SUBJECT COMMITTEE-III nih LAWNGTLAI DISTRICT OIL PALM Cinthlak nak hmun an zoh.

Dated: Lawngtlai

Biangrei 10. 2018

The Phongpi Post (ONP)

  

Zarh hmasa cawnilini  le cawn ningani ah khan Mizoram Legislative Assembly tangah a um mi Subject Committee-III nih cun an Chairman Pu R. Vanlalvena MLA hohhatnak tangah Lawngtlai District-i oil palm chinthlak nak le zohkhenhnak ding kong Agriculture Department (Crop Husbandry) le Ruchi Soya Company hna riantuannak a hmun ah kal in an zoh.

 

Hi caan ah hin member tangin Pu K. Lalrinthang MLA leh Pu Lalthanlian MLAhna telh in, MLA Secretariat tangin Under Secretary Pi Lalnunpui Renthlei le Assistant Pu Rammuanpuihna nih an hon zulh i. Agriculture Department tangin Director of Agriculture (Crop Husbandry) Pu J. Lalzamlian, Deputy Director Pu C. Lalthlamuan, Subject Matter Specialist (Oil Palm) Pu B. Ramnunsang leh District Agriculture Officer Pu J. Rokim le staff cheukhat hna zong nih an telpi hna.

 

Subject Committee-III hna nih hin tuzarh cawnnilini ah khan Vaseikai hmun i oil palm nursery le a cinthlaknak hmun hna an zoh i. Nghalimli Community Hall-ah oil palm cingtu hna he biaruahnak caan an ngei. Hi caan ah hin oil palm cingtu hna nih cun an dirhmun report peknak caan an ngei.

 

 Chairman Pu R. Vanlalven MLA nih cun oil palm cingtu hna cu  department riantuantu hna an chimh mi le cawntermi hna bochan dingin a forh hna. Director of Agriculture Pu J. Lalzamlian zong nih Direct Benefit Transfer (DBT) system hman a si cang I, tangka kongah lo ngeitu hna kut a phanh colh cang tikah teimanthlu tein riantuan ah cun hlawhtlinnak lam a um ko tiah a chim chap.

 

Subject Committee-III hna nih hin Chawngte i Nalbonya oil palm nursery le a cinthlaknak hmun hna an zoh than I, Oil palm cingtu hna he I ton nak caan zong an ngei kho.

 

Kum 2017-2018 chung ah Lawngtlai District-i oil palm cinthlaknak hmun kauh nak cu hectare 398 a si i . thangcho chin ding in riantuan cuahmah lio a si.