Kum 2018 in kum 2020 hrang Young Lai Association kumpuan onnak an ngei :

Dated : Lawngtlai

Biangrei ni 11. 2018

The Phongpi Post (ONP)

Biangrei ni hleikhat,  2018 cawnningani ah khan Pu J. Sangthangpui, President, Central YLA-nih Areopagy, Lawngtlai Bazar-ah, YLA Kumphuan – Thiannak timi cu onnak a ngei, YLA Kumphuan onnak programme hi Pu Zirliantluang Tinthe, Chairman, Kumphuan Sub-Committee-nih caan a tlaih i, Rev. SI. Lalpuilian nih Pathian sin pekchanhnak ngei in Pu T. Rohlupui, Secretary, Kumphuan Sub-Committee nih report peknak a ngei kho.

 

Pu J. Sangthangpui, Central YLA President-nih cun bia chimnak ngei in, Thiannak nih hin upatnak le zahtlak sinak a ken chih i, thanchohnak lam pakhat a si caah kan ram nih thanchohnak lam a hrawn khawh nak hnga kanmah pumpak cio zongin Thiannak lei ah hma kan domh cio a herh, cu lawng silo in lenglei kan langh ning a biapit tlukin chunglei kan lungput hna zong a thianghlim ding a si, cu thil hna kan kan nunpi khawh ah cun Laifa hna Jerusalem kan ti tawn mi Lawngtlai khualipi hi Laimi hna Paradise ah kan ser khawh ko lai” tiin bia a chim hnu ah YLA Kumphuan “Thiannak” timi cu onnak a ngei colh.

YLA Kumphuan onnak Programme hi  Pu H. Rameng  Executive Secretary, LADC le Pu Victor Hrahsel, SDPO, Lawngtlai District hna zong nih an telpi hna. Hlasak thiam Nungak Lalinpui le PC. Mami hna nih mipi a chuak kho mi hla in an awih hna. Hi YLA kumphuan onnak ah hin Town Branch in YLA hruaitu hna siseh CYLA CEC Member hna zong nih an telpi fawn.

 

Hi YLA kumphuan onnak caan hman lio ah hin Kumphuan a hlawhtlin khohnak hnga hma domh nak dingah tiin Central YLA  sinah Pu Victor Hrahsel, SDPO Lawngtlai nih cun bomhnak a pek hna.