Association for Lai Language le Lairam Cozah hohhatnak in Exploring Lai Identity timi tlangtar on Seminar cu Lawngtlai ah tuah a si lai.

Association for Lai Language le Lairam Cozah hohhatnak in Exploring Lai Identity timi tlangtar on Seminar cu Lawngtlai ah tuah a si lai.

Kan Lai tuanbia le phunglam hna fiang deuh le tling deuhin cawn le theih fian a si khoh nak hnga ding caah Association for LAI Lawnguage ALL le Lairam Cozah LADC hruainak in Vaupi ni 3 in ni 5 tiang ah hin LIKBK Centenary Hall Lawngtlai ah ramkip um Laimi chung i mi thiamsang hna cah in Exploring Lai Identity timi tlangtar in Kan Lai tuanbia le phunglam nak cawnnak le caihmai ti nak ngeih a si lai tiah thawng kan thei. 

Hi Seminar ah hin khuazakip um Laimi chungin mithiamsang hna Cathluan chuahpi dingin cah an si i, Australlia Laimi chungin pakhat, Bangladesh Laimi chungin pahnih, USA um Laimi chungin pakhat, Myanmar ram Laimi chungin panga, Mizoram University in pahnih pinah Research Scholar hna le tualchung mi hna in an dihlak mi hleinga nih cathluan an chuahpi lai tiah thawng kan theih. 

Hi Seminar ah cathluan an chuahpi bik ding hna cu, Laimi tthitumhnak phunglam kong, Laimi phun chungah phun tteng nge a um mi hna kong, Lai Pupa tuanbia kong le caholh kong hna an si lai i, nithum chung tuah a si lai i, nikhat ah Cathluan panga lengmang chuahpi khoh dingin timhtuahnak ngeih a si, hi Seminar hi LADC Cozah nih chawva a chuah i Association for Lai Language nih thazaang chuah in tuantti mi a si i, an i tumhtah bik mi cu Lai nunphung le tuanbia hna pinah kan phunglam hna kan theihfian khoh nak than ding hnga caah tuah timh mi a si.