Mizoram Youth Commission tawlrelnak in Biangrei ni 18 ah khan Bazar YLA hall Lawngtlai ah “Youth Summit cum Road show” ngeih a si i.

Biangrei ni 18 2018
The Phongpi Post (ONP)

Mizoram cozah tangah a um mi, Mizoram Youth Commission tawlrelnak in Biangrei ni hleiriat ah khan Bazar YLA hall Lawngtlai ah “Youth Summit cum Road show” ngeih a si i.

                 Hi “Youth Summit cum Road show”  Mizoram Youth Commission tawlrelnak in Bazar YLA hall Lawngtlai ah tuah mi hi Lawngtlai ah cun a voikhatnak a si I, hi caan ah hin Lawngtlai East bialtu Pu. Zothanglian cu khuallian si I, Lai Autonomous District Council Chief Executive Member Pu. T. Zakung cu Guest of Honor a si, hi caan hi  Lawngtlai SP le Head of department dang dang hna zong nih an telpi hna, Khuallian Pu. Zothanglian nih cun biachimnak tawi ngei in Mino hna cu kan ram le miphun thanchohnak ah mi pawimawh ngai ngai nan si I, nanmah nan thanchoh ah cun miphuna thangcho a si, I nan riantuannak le nan cawnnak cio ah siseh zei thil nan tuah paoh ah teimanthlu tein tuan ding uh law a tha” tiah biacahnak le forhfialnak a chim. Hi caan ah hin Lawngtlai khuapi chungin sianghngakchia le mino tam ngai an I tel kho I, Cozah department le Pumpak in cawnnak lei le thil serchuah lei ah hmuhsaknak a phun phun an langhter.

 

                Hi caan ah hin Lawngtlai District in hmuhsaknak a ngei mi Cozah department, zatlang buu le pumpak in  hleihnih (12) le Aizawl le district dang in cozah department, zatlang Buu le pumpak in hleinga (15) hna nih an hong I tel kho, Hi Youth Summit le road show hi a donghnak bik le a khar nak caan cu Lunglei ah ni kul le thum (23) Biangrei ah Mizoram CM Pu. Lalthanhawl nih a ngeih lai.