Sangau-I khuatlang zatlaangbuu nih an ramchung Bawinu tipi ah Bomb puah khamnak cu an pehzulh thluahmah.

Sangau-I khuatlang zatlaangbuu nih an ramchung Bawinu tipi ah Bomb puah khamnak cu an pehzulh thluahmah.

Sangngau - I khuatlang Village Council, Young Lai Associatio, Lai Women Association hna nih cu an mah ramchung ah a luang mi Bawinu Tipi ah ah a um mi Nga hna cu Bomb le Dynamo hna in tlaih le thah an si nak hnga lo kilven le zohkhenh nak cu an pehzulh thluahmah tiah Sangau-I VCP Pu. F. Rozual sin in thawng kan thei, Sangau- I nih hin kum saupi an ram chung ah a luang mi Bawinu Tipi kilven le zohkhenhnak hi an rak kalpi cang i, Bomb le Dynamo pinah Chinai le sivaii tha lo in ngatlaih sian a si lo, YLA hna nih siseh Khuatlang fonh in an humhhak mi a si i, Bomb le Dynamo in nga a tlai mi tlaih an si ah cun mi pakhat Sangkhat tiang liam ter an si tawn. 

Sangau-I VCP Pu. F. Rozual nih cun, Hi Bawinu tipi ah Bomb le Dynamo in nga tlaih kan sian lo nak a ruang cu Bomb le Dynamo in Tipi kan dah tikah Nga tampi kan hmuh lo mi hna zong nih an thih phah i Nga a karh ding a donh tuk, cu pinah kan mah khuatlang hrim hrim hi, hi Tipi in paw cawmnak a kawl mi kan tam tikah Lenkhang le sur lawngin nga tlaih kan sian nak a ruang hi a si, Bomb le Dynamo kan khamh hnu in Nga zong an hong karh i, Lenkhang le Sur lawngin nga a tlai mi hna zong an hlawhtling deuh cang tiah a chim. 

Bawinu Tipi hi Sangau-I Zatlang buu hna nih cun an kilven in an humhhak ngai ngai mi a si i, Fungsih chuak in siseh a pawngkam tluangthluan Sangau-I Ramchung vialte cu an humhhak dih mi a si i, zarhkhat ah a tlawm bim vawi li nga cu an zuan hnawh i an ven mi a si, cu pinah lo riak le tlangram riak hna zong nih Sangau-I khuachung mi paoh paoh nih cun an kilven mi a si tiah thawng kan theih.