French Open 2018 cu Biangrei ni 27, Zarhpini in Roland Garros Stadium-ah celh hramthawk a si lai

The Phongpi Post (ONP)
Biangrei ni 25. 2018

 Tennis  i zuamnak ngan le sunhsak a cio mi, Grand Slam pali lakah clay court-I  an celh mi umchun French Open 2018 cu Biangrei ni  27, Zarhpini in Roland Garros Stadium-ah celh hramthawk a si lai i, Pur ni 10-ah final khelh a  si lai - singles champion lio cu Rafael Nadal le Jelena Ostapenko hna an si.

 I zuamnak hi International Tennis Federation (ITF) hruainak in tuah tawn mi a si i, mipa le MINU singles le doubles pinah mixed doubles ngeih ding mi a si i, kum  rikhiah in I zuamnak a um fawn lai. Court hrang hrang 22-ah celh nak tuah a si lai I, hi hna lakah hin  Court Philippe Chatrier, Court Suzanne Lenglen le Court 1 hna cu a langsar deuh mi an si.

 

vawi 10 tiang  champion cang mi Nadal nih cun tukum zongah hin Champion si nolh ai tim i. Spanish tlangval hi seeded pakhatnak si buin ai tel lai. , tu dirhmun zoh ah cun world number 3 Alexander Zverev cu a elpi bikah ruah a si. Clay Court inelnak ngan bikah hin kum hmasa bantuk in Roger Federer ai ltel hawi lai lo, Grand Slam vawi 20 champion cang mi Federer ai  tel lo ding ruangah hin German  in rawlthar Zverev hi seeded pahnihnak a si lai.  i- final  hlan cu Nadal le Zverev  hna pahnih hi an I tong phomh lai lo.