Thenzawl khawluhka Motor Accident ah mi pakhat thi in Pathum nih hliamhma an pu:

Dated : Thenzawl

Biangrei ni 10.2018

The Phongpi Post (ONP)

Biangrei ni hra. 2018 cawnnili ni zaanlei khuamuihlai te ah ah Thenzawl khawluhlai Thenzawl in Lunglei panh nak Wolrd Bank Road, Tantia Construction Company ltd. Office hmai zawnah Siaha in Aizawl Sumo Service, TBC Family - MZ-03-4848, Motor ngeitu le driver zong a si colh mi, Pu TBC Lawmzual, Aizawl Republic Veng khalh mi, Siaha in Aizawl panh in a tli mi cu Mizoram PWD Truck thar, TATA 911, Aizawl in Lawngtlai Division ah chiah ding mi Lalhmelṭha  s/o Sawngkarai, Buhchangphai,  Dawrpui Vengthar ah khuasa lio nih cun Sumo , driver side  ah a suk i, hi Sumo seat hnu bik , seat no.pahra nak,  thlalangawng pawngah a thu mi. Pu K. Lalremruat kum 38.  K. Nahli, dawngpa New Siaha, PWD Bualpi NG Sub-Division ah Muster Roll riantuan lio mi cu a nunnak a liam colh.

 

 Vanchhiatinak a tong mi Pu K. Lalremruat le hliam tuar dang mi 3 hna cu Thenzawl CHC ah  hruai colh an si ko nain, Pu K. Lalremruat hi motor nih a suk hna hnu ah hin nikhaw hngal lo in a um colh i, Thenzawl CHC an phanh pi hnu ah hin a nunnak a liam tiah thawng kan theih.

 

Sumo sutu 911 Mizoram PWD Truck thar nih Sumo a sut hnu ah hin lam thlang lei ah a um mi Tantia Company Bolero MZ-09-0195 cu lamthlang lei I, a nawr tlak hnu ah, Tantia Company Generator  ngan zong a va suk chap. Hi thilcang mi hi an theih le cangka Thenzawl Police hna nih cun Truck Driver hi an tlaih colh i, Case siam piak a si hnu ah Serchip district Court ah i lanh dingin hruai colh a si.  Pu K. Lalremruat nih hin fapa 3 le fanu pakhat a ngei i, an fapa Divine School, Aizawl ahTang sarih cawng lio mi Hostel ah a um mi va vehvat dingin a nupi le fanu ngakchia bik he Aizawl panh in an kal hi a si i, hibantukin an khualtlawn lam ah vanchiatnak an ton hi a si.