Vice president M Venkaiah Naidu cu Biangrei ni 24 ah khan a lang in Aizawl a hong

The Phongpi Post (ONP)

Biangrei : 25. 2018

Vice president M Venkaiah Naidu cu Biangrei ni 24 ah khan a lang in Aizawl a hong i, Mizoram University (MZU)-ah Academic & Seminar Complex hun nak a ngeih pinah , Boys & Girls Hostel sak nak ding lungphum a phum fawn. Vice President nih cun India khua le ti hna hrangah zeibantuk zumhnak Sakhua paoh va tlaih ah a pawi loh nain nan ram nan dawt ding a si” tiah a chim

MZU Auditorium- I pumahnak an tuah mi ah,  M Venkaiah Naidu nih cun, India ramchung  hmun kip ah Miphun kip le zumhnak kip a zul mi khuasakanak siko hmanhseh, India cu pakhat kan si timi le, Khawi hmun ah hmanh um usihlaw zeibantuk zumhnak hmanh zul usihlaw Idia ramah kan I fian ah cun kan thangcho ko lai, Asi nain Zumhnak ruangah harnak ytlunter cu thil tha lo ngai ngai a si a ti chap.

Vice President chuan, ram le miphun thil hna humhhak a hernak bia chim in, "Na culture le nature humhak ko uh,  hmailei caan ah (future).na chuahkehnak ram hi na philh ding a si lo. Governor-nih  Mizoram in  central service- I atling mi hna an pension tikah Mizoram I an kir than tawn nak kong a ka chimh I, hi thil hi a sunglawi tuk in ka ruah, kan chuahsemnak ram sunhsak hi a sunglawituk mi le a herh tuk mi thil a si.

Mah nuhrin holh kilven a herh nak kong chim in Venkaiah Naidu nih cun, "Tahnchoh le I ti san duhnak ruangah mi tampi nih an nuhrin holh an hnualsuat in an hlawt tawn," a ti i, Holh dang thiam cu a tha ko, nain Mah nurhin holh philh le thiam lo phah nak ah bel cun hman ding a si lo nak kong zong a chim.

Vice President nih cun, Nu hna zohchuk cu a tha loh ti mi bia chim in, Nu le pa cu thleidannak ngei lo tein kan I zoh hna ding a si ko I, India ram zong hi fatherland a si lo i, motherland a tu deuh a si. Kan tiva min hna zong hi Nu min deuh lawng te an pu. Nu hna cu puarhrannak hi  kan donghter hrim hrim ding a si. A ti

India  ram nih thanchohnak lam a hrawng lio tiah a chim I, Vice President nih cun, "India ram nih thanchohnak lam a zulh ;lio timi bia hi  prime minister Narendra Modi tahnak in ka chim mi a si lo, Asian Development Bank-nih  Modi- cozah a tahnak zohchun in ka chim mi a si, ram nih a thanchoh lengmang tikah mino hna ca zongah lam ai awng thluahmah cang. Tiah a chim chap.

Venkaiah Naidu nih cun, MZU umnak cu a nuam ngai tic him in, "Building kan awn thar mi le sak ding mi hna hi MZU-nih  hmasawn nak ah a hman ko lai tiah ruahchannak ka ngei," a ti i; MZU cawnpiaktu hna le nawl ngeitu hna njh India ramchung lawng silo in, Asia ram dang hna zong nih an panh ding mi ah buatsaih dingin a cah hna.