Lai Women Association (LWA) General Conference a voi 14 nak cu Chanmary Innpi Lawngtlai ah hman a si.:

Dated :Lawngtlai

Biangrei ni 10. 2018

The Phongpi Post (ONP)

Biangrei ni hra in ni hleikhat tiang ah khan Lawngtlai khualipi Chanmary Innpi ah a voi hleili nak Lai Women Asssociation (LWA) General Conference cu hman a si i, a nikhatnak Biangrei ni hra ah hin  Mizoram Fisheries Minister Pi Vanlalawmpui Chawngthu  cu khuallian asi. Lai Women Association (LWA) General Conference vawi hleili-nak hi a hman pi hna, Conference ni khatnak caan hi Pi H. Vanlalhruai LWA President nih caan  a tlaih i, Rev Laltanpui Colney  nih Pathian sin pekchanhnak caan a hman piak hna.

Khuallian Pi Vanlalawmpui Chawngthu nih cun biachimnak caan ngei in, “Lai Nu Buu Khawmpi ah sawm a si mi cu ai lomh nak le cawimawinak rokual ngai ah ka ruah” tiah a ti. . Nu pawl i fumtomnak Buu cu thil sawsawh a si bal lo i, an riantuannak le hmalaknak zong Khawtlang ram le mipi nih a thathnem pi mi thil an si tawn. Nu pawl hi Chhungkhar le khawtlang sersiam nak ding caah tuanvo ngan tuk a ngei mi zong kan si caah Nu dirhmun a san ve khoh nak hnga caah kan tanrual i kan i domh cio a biapi tuk tiah a ti. Minister nih cun mah le zawn cio ah Nu dirhmun cawikang tu si ding in LWA member a chuak kho mi hna cu bia a cah hna.

Khuallian nih hin CollegeVeng Branch LWA nih  'Lai Hla Bu' an buatsaih mi cu  phawtzamhnak caan a ngei colh. LWA General Conference hi ni hra in ni hleikhat tiang ngeih a si i, a ni hnihnak ah hin kum 2018 in kum thonghnih le kul  tiang LWA hruaitu ding thimnak le Lairelnak zong an ngei colh, kum 2018 in kum thonghnih le kul  tiang hruaitu ding an thim thar mi hna cu.

            President ah : Pi. Vanlalhruai

            Vice President ah Pi. V. Lalrinkim

            General Secretary ah Pi. Hranghlunchhung

            Asst General Secretary ah Nungak Lalramdinpui Sathing

            Joint Secretary ah BD. Lalnunsiam

            Finance Secretary ah : Pi. Hrangbuang

            Treaserure ah P.C Vanlalcham hna an si.

            Biangrei ni hleikhat . ah LWA General Conference Khuakhan Lairel ni ah an biachah mi biapi deuh deuh hna cu.

            1). Lai Shawl (Jubilee shawl) a dum tah ter siseh.

            2). Lairam motherless Home (LMH) hi branch kip nih vehvat siseh.

            3). LWA thawgthanh ca thlakhat voikhat chuak in chuah siseh.

            4). Lawngtlai District Hospital ah “Upa ward” chiah ding in hal siseh.

            5). Kum 2018 in kum thonghnih le kul  LWA Kumphuan caah “Ram le miphun humhhak” ti siseh.

            6). Silver Jubille hrang ah member pakhat nih fang hra cio thawh siseh.

            7). LWA Kumkhat Budget dingah Rs. Sangruk chiah siseh ti hna pinah hin.

            8) Lawngtlai Civil Hospital ah Nurse chiah belh ding nawl nak tuah siseh ti hna an si. 

 LWA hi April ni kul le li, 1996 ah khan rak dirh a si i , General Headquarter cu Lawngtlai ah um in, Tu dirhmun ah  Sub-Hqrs pathum a um i, Branch 65 an ngei fawn, Members dihlak hi thawng ruk 6000 hrawng an si.