Lai Students Association General Headquarters Lawngtlai nih HSLC Exam Center Govt Region High School zohfelnak an ngei

Lai Students Association General Headquarters Lawngtlai nih HSLC Exam Center Govt Region High School zohfelnak an ngei

Mizoram Tanghra Exam cu ni March ni 28 ah khan thawk a si i, hi exam thawk ni ah hin Tanghra exam ngeih nak Center Govt Region High School Lawngtlai cu LSA Gen HQ Lawngtlai nih an zohfel, Hi Exam Center zohfelnak hi LSA Gen HQ ah Gen Secretary Lalpuilian Thangnget nih a hruai hna i , LSA hruaitu pawl hi Exam Center nawlngei tu hna nih tha ngain rak dong in Exam kalpi a si ning hna le Thutnak an remh ning le Cawnpiaktu pawl Room  kip ah duty an chiah  ning zong hmuhsaknak an rak ngei hna.

LSA Gen HQ hruaitu hna nih cun tukum HSLC Exam kalpi a si ning cu a felfai in a tha ngai in an hngalh i Kumdang ah Exam Center kalpi ningah mipi le sianghngakchia nu le pa hna nih an soisel tawn mi le an chimcaih tawn mi zong tukum ah cun hmuh ding a um lo tiah an chim. Kumdang ah Govt School le Private sianginn pawl hmunkhat ah tthutter lo in a dangte i tthut ter an si tawn mi zong tukum ah cun School dihlak Privet le Cozah Sianginn pawl zong fonh dih in tthutter an si i, Exam lio ah Nulepa le hawikawm hna nih an naih tuk tawn mi zong tukum ah cun a um ti lo, Exam Center ah hin Police duty ter an si i a hohmanh Exam center chungah Exam le Duty7 a ngei lo mi cu luhter sian an si fawn lo tiah LSA Biachuah nih cun a chim i, Exam lio ah Sianghngakchia a zaw mi an um sual zongah a zohkhenh colh dingin Medical Duty Lawngtlai CMO Tangin chiah an si fawn.

LSA Hruaitu hna nih cun tutan Exam kalpi a si ning cu lung a tling i thil diklo zong hmuh ding a um lo tiah kan ruah, kan tthangcho chin lengmang anti i Lai Sianghngakchia Exam a ngei lio mi vialte cu duhsaknak an chanh hna i, dik te le tha tein exam an ngeih khoh nak hnga le an hlawhtlin khohnak hnga duhsaknak bia an cah fawn hna. Lai  Students Association hna nih hin an Area chung HSLC Tanghra Exam Center umnak dang Bualpi, Bungtlang Sangau le a dang hna zongah zohfelnak hi an kalpi i an zohfel rih lo mihna zong an zohfel than lai tiah thawng kan theih.