Lawngtlai ah World TB Day hman a si.

Lawngtlai ah World TB Day hman a si.

Vaute ni 25 kum 2019 ah khan Revised National TB Control Programme (RNTCP), Lawngtlai District TB Center hohhatnak in Lawngtlai CMO Conference Hall-ah World TB Day hman a si i, Lawngtlai Bawrhsap, District TB Society Chairman a si fawn mi Pi Shashanka Ala, IAS nih cun khuallian si in a hman pi hna.

Pi Shashanka Ala nih cun pumsa ah hin (TB) tlunh tu  bacteria hrik a um cia dih i, kan pumsa zawtnak dotu a tthawn lo ah cun a hung chuak than tawn timi chim in. TB Zawtnak hrial kho ding cun mah pumpak ngandamnak zohkhenh a that nak kong a chim i, Ho paoh nih zawtnak ah kan hman khoh mi le a zawtnak hrik kan taksa i a um cia mi a si tikah TB zawtnak a ngei mi hna kan hrial  i kan zomtaih lo hna kha a tha a ti. TB zawtnak a ngei mi hna nih sii an ei that ah cun an dam a tuan i, an ei that lo ah cun an thih a tuan fawn caah mipi sinah a tam khoh chungin TB zawtnak kong hi cawnpiaknak kan ngeih awk zong a si a ti i, Lawngtlai District cu TB zawtnak um lo nak si kho ding in mipi vialte tan la dingin a cah fawn hna.

Hi caan hi Lawngtlai District TB Officer Dr S. Thaizi nih caan a hruai i, hi caan an hman nak a ruang chim in  World TB (Tuberculosis) Day cu kum fatin te March ni 24-a hman a si tawnnak kong chim in, tukum belah cun Zarhpini ah a tlak caah hi  ni i hman a si nak hi a si ati. Sr Treatment Supervisor Pu James Zarzolian nih cu January 2018 le February 2019 karah  Lawngtlai District TB Center hma laknak le hlawhtlinnak hna chimnak a ngei i, Lawngtlai Chief Medical Officer (CMO) Dr Lalthlamuan zong nih  TB zawtnak kongkau le hlauhthlau nak ding caah tanrual a hernak kong a chim ve fawn.  

 Lawngtlai ah World TB Day caan hmannak ah hin Health department tangah  programme i riantuantu hna le ANM School sianghngakchia hna an chuak kho. 

World TB Day hi kum 1882- ah  Dr Robert Koch- nih TB zawtnak chuahtertu hrik a hmuhchuah nak kong phuan a si i,   March ni 24-ah a kum 100-nak kum 1982 thawk  khan hman hramthawk a rak si. . TB zawtnak kong cawnpiaknak le damternak ding kong cawnpiaknak ni ah hman a si tawn. 

Lawngtlai District-i TB zawtnak a ngei mi zohkhenh le kawl kongah District TB Center nih rian fakpi in a tuan cuahmah lio a si i .  2018 Tangkhawng  thawk in  2019 Nohawng tiangah khan mi zaruk sawmruk pathum khak zohfelnak ah mi pasarih nih TB zawtnak an ngei timi hmuh a si i, Sii pek lio mi he mi za sawmsarih pakhat um in an zohkhenh mi 100 ah 100 in an dam pi i, Kum thawnghnih le hleiriat  report-ah TB le HIV zawtnak a ngei kawp mi panga hmuh an si i, , TB zawtnak a ngei mi nunnak a liam mi pahnih um in TB zawtnak ruang i a thi mi bel an si lo. TB zawtnak ruang i zohkhenh lio mi hna cu tha te le felfai tein zohkhennak an don khoh nak hnga za sarih pek an si tawn i, an i zohkhenh chung ah ei in tha an ei khoh nak hnga zanga chap an si fawn.