi caan hi Lai Women Association (LWA) General Headquarters, Lawngtlai in biachimnak an ngei kho ve fawn i, hi hnu ah hin Lawngtlai khawpi chung i LWA Branch hna nih Pumpak hlasak, Group hlasak le nunphung lam hna ah i zuamnak ngeih a si i, Pumpak hlasak le Group hlasak ah Branch 10 i tel kho in , Nunphung lam zuamnak ah Branch paruk an i tel kho fawn.


Zaiah Mission Veng Branch ai awh in hlasa Mercy H. Laldinfeli cu pakhatnak si in,   Bazar Branch LWA ai awh Lalbiakchhungi cu pahnihnak a si i,  Nunphunglam zuamnak ah Chandmary Branch LWA cu pakhatnak an si.