Paraguay nih Jerusalem ah an embassy an on than ve cang..

US-nih  Israeli a a embassy cu Tel Aviv in Jerusalem-ah a thial hnuah, Paraguay ram  zong nih Jerusalem-ah embassy a on ve than cang. 

Cawnnikhatni ah  khan Paraguay President Horacio Cartes nih cun Jerusalem-i embassy hi aonnak a tuah i,  Hi an embassy onnak pumh tawi ah hin Israel Prime Minister Benjamin Netanyahu  zong ai tel. Paraguay  nih a on hlan ah hin Guatemala ram  zong nih Jerusalem-ah hin an embassy a rak thial ve cang. Paraguay le Guatemala embassy hna hi Malha Technological Park-ah awn an si. 

Romania, Czech Republic le Honduras  zong nih Jerusalem-i embassy  kongkau ding hi caihmai nak an ngei lai tiah an chim cang.

 US President Donald Trump  nih cun nikum December thla ah khan Israel khawpi ah  Jersualem a pawm nak le, embassy zong Tel Aviv in Jerusalem-ah thial a si nak lai a rak phuan cang. Hi hi Palestinian le an mah a tanhtu ram hna nih cun an duh lo ngai pinah soisel zong a trak tong ngai. Palestinian mipi hna zong nih an lungtlinlo nak le an duhlo nak an rak langhter . a sinain zarh hmasa ah khan  Jerusalem-a US embassy hi  awn a rak si thiamthiam.

Palestinian- hna nih cun Israel- nih a chuh mi, East Jerusalem cu Palestine ram  a dir tikah an khawpi ding ah an halh mi a si I,  hibantuk thil a si ko bu ah hin Israel  nih cun Jerusalem cu khuhlan in an khawpi a si nak le thenthek an sian lo nak kong an rak chim chung cang ve.